POISYONIGAP CHE KIYOKTOI 4:36 - BUKUIT NE TILIIL Sireet ne Dutero Kanon

³⁶ Ki mi Lawindet, chiito ne kisalu Cyprus, nooto Joseph, ne kitoochi che kiyooktoi kainet ne po aeng' koguure Barnaba (ne ye kiweech ko “Weeriitap kagaigaet”), ne ki alda mbareet ne ki tinyei,

Bukuit Ne Tilil

³⁶ Ki mi Lawindet, chiito ne kisalu Cyprus, nooto Joseph, ne kitoochi che kiyooktoi kainet ne po aeng' koguure Barnaba (ne ye kiweech ko “Weeriitap kagaigaet”), ne ki alda mbareet ne ki tinyei,

BUKUIT NE TILIL

³⁶ Ak kialda Josep mbaret ne kitinyei, inendet ne kitochi che kiyoktoi kainet ne bo aeng’ koguure Barnaba (ne ye kiweech, ko Weritab kagaigaet), Lawindet, chito ne kisalu Kupro,

POISYONIGAP CHE KIYOKTOI 4:36 ပူးပေါင်းရင်းမြစ်များ

MARIKO 3:17

kogoochi Jakobo weeriitap Zebedayo ak Johana ne tupcho ak Jakobo kainet koguure Boanerges ne kaguiyennyi ko Weeriigap tuleet,

POISYONIGAP CHE KIYOKTOI 11:30

Ki yai anyun ko uu nooto, ki iyookyi poisyek eng' eunegap Barnaba ak Saulo.

POISYONIGAP CHE KIYOKTOI 12:25

Ye kingo kagogees poisyennywa Barnaba ak Saulo, koweektagei Jerusalem, komuti Johana ne ki kainennyi ne po aeng' ko Mariko.

POISYONIGAP CHE KIYOKTOI 13:1

Eng' kaniset ne ki mi Antiok ko ki mi maotik ak kaneetik: Barnaba, Simion ne ki kiguure Niger, Lukio ne po Kurene, Manaen ne ki kigui kobooto kirwoogindet Herod, ak Saulo.

POISYONIGAP CHE KIYOKTOI 13:15

Kingo pata somaneetap ng'atuutyet ak siruutigap maotik koyookto pounigap sinagogit piik koba ole mi icheek, koleenji, “Che kitupche, ngo tinye ng'olyoo age tugul ne imuuchi kotoret pichu, omwa.”

POISYONIGAP CHE KIYOKTOI 13:2

Ye kiboisyechin Kiptaiyat ak korugutegei, kole Kabuuset ne Tiliil, “Otabaannywa Barnaba ak Saulo agobo poisyet ne ki aguurchi.”

POISYONIGAP CHE KIYOKTOI 13:4

Kingo kagoyookto icheek `Kabuuset ne Tiliil, kochoorchigei Seleusia; ak ki pa eng' olooto kobun moinget agoi Cyprus.

POISYONIGAP CHE KIYOKTOI 15:12

Kosiisyo anyun tuiyet komugul; ak koepchi iit Barnaba ak Paulo kotetyin icheek kaboorunoik ak kwang'utik che kiga koyai Kamuktaindet eng' icheek eng' kwenutap Pororyosyek.

POISYONIGAP CHE KIYOKTOI 15:2

Ak ye kingo kagotiiyo Paulo ak Barnaba miising' ak koteebegei miising' kobooto icheek, kolewen `tupchosyek Paulo ak Barnaba ak alak eng' icheek kotogosta koba Jerusalem ole mi che kiyooktoi ak poisyek agobo ng'olyoondoniito.

POISYONIGAP CHE KIYOKTOI 15:37

Ki machei Barnaba miising' komut Johana ne ki kiguure Mariko, koba tugul.

POISYONIGAP CHE KIYOKTOI 15:39

Ak king'eetyo ng'aleek che koroomen kot kopcheigei icheegei. Ki imut `Barnaba Mariko ak kobun moinget agoi Cyprus.

POISYONIGAP CHE KIYOKTOI 21:16

Ak ki kibe kobooto kasubik che ki punu Caesarea, komutu Mnason ne po Cyprus, ne kiga koek kasubin koek keny, ne ki kibendi ketebee koonnyi.

POISYONIGAP CHE KIYOKTOI 21:3

Ak ye kiga kegeer Cyprus, kesiirtoe komi euut ne po kaataam, keebe agoi Syria, ak kechooruge eng' meeliit eng' Tyro, amu yooto ye kinemune tuguugap meeliit.

POISYONIGAP CHE KIYOKTOI 27:4

Ak ki kibun moinget eng' olooto ak ki kiteektaegei Cyprus, amu ki kirindaech usoonet.

POISYONIGAP CHE KIYOKTOI 9:27

Ago ki imut Barnaba ineendet kwo ole mi che kiyooktoi, ak kotetyi anyun ole kigeerto `ineendet Kiptaiyat eng' ooreet, ak kole kiga kong'alaalji ineendet, ak ko uu ye kigoamda eng' nyiganateet eng' Damasko eng' kainetap Jeso.

1 KORINTOEK 14:3

Ago ineendet ne amdoi kong'alaaljin piik ng'aleegap teekseet, ak kagimiitet, ak kagaigaet.

1 KORINTOEK 9:6

Anan aneege kityo ak Barnaba, che ma ki tinyei kimnateet kebagaakte poisyet?

GALATYEK 2:1

Kingo pata anyun kenyiisyek tamanu ak ang'wan atogoste kogeny awe Jerusalem kobooto Barnaba, amuti Tito agine.

GALATYEK 2:13

Ak ki iberberisyei Yahudik alage ak icheek kobooto ineendet; kot kotito Barnaba agine eng' kaberberisyennywa.

GALATYEK 2:9

ak ye kingo nai Jakobo ak Kepa ak Johana, icheeget che ki kiit keele tolochik, myeeindo ne ki kigoono, kogoono ak Barnaba eutap tai ne po yamdaet, si kobiit keebe ye mi Pororyosyek, koba icheek ye mi che kimuratani;

KOLOSAIK 4:10

Igatok Aristarko ne ki kimonjororinik tuwai, ak Mariko ne tupchetap Barnaba (ki onyooru ng'aleek agobo ineendet; ngo nyonjok, otaach),