POISYONIGAP CHE KIYOKTOI 7:2 - BUKUIT NE TILIIL Sireet ne Dutero Kanon

² Kowol Stepano kole, “Che kitupche ak kwanisyekyok, ogaso! Ki mong'ji Kamuktaindet ne po toroornatet kwandanyo Abraham, ye ki mi Mesopotamia, kotomo komeny Haran.

Bukuit Ne Tilil

² Kowol Stepano kole, “Che kitupche ak kwanisyekyok, ogaso! Ki mong'ji Kamuktaindet ne po toroornatet kwandanyo Abraham, ye ki mi Mesopotamia, kotomo komeny Haran.

BUKUIT NE TILIL

² Kole Stepano, Che kitupche ak kwanisiekyok, ogaso. Kimong’ji Jehovah ne bo torornatet kwandanyo Abraham, ye kimi Mesopotamia, kotomo komeny Haran,

POISYONIGAP CHE KIYOKTOI 7:2 ပူးပေါင်းရင်းမြစ်များ

TAUNET 11:31

Ki imut `Tera weeriinnyi Abram, ak Lot weeriitap weeriinnyi Haran, ak Sarai kwondap weeriinnyi Abram. Ki pa tugul emetap Ur ne po Kaldeik, koba agoi emetap Kanaan, ak ye kingo it Haran, komeny olooto.

TAUNET 12:1

Ki leenji anyun `Kamuktaindet ne Toroor Abram, “Ui inyee eng' emeng'ung', eng' kaptilyonutiguk ak eng' kootap kwandang'ung' agoi emet ne amache aboorun.

TAUNET 12:5

Ki imut `Abram chebyosennyi Sarai, kobooto Lot weeriitap ne tupcho, ak tuguukwak tugul che ki tinyei, ak piik che kiga konyoor eng' Haran. Ki manda koba emetap Kanaan ak ki it anyun emonooto.

TAUNET 15:7

Yeityo koleenji ineendet, “Aa Kamuktaindet ne Toroor anee ne ki amutun imang'une Ur emetap Kaldeik ak inyoo agoonin emoni kobunjiin.”

TAUNET 29:4

ki teebee anyun Jakobo koleenji, “Obunu ano, tupchosyekyuk?” Ak ki leenji, “Ki po Haran.”

NEEMIA 9:7

Ii Kamuktaindet ne po Toroornatet, ne ki ilewen Abram ak imutu ineendet komong' eng' Ur ne po Kaldeik ak igoochi ineendet kainet iguure Abraham.

TIENWOGIKAL 24:10

Ng'oo Laitoryandani po teegisto? Kamuktaindet ne Toroor ne po lugoosyek, Ineendet Laitoryatap teegisto.

TIENWOGIKAL 24:7

Ong'eet met, okweek kurgotik; ong'eet met, okweek kurgotik che po koigeny, si konyo oriit Laitoryatap teegisto.

TIENWOGIKAL 29:3

Miitei tweguunetap Kamuktaindet ne Toroor nyanjosyek; tulei Kamuktaindetap teegisto, nooto Kamuktaindet ne Toroor, ne mi paragutap peek che chaang'.

ISAIAH 37:12

Tos ki sar icheek kamuktaigap pororyosyek, che ki par kwanisyekyuk, Gosan, ak Haran, ak Resep, ak lagogap Eden che ki mi Telasar?

ISAIAH 51:2

Ogeer Abraham kwandang'wong', ak Sara ne kisichok: amu ki aguur ineendet ye kita komi ineegei, ak aberuur ineendet ak abaraa.

ISAIAH 6:3

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

LUKA 2:14

Po teegisto Kamuktaindet, eng' ole toroor miising', Ak kaalyeet eng' ng'wony piik che chamaatiin eng' ineendet.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 12:41

Ki mwa tuguuchu Isaiah, amu ki keer toroornatennyi; ak ki ng'alaal agobo ineendet.

POISYONIGAP CHE KIYOKTOI 22:1

“Che kitupche ak kwanisyekyok, ogas ng'aleek che amwae nguno eng' taing'wong' che asaruunegei.”

POISYONIGAP CHE KIYOKTOI 23:7

Ak kingo kagomwa ko uu nooto, kong'eet anyun toiyet eng' Pharisaik ak Sadukaik: ak kipcheak tuiyet.

POISYONIGAP CHE KIYOKTOI 7:1

koteebee anyun tisiindet ne oo kole, “Tos uu chooto tuguuchu?”

1 KORINTOEK 2:8

ne manaei agot agenge eng' pounik che po peetuusyechu: amu nda kiga nai, ta ki ma kogartati Kiptaiyatap toroornatet:

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 11:8

Ki kas iit Abraham eng' kayaneet ye ki ngeguur, ak kimanda kwo koma ingen ole wendi, kwo komosta ne tuun taachei koek poroteet.

JAKOBO 2:1

Tupchosyekyuk, amonam kayaneetap Kiptaiyandennyo Jeso Kristo, Kiptaiyatap toroornatet, eng' tiytiyetap piik.

JOSHUA 24:2

Yeityo kong'alaal `Joshua ak koleenji piik tugul, “Kamwa ko uu ni Kamuktaindet ne Toroor, Kamuktaindetap Israel kole, Ki menyei kwanisyekwok keny aineet pitoniin; che icheeget ko Tera kwandap Abraham ak kwandap Nahor ak kiotei kanamonik.

NG'ANG'UTYET 4:11

“Nyoljinin, Kiptaiyandennyo ak ko Kamuktaindet nenyo, itaach toroornatet ak teegisto ak kamuktaet; amu kiitau iyae tuguuk tugul, ak ki piit amu mageng'ung' ak ki kiyai.”