ROMANIK 1:16 - BUKUIT NE TILIIL Sireet ne Dutero Kanon

¹⁶ Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

Bukuit Ne Tilil

¹⁶ Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

BUKUIT NE TILIL

¹⁶ Amu malilanjini logoiywek che miach: amu choto ko kimnatetab Jehovah agoi yetunet eng’ age tugul ne iyani; eng’ Yahudiot korok, ak Yunanindet agine.

ROMANIK 1:16 ပူးပေါင်းရင်းမြစ်များ

TIENWOGIKAL 110:2

Iyooktoi Kamuktaindet ne Toroor kirokto ne po kimnateng'ung' eng' Zion. Pou inyee eng' kwenutap puuniguk.

TIENWOGIKAL 119:46

Amwaitoi agine paornatosyeguk eng' taitap laitorinik, amalilani.

ISAIAH 53:1

Ng'oo ne ki iyan ng'aleekyok? Ak ki king'aang'ji ng'oo eutap Kamuktaindet ne Toroor?

JEREMIA 23:29

Tos ma uu ng'olyoondennyu maat? Mwaei Kamuktaindet ne Toroor; ak ma uu kiriswet ne tonei rwandet?

MARIKO 8:38

Amu age tugul ne ililani agobo anee kobooto ng'aleekyuk eng' ibinita po sokseet ak tengek, ko tuun ililanjin agine Weeriitap chii ineendet, ye tuun nyoonei eng' liilindap Kwandanyi kobooto malaikaisyek che tiliileen.”

LUKA 9:26

Amu age tugul ne ililanjino ak ng'aleekyuk ko tuun ililanjin agine Weeriitap chii chiichooto, ye tuun nyoonei eng' toroornatennyi, ak ne po Kwanda, ak ne po malaikaisyek che tiliileen.

JOHANA 7:35

Komwachigei anyun Yahudik kole, “Wendi ano chiichi si ma kinyooru ineendet? Tos wendi ole mi icheeget che ki koiyestoochi Yunanik, si koneet Yunanik?

POISYONIGAP CHE KIYOKTOI 3:26

Ak ye kingo kagong'eet Kamuktaindet kiboityondennyi, koyokwok okweek korook si koberuurok, ak koistoe chii age tugul eng' okweek tengekwogikyik.”

ROMANIK 10:17

Nyoonei anyun kayaneet eng' kaseet, ak nyoonei kaseet eng' ng'olyootap Kristo.

ROMANIK 15:19

eng' kamuget ne po kaboorunoik ak kwang'utik, eng' kamuktaetap Kabuuset ne Tiliil; nooto anyun, kong'etee Jerusalem, ak komoswekyik agoi Iluriko, ko ki aamdaate komyee logoiywek che myach che po Kristo;

ROMANIK 15:29

Ak angen ale, ye Anyoonjok, anyoone eng' nyiietap kaberuretap Kristo.

ROMANIK 2:9

nyalilda ak pichiindo, eng' saboondap chii age tugul ne yaei yaityo, ne po Yahudyot korook, ak ne po Yunanindet agine;

ROMANIK 4:11

kitaach kaboorunetap kamuratanet, ng'ookset ne po imandap kayaneet ne ki tinyei ye kitom kimuratan: si kobiit koek kwandap icheek tugul che kiyani, agot ye kitom kimuratan, si kobiit kiityi icheek imanda;

1 KORINTOEK 15:2

kisaruunenok chooto ak icheek; eng' ng'aleek che ki aamwok, ngot onam komyee, ngot ko ki ma oyan puch.

1 KORINTOEK 2:2

Amu ki abegechi ale ma mache anai kiy age tugul eng' kwenung'wong' kobatee Jeso Kristo, ineendet ne ki kigartaat.

1 KORINTOEK 2:4

Ak ng'alaalennyu ak ng'olyoondennyu ne ki aamdoi ko ki ma ko ng'aleegap kagaigaet che po utaatyet, ago eng' kaboorunetap Kabuuset ne Tiliil ak ne po kamuktaet:

1 KORINTOEK 9:12

Ngot kotinyei piik alak yamdaet eng' kamugoniito koboiywok, ko tos ma kisiirtoot? Ago ma kiboisyee acheek kamugoniito; ago kimuitoi eng' tuguuk tugul, si ma ki kirinde logoiywek che myach che po Kristo.

1 KORINTOEK 9:18

Nee anyun melektanyu? Nooto ko ni, ye aamdoi logoiywek che myach, ayae logoiywechooto myach koek ne ma pooto melekto, si ma poisyee kamugennyu miising' eng' logoiywek che myach.

2 KORINTOEK 2:12

Ak ye kinga nyo Traos amu logoiywek che myach che po Kristo, ak ye ki ngeyatwa kurgeet eng' Kiptaiyat,

2 KORINTOEK 4:4

eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

2 KORINTOEK 9:13

amu tyemet ne po poisyoni kotoroori icheek Kamuktaindet amu kasetap iit ne po ng'ang'eng'wong' eng' logoiywek che myach che po Kristo, ak aiyebindap kagoitoeng'wong' eng' icheek, ak eng' tugul;

GALATYEK 1:7

che ma teer: kobatee mi alage che iimok, ak machei kowal logoiywek che myach che po Kristo.

1 THESSALONIKEK 2:13

Kimwachini anyun Kamuktaindet kongoi, amu ng'olyoondoniito, ama kisistosi keele, ye kingo taach ng'olyoot ne ki ogasenech, nooto ng'olyootap Kamuktaindet, ki otaach, ma ko uu ng'olyootap piik, ago ko uu ye mi eng' imanit, ng'olyootap Kamuktaindet, nooto agine ne poisyei eng' okweek che oyani.

1 TIMOTEO 1:11

ko uu ye mwaei logoiywek che myach che po toroornatetap Kamuktaindet ne iberuurot, che ki kigoono atononji.

2 TIMOTEO 1:12

Anyooru anyun nyalilwogichu ak icheek agobo nooto: ago ma lilani; amu angen ineendet ne ki ayan, ak ayani komyee ale imuuchi koriip nooto ne ki agoochi ineendet agoi peetuunooto.

2 TIMOTEO 1:16

Ingogoochi Kiptaiyat rireenet kootap Onesiporo: amu kitoreta konyil che chaang', ama ililan amu monjororitinnyu;

2 TIMOTEO 1:8

Amelilanji anyun paornateetap Kiptaiyandennyo, anan anee kimonjororyondennyi: ago nam yamdaetap nyalilwogik amu logoiywek che myach ko uu ye tee kamuktaetap Kamuktaindet;

HEBRANIK 4:12

Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.

1 PETERO 4:16

ago nginyalil chii amu Kristyanindet, ko mat kolilaan; ingotoroor Kamuktaindet eng' kainaniito.