RIREKAB JEREMIA 1:22 - BUKUIT NE TILIIL Sireet ne Dutero Kanon

²² Ingobwa taing'ung' yaitwogikwak tugul; ak iyachi icheek, ko uu ye ki iyaiywo agobo pistaosyekyuk tugul. Amu chaang' tigenoikyuk, ak tanui muguleldanyu.

Bukuit Ne Tilil

²² Ingobwa taing'ung' yaitwogikwak tugul; ak iyachi icheek, ko uu ye ki iyaiywo agobo pistaosyekyuk tugul. Amu chaang' tigenoikyuk, ak tanui muguleldanyu.

BUKUIT NE TILIL

²² Ingobwa taing’ung’ yaitwogikwak tugul; Ak iyachi ichek, ko u ye kiiyaiywa agobo bistaosiekyuk tugul: Amu chang’ tigenoikyuk, ak tanui muguleldanyu.

RIREKAB JEREMIA 1:22 ပူးပေါင်းရင်းမြစ်များ

TIENWOGIKAL 143:7

Chokyi wolwo, ee Kamuktaindet ne Toroor; ichuchui saboondanyu. Ameung'ena togeng'ung'; si ma ige icheek che choorchingei keriinget.

TIENWOGIKAL 79:10

Amu nee si koleen pororyosyek, Mi ano Kamuktaindennywa? Ingonaak eng' pororyosyek eng' tainnyo Yaaktaetap korotiik che po kiboitiniguk che ki kitumda.

ISAIAH 13:7

Nyaluldos anyun eunek tugul, ak kochoot muguleldap chii age tugul,

JEREMIA 10:25

Rong'ji nereegeguk che ng'woneen pororyosyek che ma ingenin, ak ortinwek che maguurei kaineng'ung'; amu kigoam Jakobo, ee, kigoam ineendet kogees ak Ki kong'em meng'ootennywa.

JEREMIA 18:23

Ago, ingen inyee Kamuktaindet ne Toroor, kirwoogennywa ne irwoochi kole kobara; menyochi kaat tengektonywa, amebukte chalwoktanywa eng' taing'ung': ago ingeriich eng' taing'ung'; yachi ko uu nooto eng' peetuutap nereegeguk.

JEREMIA 30:16

Ki amei anyun icheek tugul che amin; kiluulei puuniguk tugul, wendi age tugul luuleet; ak kiluulei icheek tugul che luulin, ak agoitoi kebar icheek che cheeng'ei kobarin.

JEREMIA 51:35

Mwaei chii ne menyei Zion kole, ingotebee paragutap Babilon koroomnateet ne ki kiyaiywo ak ne ki kiyachi piikyuk; ak komwaei Jerusalem kole, ingotebee paragutap piik che menyei Kaldea, korotiikyuk.

JEREMIA 8:18

Kata myee agaigaige si ma kase arageneet, tanui muguleldanyu.

RIREKAB JEREMIA 1:13

Ki iyook ineendet maat eng' parak koyookyi kawekyuk, ak ki iterteer maata koweek. Ki riich mesteet konam keelyekyuk, ki koweekyo let; ki koyaa aek panan ak atanui peet komugul.

RIREKAB JEREMIA 5:17

Amu nooto ko kagonyalulso mugulelwekyok; amu tuguuchuuto ka kagogoryo konyekyok.

LUKA 23:31

Amu ngot koyai tuguuchu eng' keetit ne tuon, koteptoi ano anyun eng' ne yaamaat?”

EPESOEK 3:13

Eng' nooto anyun asoomok ale amat komeak mugulel amu nyalilwogikyuk agobo okweek, chooto ko toroornateng'wong'.

NG'ANG'UTYET 6:10

Ki mwa eng' kutit ne oo kole, “Tyanitu, ee Kiptaiyat, ne tiliil ak ko po iman, si irwookyi ak iyaaktoiywech mugetuut agobo korotiikyok eng' icheek che menyei ng'wony?”