RIREKAB JEREMIA 1:1 - BUKUIT NE TILIIL Sireet ne Dutero Kanon

¹ Kalya si koguber nganaseet ne ki nyiitaat piik! Amu nee si kotebi ko uu kwony ne ki kosiirtoe manong'otyot, nganaseet ne ki oo eng' pororyosyek! Ineendet ne ki cheptap laitoryat eng' emotinwek, ko kagoek anyun otwogindet.

Bukuit Ne Tilil

¹ Kalya si koguber nganaseet ne ki nyiitaat piik! Amu nee si kotebi ko uu kwony ne ki kosiirtoe manong'otyot, nganaseet ne ki oo eng' pororyosyek! Ineendet ne ki cheptap laitoryat eng' emotinwek, ko kagoek anyun otwogindet.

BUKUIT NE TILIL

¹ Lyon si komi buch nganaset, ne ki nyiitat bik! Lyon si kotebi ko u mosok! Nganaset ne ki o eng’ bororiosiek, ak ko ki cheptab laitoriat eng’ emotinwek, Kagoek anyun otwogindet!

RIREKAB JEREMIA 1:1 ပူးပေါင်းရင်းမြစ်များ

1 LAITORINIK 4:21

Ki laitorane Solomon laitornatosyek tugul kobooch aineet agoi emetap Philistik, agoi kiwotetap Misiri. Ki ibu kagoochinoik, ak kootei Solomon eng' peetuusyek tugul che po sabeennyi.

2 LAITORINIK 23:33

Ki rat `Pharaoh-neko ineendet eng' Ribla eng' emetap Hamath, si ma laitoran eng' Jerusalem, ki ng'at emet kogoon aisuruut, keruutik eliphuusyek somok ak pogol ang'wan che po fedha, ak kiloisyeksosom ak ang'wan che po thahabu.

2 LAITORINIK 23:35

Ki igoochi Jehoiakim fedha ak thahabu Pharaoh, ago ki ng'at emet kogoon fedhaisyek ko uu ng'atuutyetap Pharaoh. Kimage fedha ak thahabu piik che po emet, chii age tugul ko uu ye ki king'at, si kogoochi Pharaoh-neko.

2 ATEPTAP PEETUUSYEK 9:26

Ki pou laitorinik tugul kobooch Aineetap Yufrets agoi emetap Philistiik, ak agoi kiwotetap Misiri.

EZRAH 4:20

Ki miitei kogeny laitorinik che ki kiimeen che ki pou Jerusalem che ki pou emet tugul ne mi aineet pitoniin ak ki kigoochin konunoik, kodi, ak aisuruutap tuguuk.

NEEMIA 5:4

Ki mi alak kogeny che ki mwa kole kogiarorte mbareenikyok, ak mbareenikyok che po sabibuk kotononwech kebesene fedhaisyek si kobiit kigoite aisuruut ne po laitoryat.

NEEMIA 9:37

Ak rurei emoniito miising' korurchin laitorinik che ki inde koboiywech amu tengekwogikyok. Tinyei kogeny kimnateet koboi poorwekyok, kobooto tuukyok, ko uu ye machei ak kimi pichiindo ne oo.

TIENWOGIKAL 122:4

Ole togoste pororyosyek, pororyosyegap Kamuktaindet ne Toroor, koek paornateet eng' Israel, si komwa kongoi agobo kainetap Kamuktaindet ne Toroor.

ISAIAH 14:12

Ha-a, kaibut eng' kipsengwet, inyee, kecheiyatap peet, weeriitap karon! Ha-a, kagiebin ibut, inyee ne ki inyerat pororyosyek!

ISAIAH 22:2

Ee inyee ne nyiitaat polatosyegap piik, nganaseet ne nyiitaat wasetapkei ak nganaseet ne paibai! Ma kibare piiguk rotwetap chok, ama pegu eng' lugeet.

ISAIAH 3:26

Ak koriiryo ormariichokyik ak koteiyo; ak koguber ak kotebee ng'wony.

ISAIAH 49:21

Yeityo imwa eng' muguleldang'ung' ileen, Kisikwa ng'oo chuuto, amu ki kobegunena lagokyuk, ak ami aneege, ak kigeluula, ak aombenoti? Ak ng'oo ne ki igu chuuto? Keero, ki kibagaakta aneege; kimi ano chuuto?

ISAIAH 50:5

Ki koyaat Kiptaiyat Kamuktaindet ne Toroor itinnyu, ak ki ma angelel, anan atuktoochi patai.

ISAIAH 52:2

Lelekte temburyek; ng'eet, tebi ng'wony, ee Jerusalem: ityaach ratuutik che mi kaating'ung', ee cheptap Zion ne kigeluul.

ISAIAH 52:7

Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'!

ISAIAH 54:4

Meiywei, amu melilani; anan itoptoben; amu ma kiteweerin, amu iutye teweernatetap ming'inateng'ung', ama ibwaati chotisyetap mosoknateng'ung'.

JEREMIA 31:7

Amu mwaei Kamuktaindet ne Toroor kole: Otyenji Jakobo eng' kaagaasetapkei, ak owaach agobo ne oo eng' pororyosyek; omwaite, olasu ole, Ee Kamuktaindet ne Toroor, saru piiguk, che ki ng'et che po Israel.

JEREMIA 40:9

Ak ki iyasyechi Gedalia weeriitap Aikam weeriitap Sapan pichooto ak murenikwak, koleenji, amoiywei oot Kaldeik: omeng'iisye eng' emet, ak oot laitoryatap Babilon, si komyeeit eng' okweek.

JEREMIA 42:2

ak koleenji maotyot Jeremiah, Kisoomin keele, kaswech soomennyo, ak saiywech Kamuktaindet ne Toroor Kamuktaindeng'ung', acheek tugul che ki king'etu; amu ki king'etu piik che ng'ering' eng' piik che chaang', ko uu ye igeerech:

JEREMIA 44:2

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ki ogeer yaityet tugul ne ki apchi Jerusalem, ak nganasook tugul che po Judah; ak ogeero, karatwek rani nganasochooto, ama mi chii ne menyei olooto;

JEREMIA 44:6

Kirong'kei anyun nereegekyuk che ng'woneen, ak kong'waanityi nganasoogap Judah ak eng' ortinwek che po Jerusalem; ak ki koek karatwek ak kigoguber ko uu kiit ne uu peetuusyechu.

JEREMIA 50:23

Kibetita ano ak koildo ano kiriswetap ng'wony komugul! Ki egundo ano Babilon karaatya eng' pororyosyek!

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

RIREKAB JEREMIA 1:19

Ki aguur chamanikyuk, ago ki iberbera. Ki pekyi nganaseet tisiikyuk ak poisyekyuk, Ye ki cheeng'jingei amitwogik kole kosoop saboonwekwak.

RIREKAB JEREMIA 2:1

Kalya si kotuge Kiptaiyat cheptap Zion pooldet eng' nereegekyik! Ki kotim karaaranindap Israel eng' kipsengwet konyo ng'wony, amata kobwaat ng'echereetap keelyekyik eng' peetuutap nereegekyik.

RIREKAB JEREMIA 2:10

Tebyei ng'wony poisyegap cheptap Zion, siistos; Ki koseerchi temburyek metowekwak ki kogermenegei kuniok. Pergeinigap Jerusalem ko kagoabuch metowekwak.

RIREKAB JEREMIA 4:1

Kalya si komurwoniitu thahabu! Kalya si kowalagiis thahabu che tiliileen miising'! Kagirong' koigap ole-tiliil eng' tabandap ooreet age tugul.

RIREKAB JEREMIA 5:16

Ki kobut kuutweet eng' metowekyok; pwo eng' acheek amu ki keyai tengek.

EZEKIEL 26:16

Kochoorgei anyun eng' ng'echerokwak che po laitornatet pounik tugul che po nyanjet, ak koreek ngoroikwak che tabanu parak, ak koreek ngoroikwak che ki kinde lelesta: ilaachi potanet; ak kotebee ng'wonyut, ak kobotanso sait age tugul ak kokwong'enen.

EZEKIEL 26:2

Ee, weeriitap chii, amu ki komwa Tyro agobo Jerusalem kole, haa, kogobutok ineendet ne ki kurgeetap pororyosyek; kagoweekyagei: kitesa anyun achang'ait, amu kagong'emak ineendet;

EZEKIEL 5:5

Mwaei Kiptaiyat Kamuktaindet ne Toroor kole niito ko Jerusalem: ki ande kwenutap pororyosyek, ak mi emotinwek komoswekyik.

ATEPTAP LAWIK 26:31

Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

SEPANIA 2:15

Ni nganaseet ne paibai ne ma iiti kiy, ne ki mwa eng' muguleldanyi kole anee kityo, ma mi age kobatena: kagoek karaatya ne tya, ole ruitos tyong'igap timiin! Reenyei ineendet age tugul ne siirtoi, ak kong'wereri.

NG'ANG'UTYET 18:7

Ko uu ye ki iloskei ak koser tuguukyik, ogoochi ineendet ng'wanindo ak arageneet ko uu nooto. Amu mwaei ineendet eng' muguleldanyi kole, ‘Atebye ko aa laitoryat ne kwondo, ma aa mosok ak ma koi ageer riirek.’