RIREKAB JEREMIA 2:17 - BUKUIT NE TILIIL Sireet ne Dutero Kanon

¹⁷ Ki koyai Kamuktaindet ne Toroor nooto ki kochop; kagoyai ng'olyoondennyi kosulda ko uu ye kiga ng'at eng' peetuusyek che po keny; kagowiirta kwo ng'wony ama riiree; kagogoochi puunyoot koboiboitunenen, ak kagotoroor kimnateetap puuniguk.

Bukuit Ne Tilil

¹⁷ Ki koyai Kamuktaindet ne Toroor nooto ki kochop; kagoyai ng'olyoondennyi kosulda ko uu ye kiga ng'at eng' peetuusyek che po keny; kagowiirta kwo ng'wony ama riiree; kagogoochi puunyoot koboiboitunenen, ak kagotoroor kimnateetap puuniguk.

BUKUIT NE TILIL

¹⁷ Kigoyai Jehovah noto kigochob; Kagoyai ng’olyondennyi kosulda ne kiga ng’at eng’ betusiek che bo keny; Kagowirta kwo ng’ony, ama rire; Ak kagogochi bunyot koboiboitunenen, Kagotoror kuinetab buniguk.

RIREKAB JEREMIA 2:17 ပူးပေါင်းရင်းမြစ်များ

1 LAITORINIK 9:7

ang'etoi Israel anyun eng' emet ne ki agoochi, ak kooi ki atiliil agobo kainennyu, aistoi eng' tainnyu; si koek Israel kalewenet ak atindyot eng' piik tugul.

TIENWOGIKAL 35:24

Irwooksewa, ee Kamuktaindet ne Toroor, Kamuktaindennyu, ko uu imandang'ung'; amegoochi icheek koboiboitunena.

TIENWOGIKAL 35:26

Ingolilanso ak kotoptobenso che poiboi ye kanyoorwo kiy ne ya! Ingilaakyi kalilanet ak teweernateet che ilasunenogei.

TIENWOGIKAL 38:16

Asaae ale, si ma poiboitunena; ye kagochabaita keldanyu, kolasunenogei.

TIENWOGIKAL 89:42

Ki itoroor eutap tai ne po puunikyik; Ki igoochi puunikyik tugul koboiboitu.

TIENWOGIKAL 89:43

Ee, ki iweekyi let ng'atiibiindap rotwennyi ne po chok, Ama igoochi kobelis eng' lugeet.

ISAIAH 14:29

Amebaibaitu, inyee tugul, ee Philistia, amu kagoil kirokto ne kibirin; amu mang'une tigityotap ndaret ereneet, ak egu iyotennyi ereneet ne tirireni, ne uu maat.

JEREMIA 18:11

Ara anyun, ui ng'alaalji piigap Judah, ak piik che menyei Jerusalem, ileenji, mwaei Kamuktaindet ne Toroor kole: Ogeero, achobe yaityet agobo okweek ak achobe kiit ne aitook: ingoweigei age tugul eng' okweek, kometo ooreennyi ne ya, ak olitiit ortinwekwok ak poisyonikwok.

JEREMIA 4:28

Riirei emet amu niito, ak ko tuitu kipsengwet. Amu kaamwa ak kaachop, ak tomo awal kiit ne abwaati, amaweechigei let eng' ng'olyoondoniito.

JEREMIA 40:3

ak kagoip yaityonooto konyo, ak koyai ko uu ye ki mwa; amu ki oyachi Kamuktaindet ne Toroor tengekto, ama ogas iit kutinnyi, kagonyonjok anyun kiito.

RIREKAB JEREMIA 1:5

Ki koek `usiikyik kandoik, ak koboor puunikyik. Kogonyaliil `Kamuktaindet ne Toroor ineendet amu chaang'indap pistaosyekyik. Kogimut lagokyik keluul eng' taitap puunyoot.

RIREKAB JEREMIA 2:8

Ki kochop Kamuktaindet ne Toroor kong'em irimeetap cheptap Zion; Ki kokwerto kiit ne kikwaise, tomo koaruny eunnyi eng' ng'emisyet: ki kogoochi irimeet ak tooteet kooteeiyo; ng'emaksei tuwai.

RIREKAB JEREMIA 3:43

Ki itugegei nereegek ak ioonatech; ki ibarisye ama iriiree.

RIREKAB JEREMIA 4:11

Ki koyai Kamuktaindet ne Toroor nereegekyik che ng'woneen kosulda, ki korong' nereegekyik che koroomen; ak ki konaam maat eng' Zion, ne ki kobeel lumeiywekyik.

EZEKIEL 5:11

Mwaei anyun Kiptaiyat Kamuktaindet ne Toroor kole, ko uu ye asabe aming'inin iman, amarirenen kondanyu, anan koriira moo, amu ki ing'wanit oldanyu ne tiliil eng' tuguuguk tugul che samisen, ak tuguuguk tugul che kiwechei.

EZEKIEL 8:18

Ayae anyun agane eng' nereegek che ng'woneen: ma rireenen kondanyu, ama riira moo: agot nganda riircho eng' waagaat ne oo, koma kasyini.

EZEKIEL 9:10

Ago ne uu anee, ko marire kondanyu, ama riira moo, ago aipchini ooreenywa metowekwak.

MIKAH 2:3

Mwaei anyun Kamuktaindet ne Toroor kole: Ogeero, achobe yaityet agobo kooi, ne moistoe kaatwekwok anan obendate menoteet; amu yaacheen peetuusyechooto.

SEPANIA 1:2

Ageesu tuguuk tugul eng' ng'wony, mwaei Kamuktaindet ne Toroor.

SEKARIA 1:6

Ago tos ki ma ityi kwanisyekwok ng'aleekyuk ak ng'atuutikyuk che ki ang'at otwogikyuk maotik? Ak ki week icheek ak kole, “Ki koyaiywech Kamuktaindet ne Toroor ne po lugoosyek ko uu ye kiga ibwaat kole yaiywech ko uu ortinwekyok, ak ko uu poisyonikyok.”