POISYONIGAP CHE KIYOKTOI 3:6 - BUKUIT NE TILIIL Sireet ne Dutero Kanon

⁶ Ago ki le Petero, “Ma tinye fedha ak thahabu; ago agoonin ne atinye. Ng'eet eng' kainetap Jeso Kristo ne po Nazareth, ak iwendote.”

Bukuit Ne Tilil

⁶ Ago ki le Petero, “Ma tinye fedha ak thahabu; ago agoonin ne atinye. Ng'eet eng' kainetap Jeso Kristo ne po Nazareth, ak iwendote.”

BUKUIT NE TILIL

⁶ Ago kile Petero, Matinye feda ak tahabu; ago agonin ne atinye. Ng’eet eng’ kainetab Jesu Kristo ne bo Nasaret, ak iwendote.

POISYONIGAP CHE KIYOKTOI 3:6 ပူးပေါင်းရင်းမြစ်များ

MATAYO 10:9

Amocheeng'jige thahabu, anan fedha, anan sendeisyek eng' lolotinwekwok;

MATAYO 7:22

Leenjino che chaang' peetuunooto, “Kiptaiyat, Kiptaiyat, tos ki ma kiyai maonateet eng' kaineng'ung', ak keon oik eng' kaineng'ung', ak keyai eng' kaineng'ung' poisyonik che chaang' che po kimnateet?”

MARIKO 14:8

Kagoyai ne imuuchi: kasip koiil poortanyu amait ketupo.

MARIKO 16:17

Ak isubi kaboorunoichu icheek che iyani: oonei oik eng' kainennyu; ak kong'alaali ng'alaalet ne leel;

JOHANA 19:19

Ak kisir anyun Pilato sireet, ak konde kimurtoiyot. Ki kisir keele, “JESO NE PO NASARET, LAITORYAT NE PO YAHUDIK.”

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 16:18

Ak ki yai ineendet ko uu nooto eng' peetuusyek che chaang'. Ago ki aragen Paulo miising', ak kowelelgei ak koleenji oindonooto murwon, “Kang'atiin eng' kainetap Jeso Kristo ale, mong'u eng' ineendet.” Ak ki mong' eng' sainooto.

POISYONIGAP CHE KIYOKTOI 2:22

“Okweek piigap Israel, ogas ng'aleechu: Jeso ne po Nazareth, chiito ne ki ibarta Kamuktaindet eng' okweek eng' poisyonigap kimnateet ak kwang'utik ak kaboorunoik, che ki yai Kamuktaindet eng' ineendet eng' kwenung'wong', ko uu ye ongen okweek.

POISYONIGAP CHE KIYOKTOI 2:36

“Ingonai anyun komyee koot komugul ne po Israel kole, kigoyai `Kamuktaindet ineendet koek Kiptaiyat ak ko Kristo, Jeso niito ne ki ogartaat.”

POISYONIGAP CHE KIYOKTOI 3:16

Ak kagogoochi kainennyi chiichi kimnateet, amu kayanet eng' kainennyi, chiichi ogeere ak ongen okweek: ee, kayanet ne mi eng' Jeso ko kagogoochi chiichi sabeet ne igesunotkei eng' taing'wong' okweek tugul.

POISYONIGAP CHE KIYOKTOI 3:5

Ak ki inyal `ineendet icheek, koleen nyoorune kiy.

POISYONIGAP CHE KIYOKTOI 3:7

Konam anyun ineendet eut ne po tai, ak kong'eet: ak ki nyoor kimnateet ngunooto keelyekyik ak kawegap ng'woniot.

POISYONIGAP CHE KIYOKTOI 4:10

ingonaak anyun eng' okweek tugul, ak eng' piik tugul che po Israel ole chiichi tononi eng' taing'wong', ko kagosap eng' kainetap Jeso Kristo ne po Nazareth, ne ki ogartaat okweek, ne ki ing'eet Kamuktaindet eng' che ki pek.

POISYONIGAP CHE KIYOKTOI 4:7

Ak kingo kagonde icheek kwenunnywa, koteebe kole, “Nee kamuget ne koyae ni, anan eng' kainetap ng'oo?”

POISYONIGAP CHE KIYOKTOI 9:34

Koleenji anyun `Petero ineendet, “Ainea, isaabin Jeso Kristo; ng'eet ak iite itogung'ung'.” Kong'eet anyun sainooto.

1 KORINTOEK 4:11

Agot sainiito ketinye rubeet ak melelda ak kimi aach ngor ak kiluiluchech, ama ki tinyei ole ki menye;

2 KORINTOEK 6:10

ko uu che aragendos, ago che poiboi kotugul; ko uu che ponondos, ago imogornoni che chaang'; ko uu che ma tinyei kiy, ago tinyei tuguuk tugul.

2 KORINTOEK 8:12

Amu ngo choboot kabwaatetap chii, ko taachaksei ko uu ye tinyei chii, ma ko uu ye ma tinyei.

2 KORINTOEK 8:9

Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

1 PETERO 4:10

ko uu ye kigonyoor chii age tugul kagoochinet oboisyechinegei, ko uu riibiik che myachen che po chaang'indap myeeindap Kamuktaindet;