POISYONIGAP CHE KIYOKTOI 13:40 - BUKUIT NE TILIIL Sireet ne Dutero Kanon

⁴⁰ Oriipkei anyun, si ma nyonjok ne ki kimwa eng' maotik keele,

Bukuit Ne Tilil

⁴⁰ Oriipkei anyun, si ma nyonjok ne ki kimwa eng' maotik keele,

BUKUIT NE TILIL

⁴⁰ Oripge anyun, si manyonjok ne kigimwa eng’ maotik; kele,

POISYONIGAP CHE KIYOKTOI 13:40 ပူးပေါင်းရင်းမြစ်များ

ISAIAH 29:14

Ara anyun, ayae poisyet ne kitang'aang'jin eng' kwenutap pichu, poisyet ne kitang'aang'jin ak kekwong'ee. Ak kobet utaatyetap piikwak che utaatiin, ak keuny kaguiyetap piikwak che ng'oomen.

EZEKIEL 33:9

Ago, ngot iteechi kiptengekyot agobo ooreennyi, si koweek kometo oranooto, ama meto ooreennyi, komeei ineendet amu tengektanyi, ago kaisaru saboondang'ung'.

HABAKUK 1:5

Ogeer, okweek kwenutap pororyosyek, ak obwaat! Ak okwong'ye miising', amu ayae poisyet eng' peetuusyekwok, ne moyani agot ngemwaiwok.

MALAKI 3:2

Ago ng'oo ne imuuchi komuita eng' peetuutap nyonunennyi? Ak ng'oo ne tononi ye katook? Uu ineendet maat ne ki tiliilisye, ak ko uu sabunitap mwetiik;

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

LUKA 24:44

Ak ki leenji icheek, Chu ko ng'aleekyuk che ki kamwaiwok, ye kingo ta ami kobootok, ko uu ye kanyool kosulda tuguuk tugul, che ki kisir eng' Ng'atuutik che po Musa, ak eng' maotik, ak eng' tyenwogigap kalasunet, agobo anee.

JOHANA 6:45

Ki kisir eng' maotik, ak kineeti tugul eng' Kamuktaindet. Age tugul ne kagogas eng' Kwanda, ak kagonetkei, konyonjino.

POISYONIGAP CHE KIYOKTOI 15:15

Kanamgei niito ak ng'aleegap maotik, ko uu ye siraat kole,

POISYONIGAP CHE KIYOKTOI 7:42

Ago ki ituktoochi patai Kamuktaindet icheek, ak kogoito icheek koot lugeetap kipsengwet; ko uu ye siraat eng' bukuitap maotik, keele: ‘Tos ki ogoono che kiyagi che kageeny ak tiseiywek eng' kenyiisyek artam eng' surkwen, Ee kootap Israel?

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei: