RIREKAB JEREMIA 2:19 - BUKUIT NE TILIIL Sireet ne Dutero Kanon

¹⁹ Ng'eet, waach kemoi eng' taunetap saisyegap kemoi! Rong'u muguleldang'ung' ko uu peek eng' taitap Kiptaiyat! Namji parak euneguk tokyi ineendet agobo saboonwegap lagoguk, che tanuitos eng' rubeet eng' tabandap ooreet age tugul.

Bukuit Ne Tilil

¹⁹ Ng'eet, waach kemoi eng' taunetap saisyegap kemoi! Rong'u muguleldang'ung' ko uu peek eng' taitap Kiptaiyat! Namji parak euneguk tokyi ineendet agobo saboonwegap lagoguk, che tanuitos eng' rubeet eng' tabandap ooreet age tugul.

BUKUIT NE TILIL

¹⁹ Ng’eet, waach kemoi eng’ taunetab saisiekab kemoi; Rong’u muguleldang’ung’ ko u beek eng’ taitab Kiptaiyat: Namji barak euneguk tokyi inendet agobo sobonwekab lagoguk, Che tanuitos eng’ rubet eng’ tabandab oret age tugul.

RIREKAB JEREMIA 2:19 ပူးပေါင်းရင်းမြစ်များ

Kitabuutap JOB 3:24

Amu nyoonei aragenennyu kotom aamisye, ak korong'ugei tigenoikyuk ko uu peek.

TIENWOGIKAL 119:55

Ki abwaat kaineng'ung' kemoi, ee Kamuktaindet ne Toroor, ak ki asup ng'atuutyeng'ung'.

TIENWOGIKAL 134:2

Otokyi eunekwok ye mi tiliilindo, ak olasu Kamuktaindet ne Toroor.

TIENWOGIKAL 141:2

Ingotogosta saaennyu ko uu nyamdutik eng' taing'ung'; ingoigei eunekyuk che anamjini parak korosyot ne po koskoleny.

TIENWOGIKAL 142:2

Aroong'jini tainnyi riirekyuk; aboortoi eng' tainnyi nyalildanyu.

TIENWOGIKAL 142:3

Ye kingo tanui saboondanyu, inai ooreennyu. Kigouny icheek mesteet agobo anee eng' ooreet ne abune.

TIENWOGIKAL 28:2

Kas soomutikyuk, ye ariirchinin, ye anamjini parak eunekyuk atokyini oldang'ung' ne tiliil.

TIENWOGIKAL 42:3

Kaek peekyuk po kong' amitwogikyuk che po peet ak kemoi, ye teebena icheek peetuut komugul koleen, “Mi ano Kamuktaindeng'ung'?”

TIENWOGIKAL 42:4

Abwaati tuguuchu, ak ang'aanye saboondanyu eng' oriitinnyu, ko uu ye ki kibe ak tuiyet, ak andochi koba kootap Kamuktaindet, eng' kutit ne po poiboiyet ak kalasunet, kobooto tuiyet ne kiriibei peetuutap igoorto.

TIENWOGIKAL 42:8

Ng'atei Kamuktaindet ne Toroor pet chamyennyi ne tala, ak mi kobooto tyendanyi kemoi, nooto saaet eng' Kamuktaindetap saboondanyu.

TIENWOGIKAL 62:8

Ee okweek pichu, omang'u ineendet kotugul; oroong'ji mugulelwekwok ineendet, Kamuktaindet ole kemwechini.

TIENWOGIKAL 63:4

Ara anyun alasun kota asabe; anamjini parak eunekyuk amu kaineng'ung'.

ISAIAH 26:9

Amachin eng' saboondanyu kemoi; acheeng'in eng' saboondanyu kotom koeech. Amu ye mi ng'wony kirwoogutiguk, koneetegei che menyei ng'wony imanda.

ISAIAH 51:20

Kagotanuiso weeriiguk, ruitos eng' tabanwegap ortinwek tugul, ko uu kenyeleet ne mi mesteet; nyiitootiin icheek nereegek che koroomen che po Kamuktaindet ne Toroor, kereetap kong' ne po Kamuktaindeng'ung'.

JEREMIA 14:18

Ngot ale awo mbar, ageere che ki kebare rotwetap chok! Ak ngot ale awo nganaseet, ageere ale miitei che nyaluldos amu rubeet! Amu pendoti eng' emet maotik ak tisiik ama tinyei naet.”

JEREMIA 9:20

Ago ogas ng'olyootap Kamuktaindet ne Toroor, okweek, ee kwonyichu, ak ingotaach itiikwok ng'olyootap kutinnyi, ak oneet tiibiikwok riirek, ak koneet chii tugul chiitap kokwennyi kateeiyet.

EZEKIEL 5:10

Amei anyun kwanisyek weeriik eng' kwenung'ung', ak koam weeriik kwanisyekwak; ak ayai kirwoogutik eng' inyee, ak aseer piik tugul che ng'etu eng' okweek, aseerchi usoonaik tugul.

EZEKIEL 5:16

ye amwoge icheek kipchabonik che yaacheen che po rubeet, che po ng'emisyet, che ayoogu kong'emak, ak ateswok rubeet, ak atile amitwogikwok.

MIKAH 1:16

Ingochurin met, ak icheru meting'ung' agobo lagok che iboiboin: tes poostong'ung' si koigei ne po chepsengwet; amu kageluul icheek eng' ole imi.

NAHUM 3:10

Ago ki kimut, ki kiluul, ki kitonaton kogeny lagokyik eng' tabanwegap ortinwek tugul; ak kiseer parbareek agobo piikyik che konyitotiin, ak kerate nyororosyek piikyik tugul che eecheen.

MATAYO 14:25

Ak eng' riipseet ne po ang'wan ne po kemoi kwo ole mi icheeget, kobunei araraita parak.

MARIKO 1:35

Eng' karon kogairir emet, kong'eet ineendet komanda saang' ak kwo surkwen kosa.

MARIKO 13:35

Oriipse anyun: amu mongen ye itu chiitap ko po koot, ngo lagat, anan kemoi kween, anan ye iteei kipsoiywet, anan karon;

LUKA 6:12

Ki wo Jeso anyun eng' peetuusyechooto, tulweet kosa; ak ki sa Kamuktaindet kemout komugul.

1 TIMOTEO 2:8

Amache anyun ale kosaaei murenik eng' komosta age tugul, konamjin parak eunekwak che tiliileen, koma mi nereegek ak tiyet.

KIRUOGIK 7:19

Ki it anyun Gideon ak pichooto pogol che ki mi kobooto ineendet, ole pooch nganaseet eng' taunetap riipseet ne po kemoi kween, ye kata kewale riipseet. Ki kuut igondisyek ak kotui tereenik che ki mi eunekwak.

1 SAMUEL 1:15

Ago ki wol Hannah kole, “Achicha, kiptaiyandennyu, aa kwony ne iimat kot. Maee divaik anan ko maiyek, ago katyach saboondanyu eng' taitap Kamuktaindet ne Toroor.

1 SAMUEL 7:6

Ki iyumjigei tugul Mispa ak kiram peek ak kotumda eng' taitap Kamuktaindet ne Toroor. Ki irugutkei peetuunooto ak komwa eng' yooto kole, kigeyachi Kamuktaindet ne Toroor tengekto. Ki irwookyi anyun `Samuel piigap Israel eng' Mispa.