POISYONIGAP CHE KIYOKTOI 2:46 - BUKUIT NE TILIIL Sireet ne Dutero Kanon

⁴⁶ Ki mi Hekaluut peetuut age tugul kotebyei eng' kabwaatet agenge, ak eng' putuletap magatyat eng' kaa ak ki amisyei eng' kaagaasetapkei, ak eng' muguleldo agenge,

Bukuit Ne Tilil

⁴⁶ Ki mi Hekaluut peetuut age tugul kotebyei eng' kabwaatet agenge, ak eng' putuletap magatyat eng' kaa ak ki amisyei eng' kaagaasetapkei, ak eng' muguleldo agenge,

BUKUIT NE TILIL

⁴⁶ Ak kimi hekalut betut age tugul kotebyei eng’ kabwatet agenge, ak eng’ butuletab makatiat eng’ ga, ak kiamisiei eng’ kagasetab ge, ak eng’ muguleldo agenge,

POISYONIGAP CHE KIYOKTOI 2:46 ပူးပေါင်းရင်းမြစ်များ

NEEMIA 8:10

Koleenji icheek `Nehemiah, “Oba, oam che akwaen ak oee che anyiny ak oyookyi kebeberwek ineendet ne ma kichopchi kiy, amu tiliil peetuuni eng' Kiptaiyandennyo. Amoaragense, amu kimnateeng'wong' poiboiyetap Kamuktaindet ne Toroor.”

TIENWOGIKAL 86:11

Ineeta oreng'ung', ee Kamuktaindet ne Toroor; si awendotee imandang'ung': Ituiye muguleldanyu si koywei kaineng'ung'.

AMDOINDET 9:7

Ui oldang'ung', am amitwogiguk eng' poiboiyet, ak iee divaiguk eng' muguleldo ne paibai, amu kagocham Kamuktaindet poisyoniguk.

MATAYO 6:22

Taitap poorto konda; nooto anyun, ngo myee kondang'ung', ko nyiitaat poortang'ung' komugul lapkeiyet.

LUKA 11:41

Ogoite kagoochinoik che po tuguuk che mi oriit; ak ogeero, tiliiliitu tuguuk tugul eng' okweek.

LUKA 24:30

Ak ye kingo kagotebi ng'wony tugul koamisyei, konam magatyat, koberuur, kobuutul, ak kogoochi icheek.

LUKA 24:53

ak ki mi kotugul Hekaluut, kolasu Kamuktaindet.

POISYONIGAP CHE KIYOKTOI 16:34

Ara ki imut koba koonnyi ak kogoochi amitwogik, ak kiboiboitu miising' ineendet kobooto koonnyi tugul amu kagoyan Kamuktaindet.

POISYONIGAP CHE KIYOKTOI 2:42

Ki igiiljingei icheek tugul kaneetisyetap che kiyooktoi ak yamdaet, eng' putuletap magatyat ak saautik.

POISYONIGAP CHE KIYOKTOI 20:7

Ak eng' peetuutap tai ne po wigiit ye kiga kiyumge si kebuutul magatyat, koamji Paulo icheek, ye kimachei kwo eng' peetuut ne po aeng'; kong'alaal koek keny agoi kemoi kween.

POISYONIGAP CHE KIYOKTOI 3:1

Ki togosta Petero ak Johana hekaluut eng' sait ne po saaet, sait sogol.

POISYONIGAP CHE KIYOKTOI 5:21

Kingo kas ko uu nooto, koba Hekaluut ko kaech ak koneetis. Ye kingo nyo tisiindet ne oo ak che ki mi kobooto ineendet, koguur kirwooget ak poisyek tugul che po piigap Israel, ak koyookto kimut icheek kobwa eng' ole ki kiratyi.

POISYONIGAP CHE KIYOKTOI 5:42

Ak ki ma siisyo eng' peetuut age tugul koneetis ak koamdoi eng' Hekaluut ak eng' kooriik, kole Jeso ko Kristo.

ROMANIK 12:8

anan ineendet ne iteitoi, kochuljige kateitaennyi: ineendet ne igoitoi, kogoito eng' aiyebindo; ineendet ne pou, koboi kochuljigei; ineendet ne rireegei, koriiregei eng' poiboiyet.

1 KORINTOEK 10:16

Kigombetap kaberuret ne kiberuuri, ko tos ma yamdaet ne po korotiigap Kristo? Magatyat ne kibuutuli, ko tos ma yamdaet ne po poortap Kristo?

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

2 KORINTOEK 11:3

Ago aiywei ale, si ma ng'emogis eng' oor age tugul kabwaatutikwok eng' lititindo ak tiliilindo ne tokyingei Kristo ko uu ye ki iberber ereneet Hawa eng' ng'aalseennyi.

EPESOEK 6:5

Otwogichu, ogas iit icheek che kiptainikwok eng' poorto, eng' kaiyweisyet ak potanet, eng' muguleldo tugul, ko uu ye ogase iit Kristo;

NG'ATUTIK 12:12

Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok.

NG'ATUTIK 12:7

Oamisye eng' olooto eng' taitap Kamuktaindet ne Toroor Kamuktaindeng'wong', okweek ak piikwok kibagenge, oboiboitune tugul che kiberuurwok Kamuktaindet ne Toroor Kamuktaindeng'wong'.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

KOLOSAIK 3:22

Otwogichu, ogas iit eng' tuguuk tugul icheek che kiptainikwok eng' poorwek; ama eng' otwoknateet ne kigeerei, ko uu che iboiboi piik, ago eng' muguleldo tugul, oiywei Kiptaiyat: