POISYONIGAP CHE KIYOKTOI 6:14 - BUKUIT NE TILIIL Sireet ne Dutero Kanon

¹⁴ amu kigegas ineendet komwaei koleen, tatun kong'emei yuto Jeso niito po Nazareth, ak kowal pitonwek che ki koonech Musa.”

Bukuit Ne Tilil

¹⁴ amu kigegas ineendet komwaei koleen, tatun kong'emei yuto Jeso niito po Nazareth, ak kowal pitonwek che ki koonech Musa.”

BUKUIT NE TILIL

¹⁴ amu kigegas inendet komwaei kolen, tatun kong’emei yuto Jesu nito bo Nasaret, ak kowal bitonwek che kigonech Musa.

POISYONIGAP CHE KIYOKTOI 6:14 ပူးပေါင်းရင်းမြစ်များ

ISAIAH 65:15

Ak omete kaineng'wong' koek chubisyet eng' chechuuk che ki alewen, ak kobarin Kiptaiyat Kamuktaindet ne Toroor; ak koguur otwogikyik eng' kainet age:

JEREMIA 26:12

Yeityo komwachi Jeremiah pounik tugul ak piik tugul koleenji, Ki iyookwo Kamuktaindet ne Toroor amaoten kiit ne ya agobo kooi ak nganasani, amwa ng'aleek tugul che koogas.

JEREMIA 26:18

Ki maoten Mikaia meng'iindetap Moresheth eng' peetuusyegap Hezekiah laitoryatap Judah; ak ki ng'alaalji piik tugul che po Judah koleenji, kamwa Kamuktaindet ne Toroor ne po lugoosyek kole: Kibati Zion ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

HOSEA 3:4

Amu tebyei piigap Israel peetuusyek che chaang' ama tinyei laitoryat, ama tinyei pounindet, ama tinyei tiseiywot, ama tinyei toloita, ama tinyei ephod anan terapik.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

SEKARIA 11:1

Yaat kurgotiguk, ee Lebanon, si kobeel maat taragoniguk.

SEKARIA 14:2

Amu tuun ayumi pororyosyek tugul kobookyi Jerusalem kobargei; ak kenam nganaseet ak keluul kooriik, ak kesuup kwonyiik: ak kimut kebebertap nganaseet koek luulenik, ama ki parei piik che kang'et eng' nganaseet.

MATAYO 26:61

ak kole, “Ki mwa chiichi kole, ‘Amuuchi ang'em hekaluutap Kamuktaindet, ak ateech eng' peetuusyek somok.’ ”

MARIKO 14:58

Kigegas komwaei ineendet koleen, Ang'eme hekaluni ki kiyae eunek, ak ateech age eng' peetuusyek somok ne ma kiyae eunek.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

LUKA 21:6

Eng' tuguuchu ogeere, ko tuun pwoonei peetuusyek, che ma ng'etunee koita agot agenge paragutap age, ne ma tuun ki wiirchin ng'wony.

JOHANA 2:19

Kowolji Jeso koleenji, “Ong'em hekaluni, si ang'eet kogeny eng' peetuusyek somok.”

JOHANA 4:21

Koleenji Jeso, Kobogoryondoni, iyana, nyoonei sait, ye ma kosaae Kwanda eng' tulwooni, anan eng' Jerusalem.

POISYONIGAP CHE KIYOKTOI 15:1

Ki choorgei anyun piik alak che ki punu Judea ak koneet tupchosyek kole, “Ngot koma kimuratanak ko uu piteetap Musa, ko momuuchi onyooru saruunet.”

POISYONIGAP CHE KIYOKTOI 21:21

Ak ki kiboorchi icheek agobo inyee, keele, ineeti Yahudik tugul che mi ye mi Pororyosyek kobagaakta Musa, ak ileenjini icheek amat komuratan lagokwak, anan koosup pitonwek.

POISYONIGAP CHE KIYOKTOI 25:8

ago ki mwa Paulo eng' ng'aleek che kisaruunegei, kole, “Tom ayai tengek agot kitigin agobo Ng'atuutyetap Yahudik, anan agobo Hekaluut, anan agobo Caesarea.”

POISYONIGAP CHE KIYOKTOI 26:3

ne siirei ko amu ingen komyee pitonwek tugul ak teebutik tugul che tinyei Yahudik; nooto anyun, kasoomin ale igasa eng' muitaet.

POISYONIGAP CHE KIYOKTOI 28:17

Ak kingo kagosiirto peetuusyek somogu koguur piik che eecheen che po Yahudik kotuiyo: ak kingo kagoyumgei, koleenji icheek, Che kitupche, agot ngo ma yai anee kiy ne ya eng' piik, anan eng' pitonwegap kwanisyekyok, ko ki kindea eunegap Romanik eng' Jerusalem, ko aa kimonjororyo:

GALATYEK 3:19

Nee anyun Ng'atuutyet? Ki kites amu pistautik, agoi koit keswoot ye mi ineendet ne kiga kichopchi arorutyonooto; ak ki king'at eng' malakaisyek eng' eutap katuiyoindet.

GALATYEK 3:23

Ago ye ki tomo konyo kayaneet, ko ki kiriibech eng' Ng'atuutyet. Kiga kiratech agoi koit kayaneet ne kitun keng'aany eng' let.