RIREKAB JEREMIA 2:7 - BUKUIT NE TILIIL Sireet ne Dutero Kanon

⁷ Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

Bukuit Ne Tilil

⁷ Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

BUKUIT NE TILIL

⁷ Kigotimda Kiptaiyat kaptisisiennyi, ak kigowech oldanyi ne tilil, Kigonde irimoikab gorikyik che bo laitorinik, eutab bunyot: Kigobolyo eng’ gotab Jehovah, ko u eng’ betutab tuiyet ne kiging’at.

RIREKAB JEREMIA 2:7 ပူးပေါင်းရင်းမြစ်များ

2 LAITORINIK 25:9

Ki peel kootap Kamuktaindet ne Toroor, kootap laitoryat ak kooriik tugul che po Jerusalem, koot age tugul ne oo.

2 ATEPTAP PEETUUSYEK 36:19

Ak ki peel kootap Kamuktaindet, ak kobut irimeetap Jerusalem, ak kobeel kooriik tugul che po laitoryat, ak kong'em tuguuk tugul che korooron che ki mi koorchooto.

TIENWOGIKAL 89:39

Ki isas kayomiset ne po kiboityondeng'ung'; ak ki ing'wanit naaryeennyi ne po laitornatet kot iwiirchi ng'wony.

ISAIAH 64:9

Amat inereech miising', ee Kamuktaindet ne Toroor, amat ibwaat tengekto agoi! Keero, keer komyee, kisaain, ki piiguk acheek tugul.

JEREMIA 21:4

Mwaei Kamuktaindet ne Toroor, Kamuktaindetap Israel, kole, ogeero, aweektoi kariigap lugeet che miitei eunekwok, che obaregei ak laitoryatap Babilon, ak Kaldeik che yiemok, eng' saang'utap irimoik, ak ayumji icheek kwenutap nganasani.

JEREMIA 26:18

Ki maoten Mikaia meng'iindetap Moresheth eng' peetuusyegap Hezekiah laitoryatap Judah; ak ki ng'alaalji piik tugul che po Judah koleenji, kamwa Kamuktaindet ne Toroor ne po lugoosyek kole: Kibati Zion ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

JEREMIA 26:6

ayae anyun kooi koigei Shiloh, ak ayai nganasani koek ne sasei pororyosyek tugul che po ng'wony.

JEREMIA 32:29

ak kobwa Kaldeik che paregei ak nganasani, kobwa konaam nganasani, ak kobeel, kobooto kooriik, che ki igoitoe icheek nyamdutik che kibeelei, kogoochin Baal eng' paragutap koorichooto, ak koroong'jin kanamonik che teer, kagoochinoik che kieei, si kobiit kotacha anereech.

JEREMIA 39:8

Ak ki peel Kaldeik kootap laitoryat, ak kooriigap piik, ak kobut irimoigap Jerusalem.

JEREMIA 4:26

Ki ageer, ak kiga koek surkwen mbareet ne kirurei, ak kiga kiluul nganasookyik eng' taitap Kamuktaindet ne Toroor, ak eng' taitap nereegekyik che ng'woneen.

JEREMIA 4:27

Amu mwaei Kamuktaindet ne Toroor kole, egu emet tugul karaita; ago magesu.

JEREMIA 50:28

Kutitap icheek che mweei ak kochililyo komong' eng' emetap Babilon, si kobiit ki parta eng' Zion yaaktaetap mugetuut ne po Kamuktaindet ne Toroor, Kamuktaindennyo, yaaktaetap mugetuut ne po hekalunnyi.

JEREMIA 52:13

ak ki peel kootap Kamuktaindet ne Toroor, ak kootap laitoryat; ak kooriik tugul che po Jerusalem, koot age tugul ne oo, ko ki peel.

RIREKAB JEREMIA 1:4

Iteitos ortinwegap Zion, amu ma mi chii ne nyoonjin tuiyet ne ki king'at. Ki koek karaatya ormariichokyik tugul, tigendos tisiikyik. Kinyaliili pergeinikyik, ak kotinyei ineendet ng'wanindo.

RIREKAB JEREMIA 2:1

Kalya si kotuge Kiptaiyat cheptap Zion pooldet eng' nereegekyik! Ki kotim karaaranindap Israel eng' kipsengwet konyo ng'wony, amata kobwaat ng'echereetap keelyekyik eng' peetuutap nereegekyik.

RIREKAB JEREMIA 2:5

Ki igei Kiptaiyat puunyoot, Ki kong'em Israel; Ki kolugui kooriikyik tugul che po laitorinik, ki kobut irimoikyik. Ki kotesyi cheptap Judah riirek ak kateiyet.

EZEKIEL 24:21

Ng'alaalji kootap Israel, ileenji, mwaei Kiptaiyat Kamuktaindet ne Toroor kole: Ogeero, amurwoni oldanyu ne tiliil, menoteetap kimnateeng'wong', ne iboiboi konyekwok, ne riiree saboonwekwok; ak kebare rotwetap chok weeriikwok ak tiibiikwok che ki obagaakte.

EZEKIEL 7:24

Amutu anyun piik che yaach miising' eng' pororyosyek, ak konam kooriikwak kobunji: ak ageesu kogeny menoteetap che kiimeen; ak king'wanit komoswekwak che tiliileen.

ATEPTAP LAWIK 26:31

Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.

ATEPTAP LAWIK 26:44

Agot nganda uu chooto tugul, ye mi emetap puunikwak, koma eesyoi icheek, amaweche, amang'eme awong'u ak ma pute kayomisennyu kobooto icheek. Amu aa Kamuktaindet ne Toroor Kamuktaindennywa.

AMOS 2:5

Ara ayookyini maat Judah ak kobeel irimosyegap Jerusalem.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

MATAYO 24:2

Ago ki wolji ineendet icheek kole, “Mogeere tuguuchu tugul? Amwaiwok iman ale, ma koi ng'etunee koita age paragutap age, ne ma ki wiirchin ng'wony.”