RIREKAB JEREMIA 1:14 - BUKUIT NE TILIIL Sireet ne Dutero Kanon

¹⁴ Ki rat eunnyi chogitap pistaosyekyuk; ki konamgei tugul, ki koit kaatinnyu; ki koges kimnateennyu. Ki kondea Kiptaiyat eunekwak, ne ma amuuchi atonon agirinda.

Bukuit Ne Tilil

¹⁴ Ki rat eunnyi chogitap pistaosyekyuk; ki konamgei tugul, ki koit kaatinnyu; ki koges kimnateennyu. Ki kondea Kiptaiyat eunekwak, ne ma amuuchi atonon agirinda.

BUKUIT NE TILIL

¹⁴ Kirat eunnyi chogitab bistaosiekyuk: Kigonamgei tugul, kigoit kaatinnyu; kigoges kimnatennyu: Kigondea Kiptaiyat eunekwak, ne ma amuchi atonon agirinda.

RIREKAB JEREMIA 1:14 ပူးပေါင်းရင်းမြစ်များ

KALEWANAIK 5:22

Namei `kiptengekyot yaitwogikyik, ak keratee ineendet poroonigap tengektanyi.

ISAIAH 14:25

ale atonatoni piigap Assyria eng' emennyu, ak atyech eng' tuloonookyuk; koistoegei eng' icheek choginnyi, ak koistoegei lautyennyi tigikyennywa.

ISAIAH 47:6

Ki anereekyi piikyuk, ki amurwon poortannyu, ak ki ande icheek eung'ung': ma iriiree agot kitigin; ki igesenji che ki koosegitu choging'ung' ne nyigiis miising'.

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 27:12

Ak ki ang'alaalji Zedekiah laitoryatap Judah ko uu ng'aleechuuto tugul aleenji, Onde kaating'wong' chogitap laitoryatap Babilon, ak oot ineendet ak piikyik, si osapche.

JEREMIA 27:8

Ak tuun abire pororyet ak pounateet ne maotei Nebukadnezar niito laitoryatap Babilon, ak ne eesyoi konde kaatinnywa chogitap laitoryatap Babilon, abire pororyonooto rotwetap chok, ak rubeet, ak koroito, agoi ageesu icheek eng' eunnyi, mwaei Kamuktaindet ne Toroor.

JEREMIA 28:13

ui ak imwachi Hananiah ileenji, kamwa Kamuktaindet ne Toroor kole kaiiri chogisyegap keetiik; ago iyae chogisyegap kariik igeere chooto.

JEREMIA 28:14

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Kande chogitap karnet kaatwegap pororyosyechu tugul, si kobiit koot Nebukadnezar laitoryatap Babilon; ak otei ineendet: ak kaagoochi ineendet tyong'igap timiin ak icheek.

JEREMIA 32:3

Amu kiga koger ineendet Zedekiah laitoryatap Judah koleenji, amu nee si imaoten, ak ile, Mwaei Kamuktaindet ne Toroor kole, agoochini nganasani eutap laitoryatap Babilon, ak koluul;

JEREMIA 32:5

ak komut Zedekiah kwo Babilon, ak kotebee olooto agoi tuun aityi pireet ineendet, mwaei Kamuktaindet ne Toroor: agot ngo pargei ak Kaldeik, koma kiberuurok?

JEREMIA 37:17

koyookto anyun Zedekiah laitoryat kimut ineendet konyo: ak kiteepse laitoryat ineendet eng' ung'oot eng' koonnyi, koleenji tos mi ng'olyoot age tugul ne punu Kamuktaindet ne Toroor? Ak ki le Jeremiah, Miitei. Ki mwa kogeny kole kindein eutap laitoryatap Babilon.

EZEKIEL 11:9

Ak amutwok omang'une kwenunnyi, ak andeok eunegap toek, ak ayai kirwoogutik eng' kwenung'ung'.

EZEKIEL 21:31

Ak aroong'jin nereegekyuk; aguutyinin maatap nereegekyuk: ak andein eunegap piik che uu tyong'ik, che ng'oomen eng' ng'emisyet.

EZEKIEL 23:28

Amu mwaei Kiptaiyat Kamuktaindet ne Toroor kole: Keero, andein eutap icheek che iweche, andein eutap icheek che ki kotoiyegei saboondang'ung':

EZEKIEL 25:4

keer anyun, agoochinin lagogap kong'asiis ibunji, ak koteekso icheek eng' kwenung'ung', ak koyai meng'otosyekwak eng' kwenung'ung'; amei logoeguk ak kolu cheguuk.

EZEKIEL 25:7

keer anyun, kaachuul eunnyu atokyin, ak agoochin pororyosyek koluulin; ak aisten eng' pororyosyek, ak agoonin ilus eng' emotinwek: ang'emin; si inai ile aa Kamuktaindet ne Toroor.

HOSEA 5:14

Amu aigeitu ng'etundo eng' Ephraim, ak aigeitu ng'etundo ne neran eng' kootap Judah. Agereeri aneendet ak awe; amuti ama piitu chii ne saru.

MIKAH 2:3

Mwaei anyun Kamuktaindet ne Toroor kole: Ogeero, achobe yaityet agobo kooi, ne moistoe kaatwekwok anan obendate menoteet; amu yaacheen peetuusyechooto.

NG'ATUTIK 28:48

Iote anyun puuniguk che imutun Kamuktaindet ne Toroor kong'eetyin eng' rubeet, eng' melelda, eng' aach ngorit ak eng' rerunetap tuguuk tugul. Indoi chogitap karnet kaating'ung' agoi kobarin.