POISYONIGAP CHE KIYOKTOI 14:3 - BUKUIT NE TILIIL Sireet ne Dutero Kanon

³ Ki tebee olooto anyun peetuusyek che chaang' ak kong'alaali eng' nyiganateet agobo Kiptaiyat, ne kibaoryanji ng'olyootap myeeindonyi ak kogoochin koyaak kaboorunoik ak kwang'utik eng' eunekwak.

Bukuit Ne Tilil

³ Ki tebee olooto anyun peetuusyek che chaang' ak kong'alaali eng' nyiganateet agobo Kiptaiyat, ne kibaoryanji ng'olyootap myeeindonyi ak kogoochin koyaak kaboorunoik ak kwang'utik eng' eunekwak.

BUKUIT NE TILIL

³ Kitebe oloto anyun betusiek che chang’ ak kong’alali eng’ nyiganatet agobo Kiptaiyat, ne kibaorianji ng’olyotab mieindanyi, ak kogochin koyaak kaborunoik ak kwong’utik eng’ eunekwak.

POISYONIGAP CHE KIYOKTOI 14:3 ပူးပေါင်းရင်းမြစ်များ

MARIKO 16:20

Ak ki pa anyun, koamdaat eng' oldo tugul, kobois Kiptaiyat kobooto icheek, ak kogimit ng'olyoot eng' kaboorunoik che ki isuboti.

JOHANA 4:48

Koleenji anyun `Jeso ineendet, Ngot ko mogeer kaboorunoik ak kwang'utik, koma koi oyan matiny.

POISYONIGAP CHE KIYOKTOI 13:46

Kong'alaal anyun Paulo ak Barnaba eng' nyiganateet koleen, “Konyolu kemwaiwok korook ng'olyootap Kamuktaindet. Amu ki ogirinde ak orwookyinige okweegei ole ma nyolu onyooru saboondap koigeny, ogeero, kagibe ye mi Pororyosyek.

POISYONIGAP CHE KIYOKTOI 2:22

“Okweek piigap Israel, ogas ng'aleechu: Jeso ne po Nazareth, chiito ne ki ibarta Kamuktaindet eng' okweek eng' poisyonigap kimnateet ak kwang'utik ak kaboorunoik, che ki yai Kamuktaindet eng' ineendet eng' kwenung'wong', ko uu ye ongen okweek.

POISYONIGAP CHE KIYOKTOI 20:24

Ago ma iiti saboondanyu ale kiy ne achame kot, si kobiit agees pandanyu, ak poisyet ne ki ataach eng' Kiptaiyat Jeso, abaoryanji logoiywek che myach che po myeeindap Kamuktaindet.

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

POISYONIGAP CHE KIYOKTOI 4:31

Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.

POISYONIGAP CHE KIYOKTOI 5:32

Ak ki paorinik acheek che po tuguuchu, ak Kabuuset ne Tiliil agine ne Ki kogoochi Kamuktaindet icheek che kase iit ineendet.”

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

1 THESSALONIKEK 2:2

ago kingo kaginyalilech eng' tai ak kiteweerech eng' Philippi, ko uu ye ongen, ko ki kinyiganitu eng' Kamuktaindet nenyo kemwaiwok logoiywek che myach che po Kamuktaindet eng' pooryeet ne oo.

HEBRANIK 2:4

ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.