POISYONIGAP CHE KIYOKTOI 2:10 - BUKUIT NE TILIIL Sireet ne Dutero Kanon

¹⁰ Phrygia ak Pamphylia, Misiri ak komoswek che po Libya che neegitee Kurene, ak toek che punu Rome, Yahudik kobooto che ki punji Yahudik eng' kayanennywa,

Bukuit Ne Tilil

¹⁰ Phrygia ak Pamphylia, Misiri ak komoswek che po Libya che neegitee Kurene, ak toek che punu Rome, Yahudik kobooto che ki punji Yahudik eng' kayanennywa,

BUKUIT NE TILIL

¹⁰ ak Prugia ak Pampulia, ak Misri ak komoswek che bo Libya che negite Kurene, ak toek che bunu Rom, Yahudik koboto che kibunji Yahudik eng’ kayanenywa,

POISYONIGAP CHE KIYOKTOI 2:10 ပူးပေါင်းရင်းမြစ်များ

TAUNET 12:10

Ki piit rubeet eng' emonooto, ak kichoortagei anyun Abram kotokyigei Misiri, kwo korutoochi olooto amu kieet ak kong'wanit rubeet eng' emet.

JEREMIA 46:9

Otogoste, okweek, paraisisyek; ak ochakte okweek, kariigap lugeet; ak ingoba piik che nyigoonen: Kush ak Put, che tinyei long'onik; ak Ludik, che tinyei kwangok ak kong'iei.

JEREMIA 9:26

Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”

EZEKIEL 30:5

Kibare icheek rotwetap chok kobooto Kush, Put, Lud, ak piik tugul che kiburuchkei, kobooto Kush, kobooto piigap emet ne ki namgei ak icheeget.

HOSEA 11:1

Ki achame Israel kota ko ming'in, ak ki aguur weeriinnyu komong' eng' Misiri.

SEKARIA 8:20

Mwaei Kamuktaindet ne Toroor ne po lugoosyek kole: “Tuun pwoonei pororyosyek ak piik che menyei nganasook che chaang';

SEKARIA 8:23

Mwaei Kamuktaindet ne Toroor ne po lugoosyek kole: Tuun namei piik tamanu eng' peetuusyechooto, che punu kutusweek tugul che po pororyosyek, ngoryeetap Yahudyot ak koleenji, ‘Kibendi tugul kobooten, amu kigegas keele mi Kamuktaindet kobootok.’ ”

MATAYO 2:15

Ki tebee olooto agoi kome Herod si kosulda ne ki mwa Kiptaiyat eng' maotyot kole, “Ki aguur weeriinnyu komong' eng' Misiri.”

MATAYO 23:15

“Pwo eng' okweek, siriik ak Pharisaik, chombilik! Amu olandoe araraita ak obun emet ocheeng'e owal chii kobunjook, ak ye kagobunjok, oyai ineendet koek lakweetap Gehenna konyil aeng' kosiirok.

MATAYO 27:32

Ye ki mi kobendi, konyoor chiitap Kurene ne kiguure Simion ak kobirchi ineendet kola kimurtoiyondennyi.

MARIKO 15:21

Ak kibirchi chiito ne kisiirtoi, Simion ne po Kurene, kwandap Aleksanda ak Rupo, kobunu kooret age, koip kimurtoiyotap Jeso.

POISYONIGAP CHE KIYOKTOI 11:20

Ago ki mi alak eng' icheek, piigap Cyprus ak Kurene, che kingo pwa Antiok kong'alaalji Yunanik ak icheek, koamdoi Kiptaiyat Jeso.

POISYONIGAP CHE KIYOKTOI 13:1

Eng' kaniset ne ki mi Antiok ko ki mi maotik ak kaneetik: Barnaba, Simion ne ki kiguure Niger, Lukio ne po Kurene, Manaen ne ki kigui kobooto kirwoogindet Herod, ak Saulo.

POISYONIGAP CHE KIYOKTOI 13:13

Ki pa anyun Paulo ak che ki mi kobooto ineendet kobun moinget eng' Paphos, ak koit Perga eng' Pamphylia. Ak ki wo Johana koweektagei Jerusalem kobagaakta icheek.

POISYONIGAP CHE KIYOKTOI 13:43

Kingo kagomanda tuiyet eng' sinagogit, koosup Paulo ak Barnaba `che chaang' che po Yahudik ak `che konyiti Kamuktaindet che kiwalak kobunji Yahudik. Ye kingo ng'alaaljin icheek, kogiil kole koba tai eng' myeeindap Kamuktaindet.

POISYONIGAP CHE KIYOKTOI 14:24

Ki pa kobun Pisidia ak koit Pamphylia.

POISYONIGAP CHE KIYOKTOI 15:38

Ago ki ibwaat Paulo kole ma myee kimut ineendet ne kiga kobagaakta icheek eng' Pamphylia, ama cham koba poisyet kobooto icheek.

POISYONIGAP CHE KIYOKTOI 16:6

Ki pa anyun kobun kooret ne po Phrygia ak Galatia, ko kagoete icheek `Kabuuset ne Tiliil komwaita ng'olyoot eng' Asia.

POISYONIGAP CHE KIYOKTOI 17:21

Ki ma kotinyei piik tugul che po Athens ak toek che ki mi olooto, poroindo ne po kiy age kobatee komwa anan kogas ng'al che too.

POISYONIGAP CHE KIYOKTOI 18:2

Ki nyoorchi yooto Yahudyot age ne kiguure Aquila, chiito ne po Ponto, ne kita kobunu Italy kobooto osotyonnyi Prisila, amu kiga ng'at Klaudio kole koba Yahudik tugul eng' Rome. Ki nyo Paulo ole mi icheek;

POISYONIGAP CHE KIYOKTOI 18:23

Ak kingo kagotebi olooto eng' peetuusyo, kwo kobunoot kooret ne po Galatia ak ne po Phrygia, ko uu ye rubegei, kogimitoti kasubik tugul.

POISYONIGAP CHE KIYOKTOI 2:11

Kretik ak Arabuuk, kigase icheek kong'alaali eng' kutusweekyok poisyonik che eecheen che po Kamuktaindet.”

POISYONIGAP CHE KIYOKTOI 23:11

Ak eng' kemout ne ki isubi nooto kotonon Kiptaiyat eng' ye neegitee ineendet ak koleenji, “Nyiganitu: amu ko uu ye ki ibaoryanjo eng' Jerusalem, ko uu nooto kanyool ibaoryan eng' Rome agine.”

POISYONIGAP CHE KIYOKTOI 27:5

Ak ye kiga kebun moinget kelande eng' nyanjet ne po Cilicia ak Pamphylia, keit Myra, nganaseet ne po Lycia.

POISYONIGAP CHE KIYOKTOI 28:15

Ak kingo kas tupchosyek agobo acheek eng' olooto, kobwa kotorookwech kot koit Siireet ne po Apio ak Kooriik Somok che po Toek. Kingo keer Paulo icheek, komwachi Kamuktaindet kongoi ak konyiganit.

POISYONIGAP CHE KIYOKTOI 6:5

Ki cham anyun tuiyet komugul ng'olyoondonooto; ak ki lewen Stepano, chiito ne nyiitaat kayaneet ak Kabuuset ne Tiliil, ak Philipu, ak Prokoro, ak Nikanor, ak Timon, ak Parmena, ak Nikola ne po Antiok ne kiwalak koek Yahudyot.

POISYONIGAP CHE KIYOKTOI 6:9

Ago king'eetyo alak che po sinagogit ne po Che Ityagotin (ko uu ye ki kiguuree), che ki punu Cyrene, che po Alexandria, ak alak chooto che po piigap Cilicia ak Asia, ak kobelgei ak Stepano.

ROMANIK 1:15

Nooto anyun, ko uu ye amuuchi, ko aa choboot aamwok logoiywek che myach ak okweek che omite Rome.

ROMANIK 1:7

eng' okweek tugul che omite Rome, chamanigap Kamuktaindet, che ki kiguur koek che tiliileen: Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.

2 TIMOTEO 1:17

ago, ye kingo mi Rome, kocheeng'a eng' kagiiletapkei, ak kinyoorwo,

NG'ANG'UTYET 11:8

Ak tebyei muuswekwak eng' ooreetap nganaseet ne oo, ne kiguure eng' kalewenet Sodom ak Misiri, ole kiga kigartate Kiptaiyannywa agine.