POISYONIGAP CHE KIYOKTOI 5:16 - BUKUIT NE TILIIL Sireet ne Dutero Kanon

¹⁶ Ki iyomogei tuiyet ne punu nganasook che neegitee Jerusalem, komutu che myandos kobooto che ki inyalili tamirmirik che murwonen, ak ki kisoop age tugul eng' icheek.

Bukuit Ne Tilil

¹⁶ Ki iyomogei tuiyet ne punu nganasook che neegitee Jerusalem, komutu che myandos kobooto che ki inyalili tamirmirik che murwonen, ak ki kisoop age tugul eng' icheek.

BUKUIT NE TILIL

¹⁶ Ak kiiyomogei tuiyet ne bunu nganasok che negite Jerusalem, komutu che miandos, koboto che kiinyalili tamirmirik che muruonen: ak kigisoob age tugul eng’ ichek.

POISYONIGAP CHE KIYOKTOI 5:16 ပူးပေါင်းရင်းမြစ်များ

MATAYO 2:16

Kingo keer Herod kole king'al `ng'oomotik ineendet, konereech miising' ak koyookto kebar lagok tugul che weeriik che po kenyiisyek aeng' ak korek eng' Bethlehem ak eng' tabanwekyik tugul kosuupkei ak peetuut ne kiginee piik che ng'oomen.

MATAYO 4:24

Ara kiyesta ng'aleek agobo ineendet eng' Syria komugul, ak ki kimutyi `ineendet piik tugul che myandos, che ki nam korotwek ak ng'waninwek che teerchiin, che ki tinyei oik, che kitanuitos ak che ki meiyotiin poorwek; ak ki isoop icheek.

MATAYO 8:16

Ak ye ki machei koimen, komutyi icheek che chaang' che tinyei oik: ak ki oon oik eng' ng'olyoot, ak kosoop tugul che ki myandos:

LUKA 5:17

Ak ki ineetisyei eng' peetuut age eng' peetuusyechooto; ak ki mi Pharisaik ak kaneetik che po ng'atuutik kotebyei eng' olooto, che ki punu nganaseet age tugul ne po Galilaya ak ne po Judea ak ne po Jerusalem: ak ki mi kamuktaetap Kiptaiyat kobooto ineendet kosaabe piik.

LUKA 6:18

ak ki kisoop icheeget che ki inyalili oik che murwonen.

LUKA 9:11

Ago kingo nai tuiyosyek koosup: ak kitaach icheeget, ak kong'alaalji agobo laitornatetap Kamuktaindet, ak ki isoop icheek che kimachei kisoop.

JOHANA 14:12

Amwaiwok, iman, iman, ale, Ineendet ne iyana, koyaei agine poisyonik che ayae; ak koyaei poisyonik che eech eng' chuuto; amu awendi ole mi Kwanda.

POISYONIGAP CHE KIYOKTOI 4:30

ye iitoi inyee eung'ung' isoobi piik; si koyaak kaboorunoik ak kwang'utik eng' kainetap Kiboityondeng'ung' ne Tiliil, nooto ko Jeso.”

POISYONIGAP CHE KIYOKTOI 5:15

kot komut icheek che myandos kobwa ortinwek, ak komogonji itogusyek ak kiplusisyek, kole tamangap kokwer urwetap Petero alak eng' icheek, kosiirtoi.

POISYONIGAP CHE KIYOKTOI 5:17

Ago ki tonon tisiindet ne oo, inee ak tugul che ki mi kobooto ineendet (kasubiigap Sadukaichooto), ak ki nyiitaat icheek ng'et konda,

1 KORINTOEK 12:9

kigoochin age kayaneet, eng' Kabuusonooto; ak kigoochin age konunoigap kasaabet, eng' Kabuusonooto agenge;

JAKOBO 5:16

Ong'aang'jige anyun kachiliilutikwok okweegei, ak osachinigei okweegei, si kobiit kisaabok. Toretisyei miising' saaetap chiito ne po imanda ngo saa eng' kagiiletapkei.