POISYONIGAP CHE KIYOKTOI 15:8 - BUKUIT NE TILIIL Sireet ne Dutero Kanon

⁸ Ak kibaoryanji icheek `Kamuktaindet ne ingen mugulelwegap piik, kogoochi icheek `Kabuuset ne Tiliil, ko uu ye ki koonech;

Bukuit Ne Tilil

⁸ Ak kibaoryanji icheek `Kamuktaindet ne ingen mugulelwegap piik, kogoochi icheek `Kabuuset ne Tiliil, ko uu ye ki koonech;

BUKUIT NE TILIL

⁸ Ak kibaorianji ichek Jehovah ne ingen mugulelwekab bik, kogochi ichek Tamirmiriet ne Tilil, ko u ye kigonech;

POISYONIGAP CHE KIYOKTOI 15:8 ပူးပေါင်းရင်းမြစ်များ

1 LAITORINIK 8:39

igas anyun eng' kipsengwet oldang'ung' ole imenye, ak inyochi kaat, iyai ak iyaakyi chii age tugul ko uu ortinwekyik tugul, ne ineegei muguleldanyi (amu inyee inyegei ne ingen mugulelwegap weeriigap piik);

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:17

Angen, ee Kamuktaindennyu ale, ityeme muguleldo, ak ibaibai eng' ne po iman. Ki agoonin tuguuchuuto tugul eng' chamyet ak lititindap muguleldanyu. Ak kaageer nguno eng' poiboiyet piiguk che mi yu kogoonin eng' chamyet.

TIENWOGIKAL 44:21

ko tos ma cheeng'ei konai Kamuktaindet niito? Amu ingen inee ung'ootigap muguleldo.

JEREMIA 11:20

Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 20:12

Ago, ee Kamuktaindet ne Toroor ne po lugoosyek, ne ityeme chii ne po iman, ne igeere kabwaatutik ak muguleldo, koono ageer ye iyaakyini mugetuut icheek; amu ki ang'ang'un ng'olyoondennyu.

JOHANA 21:17

Koleenji ne po somok, “Simion, weeriitap Johana, ichama?” Koaragen Petero amu kamwachi ne po somok, koleenji, “Ichama?” Ak koleenji, “Kiptaiyat, ingen tuguuk tugul; ingen ile achamin.” Koleenji `Jeso ineendet, “Pai keechiirekyuk.

JOHANA 5:37

Ak kibaoryanjo Kwanda ineendet ne ki iyookwo. Tom ogas kutinnyi ole kinye kora, ak tomo ogeer itoondanyi.

POISYONIGAP CHE KIYOKTOI 1:24

Ak ki sa kole, “Ee Kiptaiyat, inyee ne ingen mugulelwegap piik tugul, iboorwech eng' pichu aeng', ne kailewen,

POISYONIGAP CHE KIYOKTOI 10:47

“Imuuchi chii koete peek, si ma kibatisan pichu, che kagotaach Kabuuset ne Tiliil ko uu acheek?”

POISYONIGAP CHE KIYOKTOI 14:3

Ki tebee olooto anyun peetuusyek che chaang' ak kong'alaali eng' nyiganateet agobo Kiptaiyat, ne kibaoryanji ng'olyootap myeeindonyi ak kogoochin koyaak kaboorunoik ak kwang'utik eng' eunekwak.

POISYONIGAP CHE KIYOKTOI 15:28

Amu kigeere keele kagomyeeit eng' Kabuuset ne Tiliil ak eng' acheek, keele, ma kigesenjok mileet ne nyigiis ne siire tuguuchu nyolu:

POISYONIGAP CHE KIYOKTOI 2:4

Ki nyi icheek tugul Kabuuset ne Tiliil ak ki toi kong'alaale kutusweek alak, ko uu ye ki igoochi Kabuuset ne Tiliil icheek kamuget kong'alaal.

POISYONIGAP CHE KIYOKTOI 4:31

Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.

HEBRANIK 2:4

ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.

HEBRANIK 4:13

Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”