POISYONIGAP CHE KIYOKTOI 27:23 - BUKUIT NE TILIIL Sireet ne Dutero Kanon

²³ Amu kotonon malaikaiyatap Kamuktaindet eng' ye neegiteena kemouni, ne aa nenyi, ak ne aoote,

Bukuit Ne Tilil

²³ Amu kotonon malaikaiyatap Kamuktaindet eng' ye neegiteena kemouni, ne aa nenyi, ak ne aoote,

BUKUIT NE TILIL

²³ Amu kotonon malaikaiyatab Jehovah eng’ ye negitena kemouni, ne a nenyi, ak ne aote,

POISYONIGAP CHE KIYOKTOI 27:23 ပူးပေါင်းရင်းမြစ်များ

TIENWOGIKAL 116:16

Ee Kamuktaindet ne Toroor, aa kiboityondeng'ung' iman; aa kiboityondeng'ung', aa weeriitap otwogeng'ung' ne tye; ki ityaach ratuutikyuk.

TIENWOGIKAL 135:4

Amu ki kolewenjigei Kamuktaindet ne Toroor Jakobo, ak Israel koek kinnyi ne nenyi iman.

TIENWOGIKAL 143:12

Ak ing'eti puunikyuk eng' chamyeng'ung' ne tala, ak ing'em icheek tugul che inyalili saboondanyu; amu aa kiboityondeng'ung'.

KOMONG'U 19:5

Eng' nooto anyun, ngot ogas iit kutinnyu iman ak oriip kayomisennyu, oegu anyun iman eng' anee chamanikyuk che itabaanatiin eng' piik tugul, amu nenyu ng'wony komugul.

TYENDO NE SIIREI TUGUL 2:16

Nenyu chamanennyu ak aa nenyi. Iyagi keechiirekyik eng' ye mi taaptook.

TYENDO NE SIIREI TUGUL 6:3

Aa po chamanennyu ak ko nenyu chamanennyu. Iyagisyei eng' ole mi taaptook.

ISAIAH 44:21

Ibwaat tuguuchuuto, ee Jakobo, ak Israel; amu ii otwogindennyu: ki ayain; ii otwogindennyu: ee Israel, mautyenen.

ISAIAH 44:5

Mwaei age kole, aa po Kamuktaindet ne Toroor; ak koguuregei age kainetap Jakobo; ak kosirchi age eunnyi kainetap Kamuktaindet ne Toroor; ak komwaitoegei kainetap Israel.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

JEREMIA 32:38

Ak koek piikyuk, ak aegu Kamuktaindennywa:

EZEKIEL 36:38

Ko uu akweetap keechiirek che egu tiseiywek, ko uu akweetap keechiiregap Jerusalem eng' peetuusyekyik che po igoorwek che ki king'at; kinyiiti ko uu nooto nganasook che kiga koek karatwek eng' tuiyosyegap piik: si konai icheek kole aa Kamuktaindet ne Toroor.

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.

MALAKI 3:17

Ak mwaei Kamuktaindet ne Toroor ne po lugoosyek kole, “Punjino icheek, eng' peetuut ne ayae icheek koek kinnyu ne nenyu aneege; ak ariiree icheek ko uu ye riiree chii weeriinnyi ne poisyechin.

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

POISYONIGAP CHE KIYOKTOI 12:23

Eng' sainooto anyun kobir ineendet `malaikaiyatap Kiptaiyat, amu ma konyit Kamuktaindet. Ara ki am ineendet kuutik ak kime.

POISYONIGAP CHE KIYOKTOI 16:17

Ki isubot Paulo kebendi tugul, ak komwaei eng' kutit ne oo koleen, “Pichu ko otwogigap Kamuktaindet Ne Toroor Miising', che mwaiwok ooreetap yetunet.”

POISYONIGAP CHE KIYOKTOI 18:9

Ak kemout age ko ki leenji `Kiptaiyat Paulo eng' ng'ang'utyet, “Meiywei, ago ng'alaal inyee amat isiis;

POISYONIGAP CHE KIYOKTOI 23:11

Ak eng' kemout ne ki isubi nooto kotonon Kiptaiyat eng' ye neegitee ineendet ak koleenji, “Nyiganitu: amu ko uu ye ki ibaoryanjo eng' Jerusalem, ko uu nooto kanyool ibaoryan eng' Rome agine.”

POISYONIGAP CHE KIYOKTOI 5:19

Ago ki yaat malaikaiyatap Kiptaiyat kurgotigap korgoreet kemoi ak komut icheek komong' saang', ak koleenji,

POISYONIGAP CHE KIYOKTOI 8:26

Ki mwachi malaikaiyatap Kiptaiyat anyun Philipu koleenji, “Ng'eet ak iwe murot tai agoi ooreet ne choortogei kong'etee Jerusalem ne wendi agoi Gaza” (punei oranooto ole melewet).

ROMANIK 1:1

Paulo, otwogindetap Jeso Kristo, ne ki kiguur koek kayooktoindet, ne ki kitabaanji logoiywek che myach che po Kamuktaindet,

ROMANIK 1:9

Amu Kamuktaindet paoryandennyu, ne aoote eng' saboondanyu eng' logoiywek che myach che po Weeriinnyi, ale masise amwa agobo okweek kotugul eng' saautikyuk,

ROMANIK 6:22

Ago nguno ko kagityaachak eng' tengekto, ak kaoegu otwogigap Kamuktaindet, otinye logoekwok agoi tiliilindo, ak kagesunet ko saboondap koigeny.

1 KORINTOEK 6:20

amu ki kialenak kamanuutyet: otoroor Kamuktaindet anyun eng' poorwekwok.

NG'ATUTIK 32:9

Amu piikyik kebebertap Kamuktaindet ne Toroor; porotennyi Jakobo.

2 TIMOTEO 1:3

Amwachini Kamuktaindet kongoi, ne aoote ko uu ye kiyaei kwanisyekyuk che po tai eng' kabwaatet ne tiliil, ale masisei kabwaatet ne abwaatin eng' soomutikyuk, kemoi ak peet,

2 TIMOTEO 2:24

Ama nyoljin otwogindetap Kiptaiyat koyai pooryeet, ago koek ne tala eng' tugul, ne chepchep koneetis, ago muitoi,

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

TITO 1:1

Paulo, otwogindetap Kamuktaindet, ak kayooktoindet ne po Jeso Kristo, ko uu kayaneetap che ki kilewen che po Kamuktaindet, ak naetap imanit ne namegei ak kayweet ne kiywei Kamuktaindet,

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

NG'ANG'UTYET 22:16

“Anee Jeso ne kaayogu malaikaiyandennyu si kobaoryanwok tuguuchu eng' kanisosyek. Aa tigityot ak keswootap Daudi, taboiyat ne po karon ne ikwenyi.”