RIREKAB JEREMIA 1:6 - BUKUIT NE TILIIL Sireet ne Dutero Kanon

⁶ Kogoistoegei cheptap Zion toroornatennyi tugul; kogoigei pounikyik cheptirgichik che ma tinyei ole agetee. Kogomweiso icheek ama tinyei kimnateet eng' taitap chiito ne oonei.

Bukuit Ne Tilil

⁶ Kogoistoegei cheptap Zion toroornatennyi tugul; kogoigei pounikyik cheptirgichik che ma tinyei ole agetee. Kogomweiso icheek ama tinyei kimnateet eng' taitap chiito ne oonei.

BUKUIT NE TILIL

⁶ Kogoistoegei cheptab Sion torornatennyi tugul: Kogoigei bounikyik cheptirgichik che matinyei ole agete, Ak komwei ama tinyei kimnatet eng’ taitab chito ne onei.

RIREKAB JEREMIA 1:6 ပူးပေါင်းရင်းမြစ်များ

2 LAITORINIK 19:21

Ni ng'olyoot ne kagomwa Kamuktaindet ne Toroor agobo ineendet: Kasasin pergeiyat cheptap Zion, kororechin ak kochotin. Kagolelech metinnyi cheptap Jerusalem eng' inyee.

2 LAITORINIK 25:4

Kibut anyun piik irimeetap nganaseet ak komweiso murenik tugul che po lugeet kemoi kobun ooreetap ormariichet ne ki mi kwenutap inatusyek aeng' ole ki neegitee seremutap laitoryat. Nga kiga yiem Kaldeik nganaseet, ko ki pun icheek ooreetap Arabah.

2 LAITORINIK 25:5

Ago ki oon lugeetap Kaldeik laitoryat, ak ki nam ineendet eng' warengosyegap Jeriko. Ki iyeesta lugeennyi tugul kometo ineendet.

TIENWOGIKAL 50:2

Eng' Zion, komi korooronindo ne ititaat, kamong' Kamuktaindet kooluu.

TIENWOGIKAL 96:9

Ogutung'ji Kamuktaindet ne Toroor eng' karaaranindap tiliilindo: Potan eng' tainnyi, ng'wony komugul.

ISAIAH 1:21

Kaegundo ano chepkugoniot nganaseet ne ko po iman, ne kotinyei kirwooget ne po iman! Komenyei imanda nganasanooto, ago nguno komi rumiik.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 4:5

Yeityo koyai Kamuktaindet ne Toroor pooldet ak iyeto eng' peet kouur meng'ooteet tugul ne po tulweetap Zion, ak maat ne liplibeni ak ne iluu kemoi; amu tuchei toroornatet komugul kiit ne kiuure.

JEREMIA 13:18

Mwachi laitoryat ak kametap laitoryat, ileenji, oming'inge, otebee ng'wony: ki kobutyo chepkuloikwok, chooto ko naaryeetap toroornateng'wong'.

JEREMIA 29:4

Mwaei Kamuktaindet ne Toroor ne po lugoosyek, Kamuktaindetap Israel, komwachin piik tugul che ki kiluul, che ki achamde keluul eng' Jerusalem koba Babilon:

JEREMIA 47:3

Ye kas kirgirenetap keelyegap paraisisyegap piikyik che kiimeen, eng' rwaetap kariisyekyik che po lugeet, eng' cheetap keelyegap kariisyekyik, magusyin kong' kwanisyek lagokwak amu nyalulnatetap eunek;

JEREMIA 48:41

Kageluul Keryot, ak kageche irimoikyik, ak koigei mugulelwegap piik che nyigoonen che po Moab, eng' peetuunooto, muguleldap kwondo ne tinyei ng'wanindo ye machei kosigiis.

JEREMIA 52:11

Ak ki par konyegap Zedekiah; ak korat laitoryatap Babilon ineendet eng' nyororosyek, ak komut ineendet kwo Babilon, ak kitoorchi ineendet korgoreet agoi peetuutap meennyi.

JEREMIA 52:13

ak ki peel kootap Kamuktaindet ne Toroor, ak kootap laitoryat; ak kooriik tugul che po Jerusalem, koot age tugul ne oo, ko ki peel.

EZEKIEL 24:21

Ng'alaalji kootap Israel, ileenji, mwaei Kiptaiyat Kamuktaindet ne Toroor kole: Ogeero, amurwoni oldanyu ne tiliil, menoteetap kimnateeng'wong', ne iboiboi konyekwok, ne riiree saboonwekwok; ak kebare rotwetap chok weeriikwok ak tiibiikwok che ki obagaakte.

EZEKIEL 24:25

Ak inyee, ee, weeriitap chii, tos manyonjinin chiito eng' peetuut ye arebee icheek kimnateennywa, ak poiboiyetap toroornatennywa, ak ne iboiboi konyekwak, ak kioto ki inde mugulelwekwak, ak weeriikwak ak tiibiikwak,

NG'ATUTIK 28:25

“Igoitoin Kamuktaindet ne Toroor koterteerin puuniguk. Ibookyini eng' ooreet agenge ak imwee eng' tainnywa eng' ortinwek tisap ak konaatiin laitornatosyek tugul che po ng'wony.

NG'ATUTIK 32:30

Kotos imuktoi ano koon `chii agenge eliphuut, ak koon `piik aeng'u eliphuusyek taman, nda ki ma alda `Ruandennywa icheek, ak kogoito `Kamuktaindet ne Toroor icheek?