POISYONIGAP CHE KIYOKTOI 2:22 - BUKUIT NE TILIIL Sireet ne Dutero Kanon

²² “Okweek piigap Israel, ogas ng'aleechu: Jeso ne po Nazareth, chiito ne ki ibarta Kamuktaindet eng' okweek eng' poisyonigap kimnateet ak kwang'utik ak kaboorunoik, che ki yai Kamuktaindet eng' ineendet eng' kwenung'wong', ko uu ye ongen okweek.

Bukuit Ne Tilil

²² “Okweek piigap Israel, ogas ng'aleechu: Jeso ne po Nazareth, chiito ne ki ibarta Kamuktaindet eng' okweek eng' poisyonigap kimnateet ak kwang'utik ak kaboorunoik, che ki yai Kamuktaindet eng' ineendet eng' kwenung'wong', ko uu ye ongen okweek.

BUKUIT NE TILIL

²² Okwek bikab Israel, ogas ng’alechu: Jesu ne bo Nasaret, chito ne kiibarta Jehovah eng’ okwek eng’ boisionikab kimnatet ak kwong’utik ak kaborunoik, che kiyai Jehovah eng’ inendet eng’ kwenung’wong’, ko u ye ongen okwek;

POISYONIGAP CHE KIYOKTOI 2:22 ပူးပေါင်းရင်းမြစ်များ

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

MATAYO 12:28

Ago ngaon oik eng' Kabuusetap Kamuktaindet, ko kagoitwak anyun laitornatetap Kamuktaindet.

MATAYO 2:23

Ki tebee nganaseet ne kiguure Nazareth si kobiit kosulda ne ki kamwa maotik kole, “Kiguure ineendet Nazaretindet.”

MATAYO 9:8

Ago ye kingo keer tuiyosyek, koywei ak kolas Kamuktaindet ne igoochin chii kimnateet ne uu nooto.

LUKA 11:20

Ago ngot aoone oik eng' mornetap Kamuktaindet, ko kanyonjok anyun laitornatetap Kamuktaindet.

LUKA 18:37

Ak ki mwachi icheek ineendet koleenji, “Jeso ne po Nazareth ne siirtoi.”

LUKA 24:18

Ak ki wolji age eng' icheek, ne keguure Kleopa, koleenji, “Tos ii too inyee eng' Jerusalem si menai tuguuk che koyaagiis eng' olooto eng' peetuusyechu?”

JOHANA 1:45

Ki nyoor `Philipu Nathanael ak koleenji, “Kagenyooru ineendet ne ki sir Musa eng' Ng'atuutyet ak kosir maotik, nooto Jeso ne po Nazareth weeriitap Joseph.”

JOHANA 10:37

Ngot koma yai poisyosyegap Kwandanyu, ko matoyana.

JOHANA 11:47

Ki kuur anyun `tisiik che eecheen ak Pharisaik tuiyetap kirwoogik, ak kole, Ki yai nee? Amu yaei chiichi kaboorunoik che chaang'.

JOHANA 12:17

Kibaoryan anyun tuiyet ne ki mi kobooto ineendet ye kiguurei Lazaro komong' eng' kererit, ak ki ing'eet ineendet eng' che ki pek.

JOHANA 15:24

Nda ki ma ayai eng' kwenunnywa poisyonik che ki ma yai chiito age, ta ki ma kotinyei tengek: ago nguno ko kagogeerech ak kagowechech anee ak Abba.

JOHANA 19:19

Ak kisir anyun Pilato sireet, ak konde kimurtoiyot. Ki kisir keele, “JESO NE PO NASARET, LAITORYAT NE PO YAHUDIK.”

JOHANA 3:2

ki nyo chiichooto ole mi ineendet kemoi, ak koleenji, “Rabbi, kingen keele ii kaneetindet ne punu Kamuktaindet: amu ma mi chii ne imuuchi koyai kaboorunoichu iyae inyee, ngo ma mi Kamuktaindet kobooto ineendet.”

JOHANA 4:48

Koleenji anyun `Jeso ineendet, Ngot ko mogeer kaboorunoik ak kwang'utik, koma koi oyan matiny.

JOHANA 5:36

Ago paornateet ne atinye ko oo kosiir ne po Johana: amu poisyonik che ki koono Kwanda agees, chooto che ayae, ko che paoryanjino, kole ki iyookwo Kwanda.

JOHANA 6:14

Ye kingo keer anyun pichooto kaboorunet ne kayai, kole, “Ni maotyot iman ne nyoonjin ng'wony.”

JOHANA 6:27

Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

JOHANA 7:31

Ak ki iyan ineendet che chaang' che po tuiyet; ak ki le, Ye nyo Kristo, ko tos yai kaboorunoik che siirei cho koyaei chiichi?”

JOHANA 9:33

Nda ma punu Kamuktaindet chiichi koma koi imuuch koyai kiy.”

POISYONIGAP CHE KIYOKTOI 13:16

Kotonon anyun Paulo ak koboorchine euut, kole, “Ogaso okweek piigap Israel, ak okweek che oiywei Kamuktaindet.

POISYONIGAP CHE KIYOKTOI 14:27

Kingo kagobwa, koyum kaniset komugul ak komwachi tuguuk tugul che kiga koyai Kamuktaindet eng' icheek, ak ole kiga koyatyindo Pororyosyek kurgeet ne po kayaneet.

POISYONIGAP CHE KIYOKTOI 2:19

Ak abarte kwang'utik eng' kipsengwet parak, ak kaboorunoik eng' oli po ng'wony, korotiik, maat ak koiyenetap iyeto.

POISYONIGAP CHE KIYOKTOI 2:43

Ki nyoor chii tugul kaiyweisyet, ak kiyaak kwang'utik che chaang' ak kaboorunoik eng' che kiyooktoi.

POISYONIGAP CHE KIYOKTOI 21:28

koboldos koleen, “Okweek piigap Israel, otoretech! Chiichito ne ineeti piik tugul eng' komosta age tugul kowech piik, ak Ng'atuutyet, ak yuto: ak kobooto nooto koimut Yunanik ak icheek kobwa Hekaluut, ak kagong'wanit yuto tiliil.”

POISYONIGAP CHE KIYOKTOI 22:8

Ak ki awolu ale, ‘Ii ng'oo inyee, Kiptaiyat?’ Ak ki leenjo, ‘Aa Jeso ne po Nazareth, ne iuse.’

POISYONIGAP CHE KIYOKTOI 24:5

amu ki kegeer chiichi keele ineendet ko chii ne itoitos piich, ne ing'eeti chemerereet eng' Yahudik tugul eng' ng'wony komugul, ak kandoindet ne po kasubiigap Nazaretik.

POISYONIGAP CHE KIYOKTOI 26:26

Amu ingen laitoryat ng'aleechuuto, ineendet ne ang'alaaljini eng' nyiganateet: amu angen komyee, ale ma ung'ootiin ng'aleechu eng' ineendet, agot agenge; amu mayaak ng'olyoondoniito eng' taban.

POISYONIGAP CHE KIYOKTOI 26:9

Ki abwaati aneendet iman ale kanyool ayai tuguuk che chaang' che kirindoi kainetap Jeso ne po Nazareth.

POISYONIGAP CHE KIYOKTOI 3:12

Ak ye kingo keer Petero, kowolji piik koleenji, “Okweek piigap Israel, kalya si okwong'ye agobo ni? Anan kalya si ochiiljech kong' ko uu ne oleen acheek che kagigoochi ineendet kowendot eng' kamugennyo anan eng' imandanyo?

POISYONIGAP CHE KIYOKTOI 3:6

Ago ki le Petero, “Ma tinye fedha ak thahabu; ago agoonin ne atinye. Ng'eet eng' kainetap Jeso Kristo ne po Nazareth, ak iwendote.”

POISYONIGAP CHE KIYOKTOI 4:10

ingonaak anyun eng' okweek tugul, ak eng' piik tugul che po Israel ole chiichi tononi eng' taing'wong', ko kagosap eng' kainetap Jeso Kristo ne po Nazareth, ne ki ogartaat okweek, ne ki ing'eet Kamuktaindet eng' che ki pek.

POISYONIGAP CHE KIYOKTOI 5:35

Ak ki leenji icheek, “Okweek piigap Israel, oriipkei eng' pichu, eng' kiit ne omache oyai.

POISYONIGAP CHE KIYOKTOI 6:14

amu kigegas ineendet komwaei koleen, tatun kong'emei yuto Jeso niito po Nazareth, ak kowal pitonwek che ki koonech Musa.”

2 KORINTOEK 12:12

Iman ki kiyae kwenung'wong' kaboorunoik che po kayooktoindet eng' muitaet tugul, eng' kaboorunoik ak kwang'utik ak poisyonik che po kamuktaet.

HEBRANIK 2:4

ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.