POISYONIGAP CHE KIYOKTOI 8:7 - BUKUIT NE TILIIL Sireet ne Dutero Kanon

⁷ Amu kimanda tamirmirik che murwonen eng' che chaang' che ki tinyei, kowaaktos eng' kutit ne oo; ak ki kisoop che chaang' che meiyotiin poorwek, ak che ki ing'waldos.

Bukuit Ne Tilil

⁷ Amu kimanda tamirmirik che murwonen eng' che chaang' che ki tinyei, kowaaktos eng' kutit ne oo; ak ki kisoop che chaang' che meiyotiin poorwek, ak che ki ing'waldos.

BUKUIT NE TILIL

⁷ Amu kimanda tamirmirik che muruonen, eng’ che chang’ che kitinyei, kowaaktos eng’ kutit ne o: ak kigisoob che chang’ che meiyotin borwek, ak che kiing’waldos.

POISYONIGAP CHE KIYOKTOI 8:7 ပူးပေါင်းရင်းမြစ်များ

ISAIAH 35:6

Yeityo kotoromben chiito ne ing'wali ko uu cheptirgichet, ak kotyen ng'elyeptap ne namaat kuut. Amu kuutu peek eng' surkwen, ak kobiit kereruusyek eng' surkwen.

MATAYO 10:1

Ki kuur anyun `Jeso kasubikyik taman ak aeng', yeityo kogoochi kimnateet si koon tamirmirik che murwonen, ak kosoop che myandos eng' koroito age tugul ak eng' nyalulnateet age tugul.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 4:24

Ara kiyesta ng'aleek agobo ineendet eng' Syria komugul, ak ki kimutyi `ineendet piik tugul che myandos, che ki nam korotwek ak ng'waninwek che teerchiin, che ki tinyei oik, che kitanuitos ak che ki meiyotiin poorwek; ak ki isoop icheek.

MARIKO 9:26

Kingo kagowaach tamirmiryet ak kobirto ineendet miising', komanda. Ki igei lakweet ne kagome kot komwa che chaang' kole, “Kagome.”

LUKA 10:17

Ki week anyun pichooto tamanwogik tisabu eng' poiboiyet, ak komwa kole, “Kiptaiyat, agot oik kogaseech iit eng' kaineng'ung'.”

JOHANA 14:12

Amwaiwok, iman, iman, ale, Ineendet ne iyana, koyaei agine poisyonik che ayae; ak koyaei poisyonik che eech eng' chuuto; amu awendi ole mi Kwanda.

POISYONIGAP CHE KIYOKTOI 5:16

Ki iyomogei tuiyet ne punu nganasook che neegitee Jerusalem, komutu che myandos kobooto che ki inyalili tamirmirik che murwonen, ak ki kisoop age tugul eng' icheek.

POISYONIGAP CHE KIYOKTOI 8:6

Ak ki epchi iit tuiyosyek eng' yamdaet agenge ng'aleek che kimwaei Philipu, ye kingo kas ak kogeer kaboorunoik che ki yai.

HEBRANIK 2:4

ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.