POISYONIGAP CHE KIYOKTOI 26:13 - BUKUIT NE TILIIL Sireet ne Dutero Kanon

¹³ ageer lapkeiyet ne ki punu kipsengwet, ne siirei kaluunetap asiista, koluucha komoswek tugul kobooto che ki kibendi tugul, eng' ooreet peet kween, ee, laitoryandani.

Bukuit Ne Tilil

¹³ ageer lapkeiyet ne ki punu kipsengwet, ne siirei kaluunetap asiista, koluucha komoswek tugul kobooto che ki kibendi tugul, eng' ooreet peet kween, ee, laitoryandani.

BUKUIT NE TILIL

¹³ ageer lapkeiyet ne kibunu kipsengwet, ne siirei kaluunetab asista, koluucha komoswek tugul koboto che kigibendi tugul, eng’ oret bet kwen, ee, laitoriandani.

POISYONIGAP CHE KIYOKTOI 26:13 ပူးပေါင်းရင်းမြစ်များ

ISAIAH 24:23

Ak kotoptoben arawet, ak kolilaan asiista; amu laitorani Kamuktaindet ne Toroor ne po lugoosyek eng' tulweetap Zion ak eng' Jerusalem, ak eng' taitap poisyekyik.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

MATAYO 17:2

Kiwalak ineendet eng' tainnywa, ak ki iluu togeennyi ko uu asiista, ak kileelagitu ngoroikyik ko uu lapkeiyet.

POISYONIGAP CHE KIYOKTOI 22:6

“Ak ye ki awendi, ko kariikyi Damasko, ko katonon asiis, kooluu eng' sainooto lapkeiyet ne oo ne ki punu kipsengwet koluucha komoswek tugul.

POISYONIGAP CHE KIYOKTOI 22:9

Ak ki keer lapkeiyet iman che ki mi kobooto, ago ki ma kas kutitap ineendet ne ki ng'alaalwo.

POISYONIGAP CHE KIYOKTOI 26:12

Ak ye kinga wendi Damasko atinye kimnateet ak kayooktoet ne po tisiik che eecheen,

POISYONIGAP CHE KIYOKTOI 26:14

Ak kingo kagibutyi ng'wony tugul, agas kutit ne leenjino eng' kutitap Yahudik, Saulo, Saulo, amu ne si iusoo? Pichiy eng' inyee ityar kiplitwet.

POISYONIGAP CHE KIYOKTOI 9:3

Ye kita kowendi ak ko kariikta Damasko, kooluu sainooto lapkeiyet ne ki punu kipsengwet koluuchi ineendet komoswek tugul.

NG'ANG'UTYET 1:16

Ki tinyei kecheik tisap eng' eunnyi ne po tai, ak ki mang'une kutinnyi rotwetap chok ne ng'atiben komoswek tuwai. Ki uu togeennyi asiista ne iluu eng' kimnateennyi.

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.