RIREKAB JEREMIA 4:7 - BUKUIT NE TILIIL Sireet ne Dutero Kanon

⁷ Ki tiliileen piikyik che taagunotiin kosiir teluji, ak ki leelachen kosiir cheego. Poorwekwak ko ki piriireen kosiir koik che kiguure peninim, ki sitatiin ko uu koita ne kiguure sapphire.

Bukuit Ne Tilil

⁷ Ki tiliileen piikyik che taagunotiin kosiir teluji, ak ki leelachen kosiir cheego. Poorwekwak ko ki piriireen kosiir koik che kiguure peninim, ki sitatiin ko uu koita ne kiguure sapphire.

BUKUIT NE TILIL

⁷ Ki tililen bikyik che toogunotin kosiir teluchi, ki leelach ichek kosiir chego, Ki biriren borwekwak kosiir koik che kiguure peninim, ki sitotin ko u koita ne kiguure sapire:

RIREKAB JEREMIA 4:7 ပူးပေါင်းရင်းမြစ်များ

Kitabuutap JOB 28:16

Ma kimuuchi kiroge thahabu che po Opir, ama kimuuchi kiroge soam che po kamanuutyet ne oo, anan ko sapphire.

Kitabuutap JOB 28:18

Ma kimwaei tuguuk che piriireen che mi ngeguut anan sonoek che korooron. Ee, alyetap utaatyet kosiirei ne po peninim.

TIENWOGIKAL 144:12

Ngo kergeit weeriikyok che ta ko neran ak keetiik che piitos; ak kogergeit tiibiikyok ak koigap luuita che ki kiwai ko uu che po kootap laitoryat.

TIENWOGIKAL 51:7

Iunena husop, si atiliilit; iuna, si atiliilit kosiir teluji.

KOMONG'U 24:10

Ki keer anyun icheek Kamuktaindet ne po Israel. Ki mi keelyekyik keel koita ne keguure sapphire ne uu sengwetyet eng' tiliilindanyi.

TYENDO NE SIIREI TUGUL 5:10

Leel chamanennyu ago tilyal ne piriir, taagunet ineendet eng' eliphuusyek taman.

TYENDO NE SIIREI TUGUL 5:15

Uu keelyekyik tolochigap koik che leelach, che ki kitetyi kelongonigap thahabu ne karaaran. Uu itoondanyi Lebanon, karaaran ko uu taragonik.

LUKA 1:15

Amu tuun egu ne oo eng' taitap Kiptaiyat, ama eei divai anan maiyo che ng'woneen; ago kinyiiti Kabuuset ne Tiliil, kobooch komi moetap kamet.

KIRUOGIK 13:5

Amu imanachi iman ak isich weeriit. Ma kicheru suumeekyik, amu egu lakwanooto Nasiritindet ne po Kamuktaindet kobooch komi moo. Ak kotoi ineendet kosar Israel eng' eunegap Philistiik.”

KIRUOGIK 13:7

Ago kaleenjo ineendet, ‘Imanachi ak isich weeriit. Amee divaik anan ko maiyek, anan iam kiy age tugul ne murwoon amu egu lakwanooto Nasiritindet ne po Kamuktaindet kobooch komi moo agoi peetuutap meennyi.’ ”

KIRUOGIK 16:17

Ara ki mwachi tugul che ki mi muguleldanyi koleenji, “Tomo kicher metinnyu ole kigoi; amu ki aegu Nasaretindetap Kamuktaindet kobooch ami moetap kamennyu. Ngot kicher metinnyu, kowendi anyun kimnateennyu eng' anee, anyaluli ak aigei chii tugul.”

1 SAMUEL 16:12

Ki iyookto chiito, ak ki imut ineendet. Ki piriir, ak ki tinyei koonyek che korooron, ak ki karaaran. Ak ki le Kamuktaindet ne Toroor, “Ng'eet, iil ineendet, amu ineendet niito.”