POISYONIGAP CHE KIYOKTOI 8:21 - BUKUIT NE TILIIL Sireet ne Dutero Kanon

²¹ Metinye kebeberta anan motwet eng' ng'olyoondoni, amu ma myee muguleldang'ung' eng' taitap Kamuktaindet.

Bukuit Ne Tilil

²¹ Metinye kebeberta anan motwet eng' ng'olyoondoni, amu ma myee muguleldang'ung' eng' taitap Kamuktaindet.

BUKUIT NE TILIL

²¹ Metinye kebeberta anan motwet eng’ ng’olyondoni: amu ma mie muguleldang’ung’ eng’ taitab Jehovah.

POISYONIGAP CHE KIYOKTOI 8:21 ပူးပေါင်းရင်းမြစ်များ

2 ATEPTAP PEETUUSYEK 25:2

Ki yai ne myee eng' taitap Kamuktaindet ne Toroor, ago ma eng' muguleldo ne ititaat.

NEEMIA 2:20

Ki awolji anyun icheek aleenji, koonech Kamuktaindetap kipsengwet kabelisyet; nooto anyun king'eetosi acheek otwogikyik ak keteech irimeet, ago okweek, ko motinye kebeberya neng'wong' anan kiy ne oyaache eng' Jerusalem.

TIENWOGIKAL 36:1

Ng'alaaljin `yaityet pistoindet eng' muguleldanyi, kole ma mi kaiyweisyetap Kamuktaindet eng' konyekyik.

EZEKIEL 14:3

Ee weeriitap chii, kigogonorchigei pichu kanamonikwak eng' mugulelwekwak, ak konde kanagutyetap tengektonywa tainnywa: tos teebena icheek ng'olyoo age tugul?

ATEPTAP LAWIK 13:8

Keerei tisiindet, ak ngo keer kole kagonender moet eng' iriryot, komwaita anyun tisiindet kole murwoon ineendet; mogondos chuuto.

HABAKUK 2:4

Ogeero, kagomen muguleldanyi, ma litit ineendet, ago sabei ne po imanda eng' kayanennyi.

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

JOHANA 21:17

Koleenji ne po somok, “Simion, weeriitap Johana, ichama?” Koaragen Petero amu kamwachi ne po somok, koleenji, “Ichama?” Ak koleenji, “Kiptaiyat, ingen tuguuk tugul; ingen ile achamin.” Koleenji `Jeso ineendet, “Pai keechiirekyuk.

POISYONIGAP CHE KIYOKTOI 8:37

Ak ki le Philipu, “Ngiyan eng' muguleldang'ung' tugul, kimuuchi kibatisanin.” Ak ki wol kole, “Ayani ale Jeso Kristo ko Weeriitap Kamuktaindet.”

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

NG'ATUTIK 10:9

Ko uu nooto, koma nyooru Lawi anyun kebeberta anan poroteet kobooto tupchosyekyik. Porotennyi Kamuktaindet ne Toroor, ko uu ye ki mwachi ineendet Kamuktaindet ne Toroor Kamuktaindeng'ung'.

NG'ATUTIK 12:12

Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok.

HEBRANIK 4:13

Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.

JOSHUA 22:25

Amu ki yai `Kamuktaindet ne Toroor Jordan koek kiwotennyo ak okweek lagogap Reuben ak lagogap Gad. Motinye kebeberta eng' Kamuktaindet ne Toroor, koyai anyun lagokwok lagokyok kobagaakta kayweet ne iywei Kamuktaindet ne Toroor.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 20:6

Paibai ak ko tiliil ne tinyei yamdaet eng' ng'eetyeet ne po tai. Mabou icheek meet ne po aeng'; ago egu icheek tisiigap Kamuktaindet ak ko po Kristo, ak kolaitoran ak ineendet kenyiisyek eliphuut agenge.

NG'ANG'UTYET 22:19

Ak ngo nem chii age tugul ng'aleek eng' bukuitap maonatoni, konemu Kamuktaindet kebebertanyi eng' keetitap saboondo, ak eng' nganaseet ne tiliil, che ki kisirchi bukuini.