POISYONIGAP CHE KIYOKTOI 24:25 - BUKUIT NE TILIIL Sireet ne Dutero Kanon

²⁵ Ak ye kita kong'alaali agobo imanda, ak riibetapkei, ak kirwooget ne nyoonei, koiyweis Felix, ak kowol kole, “Ui korook; ak ye tuun anyooru poroindo ne myee, aguurin.”

Bukuit Ne Tilil

²⁵ Ak ye kita kong'alaali agobo imanda, ak riibetapkei, ak kirwooget ne nyoonei, koiyweis Felix, ak kowol kole, “Ui korook; ak ye tuun anyooru poroindo ne myee, aguurin.”

BUKUIT NE TILIL

²⁵ Ak ye kita kong’alali agobo imanda, ak ribetab ge, ak kiruoget ne nyonei, koiyweis Peliki, ak kowol kole, Ui korok; ak ye tun anyoru boroindo ne mie, aguurin.

POISYONIGAP CHE KIYOKTOI 24:25 ပူးပေါင်းရင်းမြစ်များ

2 SAMUEL 23:3

Ki ng'alaal Kamuktaindetap Israel, ki ng'alaalwo Rwandetap Israel kole: “Ineendet ne pou piik eng' imanda, ko ingoboi eng' kaiyweisyetap Kamuktaindet,

1 LAITORINIK 21:27

Kingo kas Ahab ng'aleechooto, kogereer ngoroikyik, kolaach kuniet ak korugutkei. Kisyep kuniet ak koming'ingei.

2 LAITORINIK 22:19

amu kang'arng'arit muguleldang'ung', ak iming'ingei eng' taitap Kamuktaindet ne Toroor, ye kangi kas kiit ne ki amwa agobo olito ak piik che menyei olito, ale egu karaatya ak chubeet, ak amu kegereer ngoroiguk ak iriir eng' tainnyu, kaagasin agane, mwaei Kamuktaindet ne Toroor.

EZRAH 10:3

Ongiyomiske anyun ak Kamuktaindennyo keiste osotik tugul ak lagok che kisichei osotichooto ko uu ng'olyoondeng'ung' inyee kiptaiyandennyu ak ne po icheeget che kabotanso amu ng'atuutyetap Kamuktaindennyo ak ingoyaak ko uu ng'atuutyet.

EZRAH 10:9

Ki iyumjigei anyun Jerusalem `piik tugul che po Judah ak Benjamin kotomo kogeskei peetuusyek somogu. Ki arawetap sogool eng' peetuutap tiptem ne po arawanooto, ak ki tebee piik tugul komosta ne paraa eng' taitap kootap Kamuktaindet kobotandos agobo ng'olyoondonooto ak ropta ne oo.

Kitabuutap JOB 29:14

Ki alaach imanda ak kitucha. Ki uu imandanyu ngoryeet ne po teegisto ak chepkuletap toroornatet.

TIENWOGIKAL 11:7

Po imanda Kamuktaindet ne Toroor ak chamei imanda; keerei `che po iman togeennyi.

TIENWOGIKAL 119:120

Potani poortanyu amu aiywein; ak aiywei kirwoogutiguk.

TIENWOGIKAL 45:7

Ichame imanda ak iweche tengekto. Eng' nooto anyun, ki koiilin Kamuktaindet, Kamuktaindeng'ung' eng' mwaita ne po poiboiyet kosiir siritoiguk.

TIENWOGIKAL 72:2

Irwookyin piiguk eng' imanda, Ak kobesyechi kibananoguk.

TIENWOGIKAL 99:1

Laitorani Kamuktaindet ne Toroor; ingobotanso piik: Tebee ineendet paragutap kerubik; ingobotan ng'wony.

KALEWANAIK 16:12

Kiit ne kiwechei, ko laitorinik koyai tengekto. Amu ki kimiti laitornatet eng' imanda.

AMDOINDET 11:9

Paibaitu murenoni, eng' peetuusyegap ming'inateng'ung', ak ingobaibain muguleldang'ung' eng' peetuusyegap ming'inateng'ung' ak isup ortinwegap muguleldang'ung' ko uu ye igeere. Ago nai ile, imutyinin `Kamuktaindet kirwooget amu tuguuchuuto tugul.

AMDOINDET 12:14

Amu ipchin Kamuktaindet poisyet age tugul kapkirwooget, kobooto kiit age tugul ne ung'aat, ngo kiy ne myee anan ngo ne ya.

AMDOINDET 5:8

Ngot igeer kesastae kibananiat ak keistoi kirwooget ak imanda eng' koroomnateet eng' emet, ko mekwong'ee nooto. Amu keerei nooto ineendet ne toroor kosiir icheeget che torooreen, ak mi che torooreen kosiir icheek.

ISAIAH 1:18

“Obwa anyun, keng'alaal,” mwaei Kamuktaindet ne Toroor. “Agot ngo piriireen tengekwogikwok, koleelagitu ko uu pooldet ne leel; agot ngo piriireen miising', koigeitu koroorigap keechiirek.

ISAIAH 1:21

Kaegundo ano chepkugoniot nganaseet ne ko po iman, ne kotinyei kirwooget ne po iman! Komenyei imanda nganasanooto, ago nguno komi rumiik.

ISAIAH 16:5

Ki kimiiti ng'echereetap laitornatet eng' rireenet, eng' emaitap Daudi ak tebee chiito ng'echeranooto eng' iman; korwooch ak kocheeng'ei kirwooget, ak ko chepchep koyai imanda.

ISAIAH 32:11

Obotanse okweek kwonyiik che omuunyi; onyalilye, okweek che moriibegei; oreegu ngoroik, ak otebi aach ngor, ak ogermenegei kuniok.

ISAIAH 41:21

Kale Kamuktaindet ne Toroor, Omwa ng'aleekwok; kale Laitoryatap Jakobo, Oibu ng'aleekwok che kiimeen.

ISAIAH 55:6

Ocheeng' Kamuktaindet ne Toroor kota kimuuchi kenyoor, oguur kota ko neegit:

ISAIAH 61:8

Amu achame anee Kamuktaindet ne Toroor kirwooget, aweche rebisyet kobooto tengekto; ak ayaakyini icheek eng' imanit, ak kiyomisyige ak icheek kayomiset ne po koigeny.

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

JEREMIA 22:3

Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

JEREMIA 23:29

Tos ma uu ng'olyoondennyu maat? Mwaei Kamuktaindet ne Toroor; ak ma uu kiriswet ne tonei rwandet?

JEREMIA 36:16

Kingo kagogas ng'aleechooto tugul anyun, kogeerotkei eng' kaiyweisyet, ak koleenji Baruk, Kimwachini iman laitoryat ng'aleechuuto tugul.

EZEKIEL 45:9

Mwaei Kiptaiyat Kamuktaindet ne Toroor kole: Ingoyamak nooto, ee pounigap Israel: oiste koroomnateet ak ng'emisyet, ak oyai kirwooget ak imanda; oiste yaakset ne oyaache piikyuk eng' kimnateet, mwaei Kiptaiyat Kamuktaindet ne Toroor.

HOSEA 10:12

Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

HOSEA 10:4

Mwaei icheek ng'aleek che po puch, iyastos eng' lembechek koyaei arorutik: piitei anyun kirwooget ko uu keetit ne ng'waan eng' mbareet ne ibatat.

HOSEA 7:5

Ki eeiso pounik kot kobogityo miising' eng' maiyek eng' peetuutap laitoryannyo; ki chuul eunnyi kobooto chotiik.

AMOS 5:24

Ago ingoroot kirwooget ko uu peek, ak ingoroot imanda ko uu aineet ne nyiitaat peek.

AMOS 6:12

Tos rwaei paraisisyek eng' rwandet? Tos ibate `chii eik olooto? Ko owal kirwooget koek kiit ne ng'waan, ak owal logoek che po imanda koek ng'wonet.

HABAKUK 3:16

Ki agas, ak kitilgei moennyu, ki potan kutinnyu eng' cheonooto. Ki nunio kawekyuk ak ki abotan eng' ole ki ami: Ki agen eng' siisinetapkei agobo peetuutap nyalilda, ne nyoonei koityin piik che ki ibookyo.

HAGGAI 1:2

“Mwaei Kamuktaindet ne Toroor ne po lugoosyek kole: Mwaei pichu kole tomo koit peetuusyek che nyoljinech kebwa, peetuusyek che kiteege kogeny kootap Kamuktaindet ne Toroor.”

MATAYO 22:5

Ago ma iit ng'aleekyik ak ki pa ortinwekwak, kwo age mbareennyi, kwo age poisyennyi ne po mung'aaret,

JOHANA 16:8

Ak ye kagonyo ineendet, kogikyi ng'wony agobo tengekto, ak imanda, ak kirwooget:

POISYONIGAP CHE KIYOKTOI 10:42

King'atech keamji piik ak kebaoryan keele niito ko ineendet ne ki inde Kamuktaindet koek Kirwoogindet ne po che saptos ak che ki kobek.

POISYONIGAP CHE KIYOKTOI 17:13

Ago kingo nai Yahudik che po Thessalonike kole amdoi Paulo ng'olyootap Kamuktaindet eng' Berea agine, koba olooto agine, ak kowas ak konyalil tuiyosyek.

POISYONIGAP CHE KIYOKTOI 17:2

Ak ki wo Paulo ole mi icheek, ko uu ye ki cham koyaei, ak kong'alaal kobooto pichooto eng' sabatoisyek somok agobo siruutik,

POISYONIGAP CHE KIYOKTOI 17:32

Ye kingo kas anyun agobo ng'eetyeetap che ki pek, kochombil alage; ago ki le alak, “Ta kegasun niito peetuut age.”

POISYONIGAP CHE KIYOKTOI 2:37

Kingo kas anyun niito, kotoor mugulelwekwak, ak koleenji `icheek Petero ak che kiyooktoi chuun alak, “Che kitupche, ki yai nee?”

POISYONIGAP CHE KIYOKTOI 24:15

atinye kamang'unet eng' Kamuktaindet, ne cheeng'ei pichu ak icheek, ale, tatun komi ng'eetyeetap che po imanda ak che ma po imanda.

POISYONIGAP CHE KIYOKTOI 24:26

Ki imang'u kole togot kogoochi Paulo silingisyek: kiguur anyun ineendet konyil che chaang', ak kong'alaal kobooto ineendet.

POISYONIGAP CHE KIYOKTOI 26:28

Ak ki leenji Agripa Paulo, Ka neegit igaigaa eng' ng'aleek che ng'ering' aek Kristyanindet.

POISYONIGAP CHE KIYOKTOI 9:6

Ago ng'eet, ui nganaseet, si kemwaun kiit ne kanyool iyai.”

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

ROMANIK 14:12

Nooto anyun, tuun tetyin chii age tugul Kamuktaindet atebeennyi.

ROMANIK 2:16

eng' peetuut ne tuun irwookyin Kamuktaindet ung'ootigap piik, ko uu logoiywekyuk che myach, eng' Jeso Kristo.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

2 KORINTOEK 6:2

(amu mwaei keele, Ki agasin eng' peetuut ne po chamjinet, Ak ki atoretiin eng' peetuut ne po saruunet: Ogeero, nguno ko peetuut ne po chamjinet; ogeero, nguno ko peetuut ne po yetunet):

GALATYEK 3:22

Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.

GALATYEK 5:23

kaming'inetapkei, riibetapkei: ma mi ng'atuutyet ne eesyoi chuuto.

2 TIMOTEO 4:1

Kang'atiin anyun eng' taitap Kamuktaindet, ak Kristo Jeso, ne tuun irwookyin che saptos ak che ki kobek, ak eng' tagunennyi ak eng' laitornatennyi;

TITO 1:8

ago ne taachei toek, ne chamei che myachen, ne pou kabwaatutikyik, ne po imanda, ne tiliil, ne riibegei;

HEBRANIK 12:21

ak nooto ki took, ko ki uu kiy ne imuisei, kot kole Musa, Aiywei miising' ak abotani:

HEBRANIK 3:13

ago oteechigei peetuut age tugul, eng' ye ta kemwaei keele rani; si ma kiuit chii age tugul eng' okweek amu kenisyetap tengekto:

HEBRANIK 4:1

Ongiywei anyun yo ta komi arorutyet ne keite kamuung'ennyi, si ma leen chii age tugul eng' okweek, mata anyooru.

HEBRANIK 6:2

ne po kaneetisyetap kabatisanosyek, ak ne po kagonooretap eunek, ak ne po ng'eetyeetap che ki kobek, ak ne po kirwoogetap koigeny.

HEBRANIK 9:27

Ak ko uu ye ki king'at agobo piik kobek konyil agenge, ak ye ibata niito koek kirwooget;

JAKOBO 2:19

Iyani ile agenge Kamuktaindet; iyae ne myee: iyani ak icheek oik, ak kobotandos.

1 PETERO 3:15

ago ogonyit Kristo koek Kiptaiyat ne tiliil eng' mugulelwekwok: ak oegu che chobootiin kotugul owolji chii tugul ne teebenok ng'olyoo agobo kamang'unet ne miitei eng' okweek, ago eng' talasyet ak kaiyweisyet:

2 PETERO 1:6

ak otesyi `riibetapkei naet; ak otesyi `muitaet riibetapkei; ak otesyi `kayweetap Kamuktaindet muitaet;

1 JOHANA 3:10

Ng'ang'aksei lagogap Kamuktaindet eng' niito, ak lagogap chesawil: chii age tugul ne ma yaei imanda koma po Kamuktaindet, anan ineendet ne ma chamei ne tupcho.

1 JOHANA 3:7

Lagochu mengech, among' kobeetook chii: ineendet ne yaei imanda ko po imanda ko uu ye po imanda ineendet:

1 SAMUEL 12:7

Otononie anyun nguno si kobiit ateiywok eng' taitap Kamuktaindet ne Toroor agobo poisyonik tugul che po imanda che po Kamuktaindet ne Toroor che kiyaiywok ak kwanisyekwok.