POISYONIGAP CHE KIYOKTOI 2:4 - BUKUIT NE TILIIL Sireet ne Dutero Kanon

⁴ Ki nyi icheek tugul Kabuuset ne Tiliil ak ki toi kong'alaale kutusweek alak, ko uu ye ki igoochi Kabuuset ne Tiliil icheek kamuget kong'alaal.

Bukuit Ne Tilil

⁴ Ki nyi icheek tugul Kabuuset ne Tiliil ak ki toi kong'alaale kutusweek alak, ko uu ye ki igoochi Kabuuset ne Tiliil icheek kamuget kong'alaal.

BUKUIT NE TILIL

⁴ Ak kinyi ichek tugul Tamirmiriet ne Tilil, ak kitoi kong’alale kutuswek alak, ko u ye kiigochi Tamirmiriet kong’alal.

POISYONIGAP CHE KIYOKTOI 2:4 ပူးပေါင်းရင်းမြစ်များ

2 SAMUEL 23:2

Ki ng'alaalena Kabuusetap Kamuktaindet ne Toroor, ak ki mi ng'olyoondennyi ng'elyeptanyu.

ISAIAH 28:11

Ago ng'alaaljin iman pichu eng' kutusweegap toek ak eng' kutit age;

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

JEREMIA 6:11

Kanyiia anyun nereegek che ng'woneen che po Kamuktaindet ne Toroor; kaang'et araanye. Ak ki leenjo Kamuktaindet ne Toroor, roong'ji nereegechooto lagok che mi ooreet, kobooto tuiyetap murenik; Amu kimuti manong'otyot ak osotyot ne ki koosit kobooto ne neegit koolil.

EZEKIEL 3:11

Yeityo iwe ole mi che ki kiluul, agoi kaplagogap piiguk, ak ing'alaalji icheek, ileenji, “Mwaei ko uu ni Kiptaiyat Kamuktaindet ne Toroor”; agot ngo kas anan ko ngo ma kas.

MIKAH 3:8

Ago kanyiia iman kimnateet eng' Kabuusetap Kamuktaindet ne Toroor, ak eng' kirwooget, ak eng' kamuget, si kobiit amwachi Jakobo pistoennyi, ak amwachi Israel tengektanyi.

MATAYO 10:19

Ago ye igoitook, ko mogereer met agobo ole ong'alaaldoi anan kiit ne omwae; amu ki koonok eng' sainooto ne omwae.

MARIKO 16:17

Ak isubi kaboorunoichu icheek che iyani: oonei oik eng' kainennyu; ak kong'alaali ng'alaalet ne leel;

LUKA 1:15

Amu tuun egu ne oo eng' taitap Kiptaiyat, ama eei divai anan maiyo che ng'woneen; ago kinyiiti Kabuuset ne Tiliil, kobooch komi moetap kamet.

LUKA 1:41

Ak ye kingo kas Elizabeth kagateetap Maria, kotoromben lakweet eng' moennyi; ki nyi anyun `Kabuuset ne Tiliil Elizabeth;

LUKA 1:67

Ki nyi anyun Kabuuset ne Tiliil kwandanyi Zekariah, ak ki maoten, kole:

LUKA 12:12

amu ineetook Kabuuset ne Tiliil eng' sainooto kiit ne nyolu omwa.

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

LUKA 4:1

Ak ki week Jeso kobunu Jordan ko nyiitaat Kabuuset ne Tiliil, ak ki imut Kabuuset ne Tiliil kwo surkwen

JOHANA 14:26

Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

JOHANA 20:22

Ak ye kingo kagomwa niito, kobusyi, ak koleenji, “Otaach Kabuuset ne Tiliil:

POISYONIGAP CHE KIYOKTOI 1:5

Ki ibatisanis Johana iman eng' peek; ago kotom kogeskei peetuusyek che chaang' kibatisanook eng' Kabuuset ne Tiliil.”

POISYONIGAP CHE KIYOKTOI 1:8

Ago otaache kamuktaet ye tuun kanyonjok Kabuuset ne Tiliil; ak oegu paorinikyuk eng' Jerusalem, eng' Judea komugul ak Samaria, ak agoi tabandap ng'wony.”

POISYONIGAP CHE KIYOKTOI 10:46

amu kigasei icheek kong'alaali eng' kutusweek che teerchiin ak kotoroori Kamuktaindet. Koteep anyun Petero kole,

POISYONIGAP CHE KIYOKTOI 10:47

“Imuuchi chii koete peek, si ma kibatisan pichu, che kagotaach Kabuuset ne Tiliil ko uu acheek?”

POISYONIGAP CHE KIYOKTOI 11:15

Ak ye kinga tau ang'alaal, kochoorchigei `Kabuuset ne Tiliil icheek ko uu ye kichorchechkei agacheek eng' taunet.

POISYONIGAP CHE KIYOKTOI 11:24

Barnaba ko ki chii ne myee ak ki nyiitaat Kabuuset ne Tiliil ak kayaneet. Ki tesak anyun piik ko chang'a che ki pwanji Kiptaiyat.

POISYONIGAP CHE KIYOKTOI 13:52

Ak ki nyi kasubik poiboiyet ak Kabuuset ne Tiliil.

POISYONIGAP CHE KIYOKTOI 13:9

Ago ki nyi `Kabuuset ne Tiliil Saulo, ne kiguure Paulo, ak ki ichiilji kong' ineendet

POISYONIGAP CHE KIYOKTOI 15:8

Ak kibaoryanji icheek `Kamuktaindet ne ingen mugulelwegap piik, kogoochi icheek `Kabuuset ne Tiliil, ko uu ye ki koonech;

POISYONIGAP CHE KIYOKTOI 19:6

Ak ye kingo kagogonoor `Paulo eunekyik icheeget, konyonji anyun `Kabuuset ne Tiliil icheek, ak ki ng'alaal eng' kutusweek che teerchiin, ak koamda.

POISYONIGAP CHE KIYOKTOI 2:11

Kretik ak Arabuuk, kigase icheek kong'alaali eng' kutusweekyok poisyonik che eecheen che po Kamuktaindet.”

POISYONIGAP CHE KIYOKTOI 2:3

Ak ki mong'ji ng'elyebwek che pcheotin, che uu che po maat; ak ki tebee age tugul eng' icheek.

POISYONIGAP CHE KIYOKTOI 4:31

Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.

POISYONIGAP CHE KIYOKTOI 4:8

Kingo nyi anyun Petero Kabuuset ne Tiliil, koleenji icheek, “Okweek pounigap piik ak poisyek,

POISYONIGAP CHE KIYOKTOI 6:3

Ko uu nooto anyun, che kitupche, ocheeng' piik tisap eng' okweek che taagunotiin keele myachen, che nyiitootiin Kabuuset ne Tiliil ak utaatyet, che kimuuchi kinde poisyoni.

POISYONIGAP CHE KIYOKTOI 6:5

Ki cham anyun tuiyet komugul ng'olyoondonooto; ak ki lewen Stepano, chiito ne nyiitaat kayaneet ak Kabuuset ne Tiliil, ak Philipu, ak Prokoro, ak Nikanor, ak Timon, ak Parmena, ak Nikola ne po Antiok ne kiwalak koek Yahudyot.

POISYONIGAP CHE KIYOKTOI 6:8

Ak kinyiitat Stepano myeeindo ak kamuget, koyai anyun kwang'utik che eecheen ak kaboorunoik eng' kwenutap piik.

POISYONIGAP CHE KIYOKTOI 7:55

Ago ki inyal kipsengwet kochiilji kong' ko nyiitaat ineendet Kabuuset ne Tiliil, ak ki keer liilindap Kamuktaindet ak Jeso kotononi eng' eutap tai ne po Kamuktaindet.

POISYONIGAP CHE KIYOKTOI 8:17

Yeityo kogonoor icheek eunekwak, ak kitaach Kabuuset ne Tiliil.

POISYONIGAP CHE KIYOKTOI 9:17

Ki wo anyun Anania, ak ki wo agoi ko, yeityo kogonoor eunekyik Saulo ak koleenji, “Tupchennyu Saulo, kagiyokwo Kiptaiyat, ineendet Jeso, ne kichunjin eng' ooreet ne ki ibunu, kole igeerte, ak kinyiitun Kabuuset ne Tiliil.”

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

1 KORINTOEK 12:10

ak kigoochin age poisyonigap kamuget; ak age maonateet; ak age kabesyetap konunoigap Kabuuset: ak age kutusweek che teerchiin; ak age weeksetap kutusweek:

1 KORINTOEK 13:1

Agot ndang'alaale kutusweegap piik ak che po malaikaisyek, ama tinye chamyet, ko kaegu sugunwet ne cheei, anan sanitap sugunwet ne polei.

1 KORINTOEK 13:8

Mararu chamyet agoi: ago ngo miitei maonatosyek, kotun igeesugei; ngo mi kutusweek che teerchiin, kotun siistos; ngo mi naet, kotun igeesugei.

1 KORINTOEK 14:18

Amwachini Kamuktaindet kongoi, ale ang'alaalee kutusweek kosiirok okweek tugul:

1 KORINTOEK 14:5

Amakwok anyun okweek tugul ong'alaal eng' kutusweek, ago ne siirei ko oamde: ak oo ineendet ne amdoi kosiir ineendet ne ng'alaali eng' kutusweek, kobatee koweech, si kobiit koteegak kaniset.

EPESOEK 3:19

ak onai chamyetap Kristo ne siirei naet, si kobiit kinyiitak nyiyet tugul ne po Kamuktaindet.

EPESOEK 5:18

Amat obogitye eng' maiyek, che ibu mageet ne ya, ago ingonyiiak Kabuuset ne Tiliil;

EPESOEK 6:18

Osaa peetuusyek tugul eng' Kabuuset ne Tiliil kobooto saaet tugul ak kagaigaet, ak oriipsei eng' nooto eng' kagiiletapkei tugul ak kagaigaet, agobo tugul che tiliileen.

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

2 PETERO 1:21

Amu ma mi maonateet ne ki kobiit eng' mageetap chii: ago ki ng'alaaldos piik eng' Kamuktaindet, kondochin Kabuuset ne Tiliil.

1 SAMUEL 1:14

Koleenji Eli, “Ibogiti kot kotyanit? Iste divaiguk.”

1 SAMUEL 10:10

Kingo it tulweet, kotuiye ineendet maotik che kigaiyumgei, ak ki nyoonji ineendet Kabuusetap Kamuktaindet eng' kimnateet, ak ki maoten eng' kwenunnywa.