RIREKAB JEREMIA 2:10 - BUKUIT NE TILIIL Sireet ne Dutero Kanon

¹⁰ Tebyei ng'wony poisyegap cheptap Zion, siistos; Ki koseerchi temburyek metowekwak ki kogermenegei kuniok. Pergeinigap Jerusalem ko kagoabuch metowekwak.

Bukuit Ne Tilil

¹⁰ Tebyei ng'wony poisyegap cheptap Zion, siistos; Ki koseerchi temburyek metowekwak ki kogermenegei kuniok. Pergeinigap Jerusalem ko kagoabuch metowekwak.

BUKUIT NE TILIL

¹⁰ Tebyei ng’ony boisiekab cheptab Sion, sistos; Kigoseerji temburiek metowekwak; kigogermenegei kuniok: Abuchi bergeinikab Jerusalem metowekwak.

RIREKAB JEREMIA 2:10 ပူးပေါင်းရင်းမြစ်များ

2 SAMUEL 13:19

Ki inde Tamar oreek metinnyi ak kogereer ngoryennyi ne kooi ne ki ilaachi. Kinamatkei met ak kwo koriiroti eng' kutit ne oo.

ISAIAH 15:3

Kermenegei kuniok eng' ortinwekwak. Iteei age tugul ak koriirei miising', eng' kooriikwak parak ak eng' komoswekwak che paraen.

ISAIAH 3:24

Ak tuun kigeeree nyamdutik che anyiny nunateet; ak kogeeree pireneet, rogoet; ak kogeeree suumeek che iletotin, poosto; ak kogeeree angeet ne karaaran, kuniet ne kigermenegei; ak kogeeree korooronindo, saremik.

ISAIAH 3:26

Ak koriiryo ormariichokyik ak koteiyo; ak koguber ak kotebee ng'wony.

ISAIAH 36:22

Ki nyo anyun Eliakim weeriitap Hilkiah ne ki ne ki pou koot, ak Sebna siriindet, ak Joah weeriitap Asaph siriindetap tuguuk che piitu, kobwa ole mi Hezekiah ko kagogereer ngoroikwak, kobwa komwachi ng'aleegap Rabsake.

ISAIAH 47:1

Choruge ak itebee temburyek, ee inyee ne ii chepto ne pergeiyat ne po Babilon; tebee ng'wony, ye ma mi ng'echereetap laitornatet, ee cheptap Kaldeik: amu ma keguurenen kogeny ne cheptalbisyo ak ko ng'arng'ar.

ISAIAH 47:5

Tebi eng' siisek, ak iwe mesundeito, ee cheptap Kaldeik: amu ma keguurenen kogeny Chebyosetap laitornatosyek.

JEREMIA 8:14

Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

RIREKAB JEREMIA 1:1

Kalya si koguber nganaseet ne ki nyiitaat piik! Amu nee si kotebi ko uu kwony ne ki kosiirtoe manong'otyot, nganaseet ne ki oo eng' pororyosyek! Ineendet ne ki cheptap laitoryat eng' emotinwek, ko kagoek anyun otwogindet.

RIREKAB JEREMIA 1:4

Iteitos ortinwegap Zion, amu ma mi chii ne nyoonjin tuiyet ne ki king'at. Ki koek karaatya ormariichokyik tugul, tigendos tisiikyik. Kinyaliili pergeinikyik, ak kotinyei ineendet ng'wanindo.

RIREKAB JEREMIA 3:28

Ingotep ineegei ak kosiis, amu kigesenji `Kamuktaindet ne Toroor ineendet.

RIREKAB JEREMIA 4:16

Ki koseerseer `Kamuktaindet ne Toroor ineendet icheek; ma koiti `Inee icheek kogeny; ma koiti tisiik koek kiy, ama kotinyei konyit poisyek.

RIREKAB JEREMIA 4:5

Icheeget che paegei amitwogigap talbisto kemetoi eng' ortinwek; icheeget che kinerta kalaaksetap ngoroik che piriireen ko tebee kapng'atat.

RIREKAB JEREMIA 5:12

Ki igartaat pounik eng' eunekwak; ama nyoor teegisto poisyek.

RIREKAB JEREMIA 5:14

Poisyek che cham komi ormariichet koma komi, ak neranik koma kotyendos.

EZEKIEL 27:30

Ak kowaach kot igas, ak koriiryo eng' ng'wanindo, ak kolakyin temburyek metowekwak, ak komildaegei oreek;

EZEKIEL 27:31

ak kocher metowekwak amu inyee, ak kogermenegei kuniok, ak koriiryo agobo inyee eng' ng'wanindo ne po saboondo, ak eng' riirek che ng'woneen.

EZEKIEL 7:18

Kermenegei kogeny kuniok, ak kotuch icheek kamuiset; ak kolilaanso tugul, ak konam icheek tugul pooswek.

JOEL 1:8

Oteeiye ko uu pergeiyat ne iyuegei kuniet agobo manong'otyotap ming'inatennyi.

AMOS 5:13

Siisei anyun ne ng'oom eng' peetuusyek che uu chooto; amu yaacheen peetuusyechooto.

AMOS 8:13

Eng' peetuunooto ko tuun tanuitos pergeinik che korooron ak murenik, amu melelda.

AMOS 8:3

Ak koek tyenwogik che po Hekaluut kateiyosyek eng' peetuunooto, mwaei Kiptaiyat Kamuktaindet ne Toroor; chaang'itu muuswek; eng' siiseet ko wiirtoi muuswechooto eng' komosta age tugul.

JONAH 3:6

Ye kingo it ng'aleek kaplaitoryatap Nineveh, kong'eet eng' ng'echerennyi ne po laitornatet, koreek ngoryennyi, kotugegei kuniok, ak kotebee oreek.

JOSHUA 7:6

Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.

NG'ANG'UTYET 18:19

Ak kolakyin temburyek metowekwak, ak kowaachei, koriirtos ak koteeitos, koleen, “Pwo! Pwo! Wee nganasani oo, ole ki egune mogore piik tugul che ki tinyei melisyekwak eng' nyanjet amu ooindap kamanuutyennyi! Amu kait ng'emisyennyi eng' sait agenge.