POISYONIGAP CHE KIYOKTOI 15:20 - BUKUIT NE TILIIL Sireet ne Dutero Kanon

²⁰ ago ongesirchi icheek keleenji kotabaanegei murwoonindap kanamonik, ak sokseet, ak ne po tuguuk che kagiget, ak korotiik.

Bukuit Ne Tilil

²⁰ ago ongesirchi icheek keleenji kotabaanegei murwoonindap kanamonik, ak sokseet, ak ne po tuguuk che kagiget, ak korotiik.

BUKUIT NE TILIL

²⁰ ago ongesirji ichek, kelenji kotabanegei muruonindab kanamonik, ak sokset, ak ne bo tuguk che kagiget, ak korotik.

POISYONIGAP CHE KIYOKTOI 15:20 ပူးပေါင်းရင်းမြစ်များ

TAUNET 35:2

Ki mwachi Jakobo anyun piigap koonnyi, ak tugul che ki mi kobooto ineendet koleenji, “Olakte kanamonik che mi kwenung'wong' che po pororyosyek alak, oanyinygei ak owal ngoroikwok.

TAUNET 9:4

Ago moam panyeek kobooto saboondonyi ne nooto ko korotiik.

KOMONG'U 20:23

Amat oyachigei kanamonik otesena che po fedha, anan kanamonik che po thahabu.

EZEKIEL 33:25

Mwachi anyun icheek ileenji, mwaei Kiptaiyat Kamuktaindet ne Toroor ko uu ni kole: Oame panyeek kobooto korotiik, ak otokyini konyekwok kanamonikwok, ak otumdoi korotiik: tos oname emet kobunjook?

EZEKIEL 4:14

Ki amwa anyun ale, “Ee, Kiptaiyat Kamuktaindet ne Toroor! Keero, tomo kimurwon saboondanyu; amu kobooch ko aa ming'in agoi nguno kotom aam kiy ne kameei ineegei, anan ne kabar tyong'in; ama chut kutinnyu panyeek che ng'woneen.”

ATEPTAP LAWIK 18:6

“Amat koriikyi age tugul eng' okweek tilyennyi kong'aany aach ngorinnyi. Aa Kamuktaindet ne Toroor.

ATEPTAP LAWIK 19:26

“Amat oam kiy age tugul kobooto korotiikyik. Amoboisyee ponisyet anan ong'oorse.

ATEPTAP LAWIK 3:17

Egu niito ng'atuutyet ne po agoi eng' ibinwekwok tugul eng' meng'otosyekwok tugul, ale amat oam mwanik ak korotiik.”

KAITOSYEK 25:2

ak kiguur `tiipchooto piik koba ole kigoochine kanamonikwak tiseiywek. Ki amis piik ak kogutung'ji kanamonik.

POISYONIGAP CHE KIYOKTOI 15:29

keele otabaanegei tuguuk che kieng'jin kanamonik, ak korotiik, ak panyeegap che kagiget, ak sokseet; ngo tabaanegei chooto, komyeeitu eng' okweek. Saisere.”

POISYONIGAP CHE KIYOKTOI 21:25

Ago eng' Pororyosyek che ki koyan, kogigesir ketil kirwooget keele, kotabaanegei tuguuk che kieng'jin kanamonik, ak korotiik, ak panyeek che po che kagiget, ak sokseet.”

1 KORINTOEK 5:11

ago nguno asirwok, ale amonamge ak chii age tugul ne kiguure tupchet, ne soksei, anan kipkeiyat, anan ne saaei kanamonik, anan ne chubisyei, anan kibogityot, anan rebindet; amat oamjine ak chiito ne uu nooto, achicha.

1 KORINTOEK 6:13

Po amitwogik moet, ak po moet amitwogik; ago tuun yaei Kamuktaindet tuwai koek puch, moet ak amitwogik. Ago poorto, koma po sokseet, ago po Kiptaiyat; ak Kiptaiyat, ko po poorto;

1 KORINTOEK 6:18

Omwee ibeetapkei. Tengek age tugul ne yaei chii komiitei saang'utap poorto; ago ineendet ne yaei ibeetapkei koyachin poortanyi tengekto.

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

1 KORINTOEK 7:2

Ago, amu ng'olyootap soksosyek, ko ingotebi chii age tugul ak osotyonnyi, ak ingotebi osotyot age tugul ak manong'otyondennyi.

1 KORINTOEK 8:1

Nguno anyun agobo tuguuk che kieng'jin kanamonik: kingen keele ki tinyei acheek tugul naet. Menei naet, ago teeksei chamyet.

2 KORINTOEK 12:21

si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

GALATYEK 5:19

Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

EPESOEK 5:3

Ago ko uu ye nyoljin piik che tiliileen ko matong'alaale eng' kwenung'wong' sokseet, ak simdo tugul, anan kasetap myat;

NG'ATUTIK 12:16

Ago amat oam korotiik, ago otumji ng'wony ko uu peek.

NG'ATUTIK 14:21

Amat oam ne kame ineegei. Imuuchi igoochi kiprutoiyot ne mi kurgotiguk koam anan ialdochi toondet: amu ii pororyet ne tiliil eng' Kamuktaindet ne Toroor Kamuktaindeng'ung'. Amat iyoe aarwetap ng'oroor cheegap kamet.

NG'ATUTIK 15:23

Kobatee amat iam korotiikyik; tumji chooto ng'wony ko uu peek.

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

1 THESSALONIKEK 4:3

Amu niito mageetap Kamuktaindet, nooto katabaaneng'wong', si kobiit oistoegei sokseet.

HEBRANIK 12:16

si ma piit ne soksei, anan chiito ne ma iywei Kamuktaindet, ko uu Esau, ne ki alda etunatennyi ne po sigeet agobo amdit agenge.

HEBRANIK 13:4

Ingogonyit tugul katunisyet, amat koek itoogut ne tinyei simdo: amu tuun irwookyin Kamuktaindet che soksei ak che ibegei.

1 PETERO 4:3

Amu ki koyam peetuusyek che ki kosiirto kosulda mageetap Pororyosyek, ye ki obendoti eng' maguutik che yaacheen, ak kasetap myat, pogitatet, ak waseetapkei, eiseet ak saaetap kanamonik che etei ng'atuutik:

NG'ANG'UTYET 10:2

ak ki tinyei eng' eunnyi bukuit ne ming'in ne yaataat: ak ki inde keldanyi ne po tai nyanjet, ak ki inde ne po kaataam emet;

NG'ANG'UTYET 10:8

Ak tuugeet ne ki agas kobunu kipsengwet ko ki ng'alaalwo kogeny, koleen, “Ui nam bukuit ne yaataat eng' eutap malaikaiyat ne tononi eng' nyanjet ak eng' emet ne yamaat.”

NG'ANG'UTYET 2:14

Ago ating'enen ng'aleek tutigin: itinye alak eng' olooto che isubi kaneetisyetap Balaam, ne ki ineet Balak konde kanagutyet taitap piigap Israel, si koam tuguuk che kigoochin kanamonik ak kosokso.

NG'ANG'UTYET 2:20

Ago ating'enen ng'olyoo: ale ichamjini kobogoryot Jesebel, ne kuuregei maotyo; ak koneeti otwogikyuk ak kogoigoi kosokso, ak koam tuguuk che kigoochin kanamonik.

NG'ANG'UTYET 9:20

Ak ma sik piik che kiga ng'et, che ki ma ki par eng' korotwechooto eng' poisyonigap eunekwak; ak ma meto kosa oik, ak kanamonigap thahabu, ak che po fedha, ak che po sugunonik, ak che po koik, ak che po keetiik; kanamonik che ma imuuchi kogeerto, anan kogasta anan kobendat.

1 SAMUEL 14:32

Ki rwochi piik tuguuk che ki nyaban; ak ki nam keechiirek ak tuuga kobooto moek ak koeny eng' yooto ak ki am piik panyechooto kobooto korotiik.

1 SAMUEL 14:33

Ye ki ngemwachi Saulo keleenji, “Keero, yachin `piik Kamuktaindet ne Toroor tengekto amu amei panyeek kobooto korotiik.” Kowol ineendet kole, “Kaoyai ng'aalseet, omilwa koito ne oo konyo yu ami.”