RIREKAB JEREMIA 4:11 - BUKUIT NE TILIIL Sireet ne Dutero Kanon

¹¹ Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

Bukuit Ne Tilil

¹¹ Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

BUKUIT NE TILIL

¹¹ Kigoyai Jehovah neregekyik che ng’wonen kosulda, kigorong’ neregekyik che koromen; Ak kigonaam mat eng’ Sion, ne kigobeel lumeiywekyik.

RIREKAB JEREMIA 4:11 ပူးပေါင်းရင်းမြစ်များ

ISAIAH 51:20

Kagotanuiso weeriiguk, ruitos eng' tabanwegap ortinwek tugul, ko uu kenyeleet ne mi mesteet; nyiitootiin icheek nereegek che koroomen che po Kamuktaindet ne Toroor, kereetap kong' ne po Kamuktaindeng'ung'.

JEREMIA 13:14

Ak atue chii age age, kwanisyek ak weeriik, mwaei Kamuktaindet ne Toroor. Ma riiree anan abagaakte anan koriira moo, kot ko magesu icheek.

JEREMIA 17:27

Ago ngot ko mogasa iit otabaan peetuutap sabato, amoip laut age tugul ak obe oriit obun ormariichogap Jerusalem eng' peetuutap sabato; alaal anyun maat eng' ormariichokyik, si kobeel kooriigap laitoryat che po Jerusalem, ama kimisi.

JEREMIA 21:14

Ak abirok ko uu logoegap poisyonikwok, mwaei Kamuktaindet ne Toroor: ak anaam maat eng' osnennyi, ak kobeel tugul che miitei komoswekyik.

JEREMIA 36:7

Tamangap komwaita soomutikwak eng' taitap Kamuktaindet ne Toroor, ak koweek chii age tugul kometo ooreennyi ne ya, amu eecheen nereegek kobooto nereegek che ng'woneen che ki komwa Kamuktaindet ne Toroor agobo pichu.

JEREMIA 7:20

Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.

RIREKAB JEREMIA 2:1

Kalya si kotuge Kiptaiyat cheptap Zion pooldet eng' nereegekyik! Ki kotim karaaranindap Israel eng' kipsengwet konyo ng'wony, amata kobwaat ng'echereetap keelyekyik eng' peetuutap nereegekyik.

RIREKAB JEREMIA 2:17

Ki koyai Kamuktaindet ne Toroor nooto ki kochop; kagoyai ng'olyoondennyi kosulda ko uu ye kiga ng'at eng' peetuusyek che po keny; kagowiirta kwo ng'wony ama riiree; kagogoochi puunyoot koboiboitunenen, ak kagotoroor kimnateetap puuniguk.

RIREKAB JEREMIA 2:3

Ki kotil kimnateetap Israel eng' nereegekyik che ng'woneen. Ki koweech eunnyi ne po tai konyo eng' taitap puunik. Ki kolal ineendet ko uu maat ne liplibeni eng' Jakobo, ne peelei komoswek tugul.

RIREKAB JEREMIA 2:4

Ki koriich kwangennyi ko uu puunyoot, ki tonon kochuul eunnyi ne po tai ko uu puunyoot, ki kobar tugul che iboiboi koonyek; eng' emaitap cheptap Zion; ko ki koroong'ji nereegekyik che koroomen ko uu maat.

RIREKAB JEREMIA 2:8

Ki kochop Kamuktaindet ne Toroor kong'em irimeetap cheptap Zion; Ki kokwerto kiit ne kikwaise, tomo koaruny eunnyi eng' ng'emisyet: ki kogoochi irimeet ak tooteet kooteeiyo; ng'emaksei tuwai.

RIREKAB JEREMIA 4:22

Piretap tengektong'ung', ee cheptap Zion ko kagosulda; ma komutin kogeny keluulin: ago tengektong'ung', ee cheptap Edom, ko iityin ineendet pireet, ng'aanyei tengekwogiguk kotook.

EZEKIEL 22:31

Kaaroong'ji anyun nereegekyuk icheek amu nooto; kaagesu eng' maatap nereegekyuk: ki ande ortinwekwak metowekwak, mwaei Kiptaiyat Kamuktaindet ne Toroor.

EZEKIEL 36:18

Ki aroong'ji anyun nereegekyuk che ng'woneen amu korotiik che kiga kotumji emet, ak kiga kong'wanit emonooto eng' kanamonikwak:

EZEKIEL 6:12

Parei koroito ineendet ne mi ole loo; ak parei rotwetap chok ineendet ne neegit; ak parei rubeet ineendet ne ng'etu ne ki kigerchi nganaseet: ayae nereegekyuk che ng'woneen kosulda ko uu nooto eng' icheek.

ATEPTAP LAWIK 26:28

atilok let anyun eng' pandanyu eng' nereegek che pichiien, ak abirok agane konyil tisap amu tengekwogikwok.

SEPANIA 2:2

kotom kosulda ng'atuutyet, kotom kosiirto peetuut ko uu meteteek, kotom kobwanjok nereegek che koroomen che po Kamuktaindet ne Toroor, kotom konyonjok peetuutap nereegegap Kamuktaindet ne Toroor.

SEKARIA 1:6

Ago tos ki ma ityi kwanisyekwok ng'aleekyuk ak ng'atuutikyuk che ki ang'at otwogikyuk maotik? Ak ki week icheek ak kole, “Ki koyaiywech Kamuktaindet ne Toroor ne po lugoosyek ko uu ye kiga ibwaat kole yaiywech ko uu ortinwekyok, ak ko uu poisyonikyok.”

LUKA 21:22

Amu chuuto ko peetuusyegap mugetuut, si kobiit kosulda tuguuk tugul che ki kisir.