POISYONIGAP CHE KIYOKTOI 13:17 - BUKUIT NE TILIIL Sireet ne Dutero Kanon

¹⁷ Ki lewen Kamuktaindet ne po pichu Israel kwanisyekyok ak kotoroor pichooto ye ki punootik eng' emetap Misiri, ak ki imut icheek komong' eng' euut ne kiim.

Bukuit Ne Tilil

¹⁷ Ki lewen Kamuktaindet ne po pichu Israel kwanisyekyok ak kotoroor pichooto ye ki punootik eng' emetap Misiri, ak ki imut icheek komong' eng' euut ne kiim.

BUKUIT NE TILIL

¹⁷ Kilewen Jehovah ne bo bichu Israel kwanisiekyok, ak kotoror bichoto ye ki bunotik eng’ emetab Misri, ak kiimut ichek komong’ eng’ eut ne kim.

POISYONIGAP CHE KIYOKTOI 13:17 ပူးပေါင်းရင်းမြစ်များ

TIENWOGIKAL 135:4

Amu ki kolewenjigei Kamuktaindet ne Toroor Jakobo, ak Israel koek kinnyi ne nenyi iman.

KOMONG'U 12:51

Ak ki imaanda Kamuktaindet ne Toroor peetuunooto piigap Israel eng' emetap Misiri eng' lugosyekwak.

KOMONG'U 13:14

Ye tuun teebenen weeriing'ung' eng' peetuusyek che pwoonei, koleenjin, ‘Amu nee si keyai ko uu niito?’ Ileenji anyun, ‘Ki imoong'wech Kamuktaindet ne Toroor eng' Misiri eng' kootap otwoknateet, eng' euut ne kiim.

KOMONG'U 13:16

Egu niito kaboorunet eng' eung'ung' ak koek ratuutik che kirate anook eng' turyetap togeng'ung'. Amu ki imutwech Kamuktaindet ne Toroor eng' euut ne kiim kemang'une Misiri.”

KOMONG'U 14:8

Ki iuit Kamuktaindet ne Toroor muguleldap Pharaoh laitoryatap Misiri ak ki isup piigap Israel che kimondoi eng' kimnateet ne oo.

KOMONG'U 18:11

Angen nguno anyun ale oo Kamuktaindet ne Toroor kosiir kamuktaik tugul. Amu ki sar piik eng' eunegap Misiriik che ki yachi pichooto kiit ne ya eng' menoteet.”

ISAIAH 44:1

Kas anyun nguno, ee otwogindennyu Jakobo; ak Israel ne ki alewen:

AMOS 2:10

Ki amutwak kogeny otogosu eng' emetap Misiri, ak andoiywok kenyiisyek artam eng' surkwen, si kobiit onam emetap Amorik kobunjook.

MIKAH 6:4

Amu ki amutun itogosu imong'u eng' emetap Misiri, ak ki atyachin imang'une kootap otwoknateet; ak ki ayookte Musa, Aron, ak Miriam kondoun.

NG'ATUTIK 10:22

Ki piik tamanwogik tisap kwanisyeguk ye kichoortogei kobendi Misiri, ago kagoyain Kamuktaindet ne Toroor Kamuktaindeng'ung' itenitu kecheigap parak soet eng' chaang'indo.”

NG'ATUTIK 14:2

Amu ii pororyet ne tiliil eng' Kamuktaindet ne Toroor Kamuktaindeng'ung' ak ki kolewenin Kamuktaindet ne Toroor iegu pororyennyi ne itabaanat kosiir pororyosyek tugul che mi ng'wony.

NG'ATUTIK 4:20

Ago konamak Kamuktaindet ne Toroor, ak komutwak omang'une maatap karnet eng' Misiri oegu piigap porotennyi ko uu rani.

NG'ATUTIK 4:34

Anan kityem Kamuktaindet au komutyigei pororyet eng' pororyet age, eng' tyemuutik, eng' kaboorunoik, eng' kwang'utik, eng' pooryeet ak eng' euut ne kiim ne chuulaat eng' kamuisosyek che eecheen ko uu tugul che kiyaiywok Kamuktaindet ne Toroor Kamuktaindeng'wong' eng' Misiri eng' taitap konyekwok?

NG'ATUTIK 4:37

Amu ki chamei kwanisyeguk, kolewen anyun ineendet iyotennywa ne piitu let ak komoong'un eng' Misiri komi kobooten eng' kimnateennyi ne oo.

NG'ATUTIK 7:19

Ki igeer eng' konyeguk tyemuutik, kaboorunoik ak kwang'utik che eecheen ak euut ne kiim ne chuulaat, che ki imoong'unenen Kamuktaindet ne Toroor Kamuktaindeng'ung'. Yachin Kamuktaindet ne Toroor Kamuktaindeng'ung' ko uu nooto pororyosyek tugul che iywei.

NG'ATUTIK 9:5

Ma eng' imandang'ung' anan atebeeng'ung' ne myee, ne kagoonin inam emennywa. Ago oonei `Kamuktaindet ne Toroor Kamuktaindeng'ung' pororyosyechu eng' taing'ung' amu sogornatennywa, si kobiit kogimit Kamuktaindet ne Toroor ng'olyoot ne ki iyasyechi kwanisyeguk Abraham, Isak ak Jakobo.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 SAMUEL 4:8

Pwo acheek! Ng'oo ne sarwech eng' kamuktaichu kiimeen? Chu ko kamuktaik cho ki parei Misiriik koboree korotwo alak tugul eng' surkwen.