RIREKAB JEREMIA 3:25 - BUKUIT NE TILIIL Sireet ne Dutero Kanon

²⁵ Myee Kamuktaindet ne Toroor eng' icheeget che igeni ineendet, eng' saboondo ne cheeng'ei ineendet.

Bukuit Ne Tilil

²⁵ Myee Kamuktaindet ne Toroor eng' icheeget che igeni ineendet, eng' saboondo ne cheeng'ei ineendet.

BUKUIT NE TILIL

²⁵ Mie Jehovah eng’ icheget che igeni inendet, eng’ sobondo ne cheng’ei inendet.

RIREKAB JEREMIA 3:25 ပူးပေါင်းရင်းမြစ်များ

TAUNET 49:18

Ki agen yetuneng'ung', ee Kamuktaindet ne Toroor.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 19:3

Nganda uu nooto ko ki kigeerchin tuguuk che myachen, amu ki iste Aserot eng' emet ak ki igiil muguleldang'ung' icheeng' Kamuktaindet.”

2 ATEPTAP PEETUUSYEK 30:19

ne chobei muguleldanyi kocheeng' Kamuktaindet, Kamuktaindet ne Toroor, Kamuktaindetap kwanisyekyik, agot ngo tomo ki anyiny ko uu kaanyinyetap ole-tiliil.”

2 ATEPTAP PEETUUSYEK 31:21

Ak eng' poisyet age tugul ne ki toi koyai eng' otisyetap kootap Kamuktaindet, ak eng' ko uu ng'atuutik ak eng' kayomisutik, kocheeng' Kamuktaindennyi, kogiyai eng' muguleldanyi komugul, ak kibor.

EZRAH 8:22

Amu ki alilan asoom laitoryat kweanet ne po kiplugotinik ak piik che ketei paraisisyek si kotoretech kegirindee puunik che mi ooreet. Amu kiga kemwachi laitoryat keleenji, “Mi eutap Kamuktaindennyo kobooto icheek tugul che cheeng'ei ineendet, koyachi ne myee, ago kirindoi kimnateennyi ak nereeknatennyi piik tugul che metoi ineendet.”

TIENWOGIKAL 105:3

Olasunegei kainennyi ne tiliil; ingoboiboitu mugulelwegap icheek che cheeng'ei Kamuktaindet ne Toroor.

TIENWOGIKAL 119:2

Poiboen icheek che riibei paornatosyekyik, che cheeng'ei ineendet eng' muguleldo komugul,

TIENWOGIKAL 22:26

Amisyei che talaen ak kobiyong'so; ilasu Kamuktaindet ne Toroor che cheeng'ei ineendet. Ingosapcho mugulelwekwok koigeny!

TIENWOGIKAL 25:8

Kamuktaindet ne Toroor ko myee ak ko po iman, eng' nooto anyun ineeti ineendet kiptengeginik eng' ooreet.

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

TIENWOGIKAL 27:8

Ye ki le muguleldanyu, “Ocheeng' togeennyu!” Acheeng'e togeng'ung', ee Kamuktaindet ne Toroor.

TIENWOGIKAL 37:34

Igen Kamuktaindet ne Toroor, ak isup ooreennyi, ak koeetin inam emet; ye kiwong'u kiptengeginik igeere.

TIENWOGIKAL 37:7

Imuuny eng' Kamuktaindet ne Toroor, ak igen ineendet eng' muitaet; ameng' konyitin chii ne peruri eng' ooreennyi, chiito ne isuldoe ng'aalseet.

TIENWOGIKAL 39:7

Ara nguno anyun, ee Kiptaiyat, ta ageni nee? Inyee iman kamang'unennyu.

TIENWOGIKAL 61:1

Ee Kamuktaindet, kaswa riirekyuk, epchi iit saaennyu.

TIENWOGIKAL 61:5

Amu inyee, ee Kamuktaindet ne ki igas kaarortaosyekyuk, ki igoono poroteetap icheeget che konyiti kaineng'ung'.

TIENWOGIKAL 69:32

Kagogeer che talaen, ak kogaskei: Ingosapcho mugulelwekwok, okweek che ocheeng'e Kamuktaindet.

TIENWOGIKAL 71:14

Ago amang'u kotugul, Ak atese alasun kosiir.

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 26:9

Amachin eng' saboondanyu kemoi; acheeng'in eng' saboondanyu kotom koeech. Amu ye mi ng'wony kirwoogutiguk, koneetegei che menyei ng'wony imanda.

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 40:31

ago nyooru kimnateet ne leel icheeget che igeni Kamuktaindet ne Toroor; togostoi kotirirendos ko uu kipsichinik; rwaei, ama ng'etos; pendoti, ama nyaluldos.

ISAIAH 55:6

Ocheeng' Kamuktaindet ne Toroor kota kimuuchi kenyoor, oguur kota ko neegit:

ISAIAH 64:4

Amu tomo kogas piik kobooch keny, anan koguiyo eng' itiik, anan kogeer eng' konyekwak Kamuktaindet age ne ma inyee, ne yaei poisyet agobo chiito ne igeni ineendet.

RIREKAB JEREMIA 3:26

Myee eng' chii komong' ak kogen eng' muitaet yetunetap Kamuktaindet ne Toroor.

HOSEA 10:12

Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

1 THESSALONIKEK 1:10

ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

JAKOBO 5:7

Omuite anyun, che kitupche, kot koit nyonunetap Kiptaiyat. Ogeero, igeni chiitap ko po mbareet logoek che myachen che po ng'wony, ak komuitoi agobo chooto, kot konyoor ropta ne po tai ak ne po let.