POISYONIGAP CHE KIYOKTOI 24:26 - BUKUIT NE TILIIL Sireet ne Dutero Kanon

²⁶ Ki imang'u kole togot kogoochi Paulo silingisyek: kiguur anyun ineendet konyil che chaang', ak kong'alaal kobooto ineendet.

Bukuit Ne Tilil

²⁶ Ki imang'u kole togot kogoochi Paulo silingisyek: kiguur anyun ineendet konyil che chaang', ak kong'alaal kobooto ineendet.

BUKUIT NE TILIL

²⁶ Kiimang’u kole togot kogochi Paulo siling’isiek: kiguur anyun inendet konyil che chang’, ak kong’alal koboto inendet.

POISYONIGAP CHE KIYOKTOI 24:26 ပူးပေါင်းရင်းမြစ်များ

2 ATEPTAP PEETUUSYEK 19:7

Ingotebenok anyun kaiyweisyet ne oiywei Kamuktaindet ne Toroor, oriip ak oyai, amu ma mi tengekto eng' Kamuktaindet ne Toroor, Kamuktaindennyo anan ko tiytiyetap piik, ama taachei konunoik che kigoigoisye.”

Kitabuutap JOB 15:34

Amu egu soon tuiyetap che ma iywei Kamuktaindet, ak peelei maat emaisyek che mi asoya.

KOMONG'U 23:8

Ametaach tuguuk che po asoya, amu tuchei konunoik icheeget che ng'oomen ak kogunuuri ng'aleegap che po imanda.

KALEWANAIK 17:23

Eng' ung'oot kotaachei kiptengekyot kitap asoya, si komaas ortinwegap kirwooget.

KALEWANAIK 17:8

Uu koita ne po kamanuutyet ne oo kitap asoya eng' taitap ineendet ne tinyei; poorei eng' ui tugul ole tokyingei.

KALEWANAIK 19:6

Riirchin piik che chaang' myeeindap chiito ne tagunoot; ak chii age tugul ko chorweetap ineendet ne igoitoi konunoik.

KALEWANAIK 29:4

Igimiiti emet laitoryat eng' kirwooknateet, ago igabui emet ineendet ne taachei tuguuk che ki koigoisye.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 33:15

Ineendet ne wendote imanda ak kong'alaali che lititen, ineendet ne sasei kelunetap sastaet, ne ma namei asoya, ne timei itiikyik si ma kas agobo korotiik, ak ne tuchei konyekyik si ma keer yaityet,

ISAIAH 56:11

Ee, kipkein sesenik, ma piyong'dos agoi; ak chuuto ko mestoweek che ma iguitos kiy: ki komaasta tugul koosup ooreenywa, kigosup chii tugul keljinennyi, eng' komosta age tugul.

EZEKIEL 22:27

Kaigei pounikyik eng' kwenunnyi suik che parisyei; si kotumda korotiik, ak kong'em saboonwek, si kobiit konyoor poroteet ne ma po iman.

EZEKIEL 33:31

Ak kobwonjin ko uu ye pwoonei piik, ak kotep ng'wony eng' taing'ung' ko uu piikyuk, ak kogas icheek ng'aleeguk, ago ma yaei: amu iboortoi chamyet ne oo eng' ng'aleekwak, ago isubi mugulelwekwak kelunennywa.

HOSEA 4:18

Ki komindililitu tuguukwak che eei, yaei kugoinatet kotugul; chamei pounikyik teweernateet miising'.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

MIKAH 7:3

Igiilegei eng' eunekwak koyai kiit ne ya; soomsei pounindet ak kirwoogindet komachei kiit ne kigoigoisye; ak mwaei chiito ne oo mageet ne ya ne po saboondanyi; chobei icheek ko uu nooto.

MATAYO 17:3

Eng' sainooto ko ki took eng' tainnywa Musa ak Elijah, kong'alaaljindos kobooto ineendet.

POISYONIGAP CHE KIYOKTOI 24:17

“Ak kingo pata kenyiisyek che chaang' anyoo aipchi piigap pororyennyu kagoochinoik ak tuguuk che kigoitoi.

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

NG'ATUTIK 16:19

Amemaas kirwooget. Ametiytiy piik anan itaach che po kagaigaet, amu kerei konyegap che tinyei utaatyet tuguuk che po kagaigaet, ak kogunuuri ng'aleegap che po imanda.

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

1 SAMUEL 12:3

Ang'ni anee! Obaoryanjo yaityo eng' taitap Kamuktaindet ne Toroor ak eng' taitap nenyi ne iilaat. Ki arebee ng'oo tennyi? Anan ki arebee ng'oo sigiryennyi? Anan ki aberber ng'oo? Ki aus ng'oo? Anan ki anam eng' eutap ng'oo tugun che po asoya si atuge konyekyuk? Ngo mi aweekwok.”

1 SAMUEL 8:3

Ma pendate weeriikyik ortinwekyik, ago kimasta kosup mogornateet eng' ooreet ne ya. Kitaach asoya ak komaas kirwooget.