POISYONIGAP CHE KIYOKTOI 13:27 - BUKUIT NE TILIIL Sireet ne Dutero Kanon

²⁷ Amu ki ma nai ineendet `meng'iigap Jerusalem kobooto pounikwak, anan koguiyo kutusweegap maotik che kisomani eng' sabato age tugul, ki isuldae icheek ng'aleechooto ye ki irwookyi ineendet.

Bukuit Ne Tilil

²⁷ Amu ki ma nai ineendet `meng'iigap Jerusalem kobooto pounikwak, anan koguiyo kutusweegap maotik che kisomani eng' sabato age tugul, ki isuldae icheek ng'aleechooto ye ki irwookyi ineendet.

BUKUIT NE TILIL

²⁷ Ichek che menyei Jerusalem, koboto bounikwak, amu kima nai inendet, anan kutuswekab maotik che kisomani eng’ sabato age tugul, kosuldae kutuswechuto kiruoget ne kiiruokyi inendet.

POISYONIGAP CHE KIYOKTOI 13:27 ပူးပေါင်းရင်းမြစ်များ

TAUNET 50:20

Okweek, ko ki oleen ki oyaiywo ne ya, ago ki yai Kamuktaindet komyeeit, si kosulda ko uu rani, si kesar piik che chaang'.

MATAYO 22:29

Ki wolji Jeso koleenji, “Oleele, amu mongen siruutik anan kimnateetap Kamuktaindet.

LUKA 22:34

Ak ki mwa kole, “Amwaun Petero, kotom koote kipsoiywet rani, ieesyoa konyil somok ile, mengeno.”

LUKA 23:13

Ki kuur anyun Pilato tisiik che eecheen ak pounik kobooto piik kobwa tugul,

LUKA 24:20

ak ko uu ole ki igoito tisiik che eecheen ak pounikyok si kirwookyi kirwooget ne po meet, ak kigartaat.

JOHANA 15:21

Ago yaiywok tuguuchu tugul agobo kainennyu, amu ma nai ineendet ne ki iyookwo.

JOHANA 16:3

Ak yaei tuguuchu, amu ma nai Kwanda, anan anee.

JOHANA 5:39

Cham osyachi eng' siruutik, amu oleen otinye saboondap koigeny eng' chooto; ago chooto che paoryanjino;

JOHANA 8:28

Ki leenji Jeso anyun, Ye kaouite Weeriitap chii, onai anyun eng' peetuunooto ole aa ineendet, amayae kiy aneege, ago amwae tuguuchu ko uu ye ki ineeta Kwanda.

POISYONIGAP CHE KIYOKTOI 15:21

Amu ki tinyei Musa kobooch ibinwek che po keny eng' nganasook tugul, icheeget che amdoi agobo ineendet, che kisomani eng' sinagogisyek eng' sabato age tugul.”

POISYONIGAP CHE KIYOKTOI 28:23

Ak ye kingo kagochop peetuut, kobwonji ineendet che chaang' eng' koot ne ki menyei; ak ki iborsechi komyee, kobaoryani agobo laitornatetap Kamuktaindet, ak kogiiljingei koneeti icheek agobo Jeso eng' ng'atuutyet ne po Musa ak eng' maotik, kobooch karon agoi koimen.

POISYONIGAP CHE KIYOKTOI 3:17

Ak nguno anyun, che kitupche, angen ale, ki oyai nooto amu kima ongen, ko uu ye ki yai pounikwok ak icheek.

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

1 KORINTOEK 2:8

ne manaei agot agenge eng' pounik che po peetuusyechu: amu nda kiga nai, ta ki ma kogartati Kiptaiyatap toroornatet:

2 KORINTOEK 3:14

ago kiuegitu kabwaatutikwak: amu agoi peetuuni, eng' somaneetap kayomiset ne po keny, kota komi anganooto po togeet, tomo keisto; nooto ne kigeisto eng' Kristo.

2 KORINTOEK 4:4

eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

1 TIMOTEO 1:13

nganda ki aa chii ne chubisyei eng' tai, ak ne usiisyei, ak ki aa kolgol: ago ki anyooru rireenetapkei, amu ki ayae ko mangen kotom ayan;