RIREKAB JEREMIA 2:2 - BUKUIT NE TILIIL Sireet ne Dutero Kanon

² Kigong'em Kiptaiyat meng'otosyek tugul che po Jakobo ama riiree. Ki kobut eng' nereegekyik irimoigap cheptap Judah. Ki koturuur icheek kobwa ng'wony eng' kalilanet pounateet ak pounikyik.

Bukuit Ne Tilil

² Kigong'em Kiptaiyat meng'otosyek tugul che po Jakobo ama riiree. Ki kobut eng' nereegekyik irimoigap cheptap Judah. Ki koturuur icheek kobwa ng'wony eng' kalilanet pounateet ak pounikyik.

BUKUIT NE TILIL

² Kigolugui Kiptaiyat meng’otosiek tugul che bo Jakobo, ama rire; Kigobut eng’ neregekyik irimoikab cheptab Juda; Kigoturur ichek kobwa ng’ony: Kigong’wanit bounatet ak bounikyik.

RIREKAB JEREMIA 2:2 ပူးပေါင်းရင်းမြစ်များ

Kitabuutap JOB 2:3

Koleenji `Kamuktaindet ne Toroor Setani, “Tos ko igeer otwogindennyu Job, amu ma mi ne kergei ak ineendet eng' ng'wony? Ititaat ak ko po iman inee, iywei Kamuktaindet ak koistoegei yaityo. Nganda ki ibea si ang'em ineendet puch, ko riibei kora `inee imandanyi.”

TIENWOGIKAL 21:9

Iwong'u icheek eng' maat ne ng'eteteni eng' peetuutap nereegeguk. Lugui `Kamuktaindet ne Toroor icheek eng' nyitatennyi, ak kobeel maat icheek kogees.

TIENWOGIKAL 74:7

Kigobeel oldang'ung' ne tiliil; Ki koyai ole menyei kaineng'ung' kong'wanit agoi ng'wony.

ISAIAH 22:5

Amu punu Kiptaiyat Kamuktaindet ne Toroor ne po lugoosyek peetuutap nyalilda ni, ne po tyeget ak ne po kaimetapkei eng' atebweetap ng'ang'utyet, peetuutap putetap irimoik, ak riirek che ki riirchin tuloonook.

ISAIAH 23:9

Ki kochop nooto Kamuktaindet ne Toroor ne po lugoosyek, si kobiit komurwon menoteet tugul ne po toroornatet, ak koteweer piik tugul che konyitotiin che po ng'wony.

ISAIAH 25:12

Ak kagobut ole ng'ootaat ne po teekseet ne kooi, ne po irimoiguk, kagoluul, kagowiirtagei kwo ng'wony, ole miitei temburyek.

ISAIAH 26:5

Amu kigochoor ineendet icheek che menyei ole toroor, kigochoor nganaseet ne toroor. Iluuli ineendet nganaseet; iluuli agoi temburyek ng'ung'unyek.

ISAIAH 27:11

Ye kagoresyo mooriikyik, koilyo; pwoonei kwonyiik ak kobeel. Amu pororyot ne ma tinyei kaguiyet; nooto anyun ma riiree icheek `ineendet ne kiyai, ama tiytiy icheek `ineendet ne kimimii.

ISAIAH 43:28

Amurwoni anyun pounik che po ole-tiliil, ak ayae Jakobo koek ne chuboot, ak ayae Israel koek ne kisasei.

ISAIAH 47:6

Ki anereekyi piikyuk, ki amurwon poortannyu, ak ki ande icheek eung'ung': ma iriiree agot kitigin; ki igesenji che ki koosegitu choging'ung' ne nyigiis miising'.

JEREMIA 13:14

Ak atue chii age age, kwanisyek ak weeriik, mwaei Kamuktaindet ne Toroor. Ma riiree anan abagaakte anan koriira moo, kot ko magesu icheek.

JEREMIA 19:15

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ogeero, aipchini nganasani ak nganasookyik tugul yaityet tugul ne koamwa agobo nganasaniito; amu ko iuit katwekwak, si ma kas ng'aleekyuk.

JEREMIA 21:7

Ak ye ibata, mwaei Kamuktaindet ne Toroor, asaru Zedekiah laitoryatap Judah, ak otwogikyik, ak piik, piik che ng'etu eng' nganasaniito, asaru eng' koroito, ak eng' rotwetap chok, ak eng' rubeet, agoite koba eutap Nebukadresar laitoryatap Babilon, ak koba eunegap puunikwak, ak eunegap icheeget che cheeng'ei saboonwekwak: ak kobar icheek eng' rotwetap chok; ma pagaaktoi, ama riiree, ama rireegei.

JEREMIA 5:10

Otogoste irimoikyik ak ong'em, ago mong'em ogesu. Oiste mooriikyik, 2 amu ma po chooto Kamuktaindet ne Toroor.

RIREKAB JEREMIA 2:17

Ki koyai Kamuktaindet ne Toroor nooto ki kochop; kagoyai ng'olyoondennyi kosulda ko uu ye kiga ng'at eng' peetuusyek che po keny; kagowiirta kwo ng'wony ama riiree; kagogoochi puunyoot koboiboitunenen, ak kagotoroor kimnateetap puuniguk.

RIREKAB JEREMIA 2:21

Ruitos ng'wony murenik ak poisyek eng' ortinwek; kagebar pergeinikyuk ak neranikyuk eng' rotwetap chok; Ki ibar icheek eng' peetuutap nereegeguk, ki ibar ama iriiree.

RIREKAB JEREMIA 2:5

Ki igei Kiptaiyat puunyoot, Ki kong'em Israel; Ki kolugui kooriikyik tugul che po laitorinik, ki kobut irimoikyik. Ki kotesyi cheptap Judah riirek ak kateiyet.

RIREKAB JEREMIA 3:43

Ki itugegei nereegek ak ioonatech; ki ibarisye ama iriiree.

EZEKIEL 5:11

Mwaei anyun Kiptaiyat Kamuktaindet ne Toroor kole, ko uu ye asabe aming'inin iman, amarirenen kondanyu, anan koriira moo, amu ki ing'wanit oldanyu ne tiliil eng' tuguuguk tugul che samisen, ak tuguuguk tugul che kiwechei.

EZEKIEL 7:4

Amarirenen kondanyu, ama riira moo: ago aibu ortinweguk, ak kotebee kwenung'ung' tuguuguk che po wegeet: si onai ole aa Kamuktaindet ne Toroor.

EZEKIEL 7:9

Amarirenen kondanyu, ama riira moo: aibun ko uu ortinweguk, ak kotebee kwenung'ung' tuguuguk che po wegeet; si onai ole aa Kamuktaindet ne Toroor ne abirisyei.

EZEKIEL 8:18

Ayae anyun agane eng' nereegek che ng'woneen: ma rireenen kondanyu, ama riira moo: agot nganda riircho eng' waagaat ne oo, koma kasyini.

EZEKIEL 9:10

Ago ne uu anee, ko marire kondanyu, ama riira moo, ago aipchini ooreenywa metowekwak.

MIKAH 5:14

Ak atutu Aserik eng' kwenung'ung'; ak ang'em nganasoguk.

MALAKI 1:4

Nga mwaei Edom kole ki kiterterech, ago kiweeksei ak keteech komoswek che ki koek karatwek, ko mwaei Kamuktaindet ne Toroor ne po lugoosyek kole, “Tuun teechei icheek ago abute. Kuuree piik icheek emetap yaityet, piik che ating'ee nereegek koigeny”

MATAYO 18:33

Tos ki ma nyoljin iriiree ne oboisyei tuwai, ko uu ye ki ariirenen?’

2 KORINTOEK 10:4

(amu kariigap lugeennyo koma po poorto, ago tinyei kamuget eng' taitap Kamuktaindet koluul irimosyek);

NG'ATUTIK 28:52

Yiemin eng' kurgotiguk tugul agoi koluulyo irimoiguk che kooen che ng'ootaatiin che imang'u eng' emeng'ung' komugul. Yiemin eng' kurgotiguk tugul eng' emeng'ung' komugul ne ki kogoonin Kamuktaindet ne Toroor Kamuktaindeng'ung'.

NG'ATUTIK 32:22

Amu kalal maat ne po nereegekyuk, ak lalei agoi keriinget ne loo miising', si kobeel ng'wony kobooto ruratennyi, ak kobeel ole tonone tuloonook.