POISYONIGAP CHE KIYOKTOI 6:7 - BUKUIT NE TILIIL Sireet ne Dutero Kanon

⁷ Kitesak anyun ng'olyootap Kamuktaindet; ak kotesak miising' koitetap kasubik eng' Jerusalem; ak kogas iit kayaneet tuiyet ne oo ne po tisiik.

Bukuit Ne Tilil

⁷ Kitesak anyun ng'olyootap Kamuktaindet; ak kotesak miising' koitetap kasubik eng' Jerusalem; ak kogas iit kayaneet tuiyet ne oo ne po tisiik.

BUKUIT NE TILIL

⁷ Kitesak anyun ng’olyotab Jehovah; ak kotesak mising’ koitetab alamalyet eng’ Jerusalem; ak kogas it kayanet tuiyet ne o ne bo tisiik.

POISYONIGAP CHE KIYOKTOI 6:7 ပူးပေါင်းရင်းမြစ်များ

2 ATEPTAP PEETUUSYEK 29:34

Ago king'ering' tisiik kot koma imuuch koeny kagoochinoik tugul che kibeelei; kotoret anyun Lawiik tupchosyekwak, kot kogeskei poisyonooto, ak agoi koanyinygei tisiik; amu ki lititen mugulelwegap Lawiik che ki chamei koanyinygei kosiir tisiik.

2 ATEPTAP PEETUUSYEK 30:24

Amu ki igoochi `Hezekiah laitoryatap Judah tuiyet kiruugik eliphuut ak keechiirek eliphuusyek tisap koek kagoochinoik; ak ki igoochi pounik tuiyet kiruugik eliphuut ak keechiirek eliphuusyek taman. Ki ianyinygei anyun tisiik eng' chaang'indo.

TIENWOGIKAL 132:16

Alaakyini tisiikyik ak icheek yetunet; ak kogaskei eng' kutit ne oo eng' poiboiyet chechiik che tiliileen.

TIENWOGIKAL 132:9

Ingolaach tisiiguk imanda; ak ingogaskei eng' kutit ne oo eng' poiboiyet cheguuk che tiliileen.

MATAYO 19:30

Ago che chaang' che po tai ko tuun egu che po let; ak che po let ko tuun egu che po tai.

LUKA 2:34

ak ki iberuur Simion icheek, ak koleenji Maria kamennyi, “Keero, kaginde lakwani si kobutyo che chaang' ak kong'eetyo che chaang' eng' Israel; asi koek kaboorunet ne tuun kieesyoi;

JOHANA 12:42

Ago ki iyan ineendet che chaang' agot eng' pounik; ago ma ng'aany ineendet amu Pharisaik, si ma ki oon icheek eng' sinagogit:

POISYONIGAP CHE KIYOKTOI 12:24

Ago ki testai ng'olyootap Kamuktaindet, ak koityi che chaang'.

POISYONIGAP CHE KIYOKTOI 13:8

Ago ki kirinda icheek `Eluma ng'oorindet (amu uu nooto kainennyi ye kiweech), ki kirinda pounindonooto, kocheeng'ei komaas kole si ma nyoor kayaneet.

POISYONIGAP CHE KIYOKTOI 14:22

Ki igimitoti saboonwegap kasubik, ko ki ili koba tai eng' kayaneet ak koleenji, “Kanyool keit laitornatetap Kamuktaindet eng' nyalilwogik che chaang'.”

POISYONIGAP CHE KIYOKTOI 19:20

Kotesak ko uu nooto anyun ng'olyootap Kiptaiyat eng' kimnateet ak koterteer.

POISYONIGAP CHE KIYOKTOI 2:47

kolasu Kamuktaindet ak ki poiboi piik tugul agobo icheek. Ak eng' peetuut age tugul ko ki tesyin `Kiptaiyat icheek piik chooto ki nyooru sorunet.

POISYONIGAP CHE KIYOKTOI 21:20

Kingo kas icheek ng'olyoondonooto, kogonyit Kamuktaindet. Koleenji `icheek ineendet, “Igeere anyun, ne kitupche, ole tee eliphuusyek ng'iisyat eng' kwenutap Yahudik che ki koyan; ak tinyei tugul kagiiletapkei agobo Ng'atuutyet.

POISYONIGAP CHE KIYOKTOI 6:1

Eng' peetuusyechooto anyun, ye kitesaksei koitetap kasubik, kong'eet kang'unyng'unyet eng' Yahudik che ki kutinnywa ko Yunanik, kong'unyng'ung'ji Yahudik, amu ki kinyasta mosoogikwak eng' tuguuk che ki cham kigoochin kotugul.

ROMANIK 1:5

ki kitaach eng' ineendet myeeindo ak kayooktoet, agoi kasetap iit ne po kayaneet eng' pororyosyek tugul amu kainennyi:

ROMANIK 16:26

ago kagong'ang'ak nguno, ak eng' siruutik che po maotik, ko uu ng'atuutyetap Kamuktaindet ne po koigeny, ko kagiboorchi pororyosyek tugul agoi kasetap iit ne po kayaneet;

GALATYEK 1:23

ago ki kas kemwaei kityo keele, Ineendet ne kiuseech eng' peetuusyek alak koamdoi nguno kayanonooto king'emang'emi;

GALATYEK 6:10

Nooto anyun, ko uu ye ki tinyei poroindo, ko ongeyachi piik tugul ne myee, ago ne siirei ko icheeget che po kootap kayaneet.

KOLOSAIK 1:6

ne kigoityok; ko uu ole teptoi agine eng' ng'wony komugul koiyiei logoek ak ko tesoksei, ko uu eng' okweek, kobooch peetuut ne ki ogas ak onai myeeindap Kamuktaindet eng' iman;

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

2 TIMOTEO 2:9

ne anyoorunee nyalilda, agoi monjorornatosyek; ko uu chiito ne yaei yaityo; ago ma rataat ng'olyootap Kamuktaindet.

HEBRANIK 11:8

Ki kas iit Abraham eng' kayaneet ye ki ngeguur, ak kimanda kwo koma ingen ole wendi, kwo komosta ne tuun taachei koek poroteet.

HEBRANIK 5:9

ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

JUDA 1:20

Ago okweek, chamanichu, ogimiitkei eng' kayaneng'wong' ne tiliil miising', ak osaae eng' Kabuuset ne Tiliil.

JUDA 1:3

Chamanichu, ye ki agiiligei miising' asirwak agobo yetunet ne kiyamdoi, ageer ale nyoljino asirwak ateiywok ale ogiiljige miising' kayaneet ne ki kigoochi che tiliileen konyil agenge kityo.