POISYONIGAP CHE KIYOKTOI 7:23 - BUKUIT NE TILIIL Sireet ne Dutero Kanon

²³ “Ye kingo it olo po kenyiisyek artam, kobwaat eng' muguleldanyi korutoochi tupchosyekyik, piigap Israel.

Bukuit Ne Tilil

²³ “Ye kingo it olo po kenyiisyek artam, kobwaat eng' muguleldanyi korutoochi tupchosyekyik, piigap Israel.

BUKUIT NE TILIL

²³ Ak ye kingoit olo bo kenyisiek artam, kobwat eng’ muguleldanyi korutochi tupchosiekyik, lagokab Israel.

POISYONIGAP CHE KIYOKTOI 7:23 ပူးပေါင်းရင်းမြစ်များ

2 ATEPTAP PEETUUSYEK 30:12

Ki mi kogeny eutap Kamuktaindet Judah si kogoochi icheek muguleldo agenge koyai ng'atuutyetap laitoryat ak pounik eng' ng'olyootap Kamuktaindet ne Toroor.

EZRAH 1:1

Eng' kenyiit ne po tai ne po Cyrus laitoryatap Persia, si kobiit kosulda ng'olyootap Kamuktaindet ne Toroor ne ki mwa eng' kutitap Jeremiah, ko ki ichirchir `Kamuktaindet ne Toroor Cyrus laitoryatap Persia komwaita eng' laitornatennyi tugul ak kosiir kole:

EZRAH 1:5

Ki ng'eetyo anyun che eecheen eng' kandoigap kooriigap kwanisyek che po Judah ak Benjamin ak tisiik, kobooto Lawiik, ak tugul che ki ing'eet Kamuktaindet saboonwekwak kotogosta koba koteech kootap Kamuktaindet ne Toroor ne mi Jerusalem.

EZRAH 7:27

Iberuurot Kamuktaindet ne Toroor, Kamuktaindetap kwanisyekyok, ne ki inde ng'olyoot ne uu ni muguleldap laitoryat, si kochop kogararanit kootap Kamuktaindet ne Toroor ne mi Jerusalem,

KOMONG'U 35:21

Ki nyo age tugul ne ki ichirchir muguleldanyi, ak age tugul ne ki igiil muguleldanyi kogoon, ki ip kagoochinoigap Kamuktaindet ne Toroor che po poisyetap emait ne kituiyechin, che po poisyennyi tugul ak che po ngoroik che itabaanatiin.

KOMONG'U 35:29

Ki ipchi `piigap Israel Kamuktaindet ne Toroor kagoochinoik che po chamyet; muren age tugul ak kobogoryo age tugul che ki igiil mugulelwekwak koip tuguuk che po poisyonooto tugul, che kiga ng'at Kamuktaindet ne Toroor keyai eng' Musa.

KOMONG'U 4:18

Kingo pata koweek Musa kwo kap `Jethro; kapyugoinnyi ak koleenji, “Kaigai chamwo awo, aweekyigei ole mi piikyuk eng' Misiri, ageer ngo ta kosaptos.” Ak ki leenji Jethro Musa, “Ui eng' kaalyeet.”

KOMONG'U 7:7

Kiga koit kenyiisyegap Musa tamanwogik sisiit, ak ki tamanwogik sisiit ak somok kenyiisyegap Aron ye ki ng'alaaljindos icheek ak Pharaoh.

KALEWANAIK 21:1

Uu ainoosyek muguleldap laitoryat eng' eutap Kamuktaindet ne Toroor; imuti kotokyigei oldo tugul ole machei.

POISYONIGAP CHE KIYOKTOI 15:36

Kingo pata peetuusyek alak koleenji `Paulo Barnaba, “Ingeweege nguno kerutoochi tupchosyek eng' nganaseet age tugul ole kigeamdaate ng'olyootap Kiptaiyat, ak kegeer ole teptoi.”

POISYONIGAP CHE KIYOKTOI 7:24

Ye kingo keer kinyaliili age eng' icheek, kotoret ineendet ak koyaaktoochi mugetuut ineendet ne kaginyalili, kokwer Misirindet kobar.

2 KORINTOEK 8:16

Ago kongoi eng' Kamuktaindet, ne indoi muguleldap Tito ko uu nooto kagiiletapkei agobo okweek.

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

NG'ANG'UTYET 17:17

Amu ki inde Kamuktaindet mugulelwekwak koyai ko uu ye ibwaati, ak kosich tugul kabwaatet agenge, ak kogoochi tyondo laitornatennywa, agoi kosulda ng'aleegap Kamuktaindet.