RIREKAB JEREMIA 3:37 - BUKUIT NE TILIIL Sireet ne Dutero Kanon

³⁷ Ng'oo ineendet ne mwaei ak kosulda kioto, ng'oo ne ng'atei kioto ngo ma Kiptaiyat?

Bukuit Ne Tilil

³⁷ Ng'oo ineendet ne mwaei ak kosulda kioto, ng'oo ne ng'atei kioto ngo ma Kiptaiyat?

BUKUIT NE TILIL

³⁷ Ng’o inendet ne mwaei ak kosulda kioto, ngot ko mang’at Kiptaiyat kioto?

RIREKAB JEREMIA 3:37 ပူးပေါင်းရင်းမြစ်များ

2 SAMUEL 16:10

Koleenji `laitoryat, “Kiting'egei nee ak okweek, weeriigap Zeruiah? Amu chubisyei, Ngot ko amu kamwachi `Kamuktaindet ne Toroor ineendet koleenji, ‘Chup Daudi,’ ko ng'oo anyun ne mwaei kole, ‘Amu nee si iyai ko uu no?’ ”

1 LAITORINIK 22:34

King'i chiito age kwangennyi kosapsapchi, ak kityech laitoryatap Israel ole tuiyechin kariikyik che ki ilaachi. Ki leenji anyun chiito ne kweryei chepkichutinnyi, “Imuta amanda eng' ole mi lugeet; amu kagiguotena miising'.”

2 LAITORINIK 6:33

Ye kita kong'alaali ak icheeget, koit ole mi ineendet chiito ne kagiyok. Ki mwa kole, “Keero, po yaityoni Kamuktaindet ne Toroor; kota agen Kamuktaindet ne Toroor kolya?”

Kitabuutap JOB 10:13

Ago ki iung'ee tuguuchooto muguleldang'ung'; angen ale mi niito kobooten.

Kitabuutap JOB 2:10

Ago ki leenji `Job ineendet, “Ing'alaali ko uu ye ng'alaaldos kwonyiik che perber. Tos kinyoor che myach eng' eutap Kamuktaindet ama kinyooru che yaach?” Eng' chuuto tugul koma mwa `Job tengek eng' kutinnyi.

KOMONG'U 10:10

Ak ki `leenji ineendet icheek, “Ingotep iman Kamuktaindet ne Toroor kobootok ngot achamwok obe kobooto lagokwok. Tagunoot keele otinye mageet ne ya.

KALEWANAIK 16:9

Chobei muguleldap chii ooreennyi, ago indochin `Kamuktaindet ne Toroor kakwautikyik.

KALEWANAIK 19:21

Mi chobutik che chaang' muguleldap chiito; ago tebyei katigonetap Kamuktaindet ne Toroor.

KALEWANAIK 21:30

Ma mi utaatyet, anan kaguiyet, anan kirwooget, ne kirindoi Kamuktaindet ne Toroor.

ISAIAH 46:10

ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame:

JEREMIA 23:32

Mwaei Kamuktaindet ne Toroor kole, ogeero, agirindoi icheek che maoteni karwotitaosyegap lembech, komwaita, ak kogoochi piikyuk kolel amu lembechekwak, ak eng' kachaunennywa pogei ne po puch: ago ma ayookte, anan ang'at icheek; ama toreti pichu agot kitigin, mwaei Kamuktaindet ne Toroor.

ROMANIK 9:15

Amu mwachin ineendet Musa koleenjin, Ariiree ineendet ne amache ariiree, ak atinye rireenetapkei eng' ineendet ne amache ariireegei.

EPESOEK 1:11

ne kiyaech eng' ineendet keegu porotennyi, ko kasip kolewenech, ko uu mageetap ineendet ne yaei tuguuk tugul ko uu kabwaatetap magennyi;