POISYONIGAP CHE KIYOKTOI 12:11 - BUKUIT NE TILIIL Sireet ne Dutero Kanon

¹¹ Ye kingo pwaat Petero, komwa kole, “Kaanai nguno iman, ale, kagoyok `Kiptaiyat malaikaiyandennyi ak kasarwo eng' eutap Herod, ak eng' kagenisyet tugul ne po piigap Yahudik.”

Bukuit Ne Tilil

¹¹ Ye kingo pwaat Petero, komwa kole, “Kaanai nguno iman, ale, kagoyok `Kiptaiyat malaikaiyandennyi ak kasarwo eng' eutap Herod, ak eng' kagenisyet tugul ne po piigap Yahudik.”

BUKUIT NE TILIL

¹¹ Ak ye kingobwat Petero, komwa kole, Kaanai nguno iman, ale, kagoyok Kiptaiyat malaikaiyandennyi ak kasorua eng’ eutab Herod, ak eng’ kagenisiet tugul ne bo bikab Yahudik.

POISYONIGAP CHE KIYOKTOI 12:11 ပူးပေါင်းရင်းမြစ်များ

TAUNET 15:13

Ak ki leenji `Kamuktaindet ne Toroor Abram, “Iman tuun inae ile, egu lagoguk kiprutoin eng' emet ne ma nenywa, ak tuun ko otei pichooto, ak konyalilso icheek eng' kenyiisyek pogol ang'wan.

TAUNET 18:13

Ak ki leenji `Kamuktaindet ne Toroor Abraham, “Amu nee si korori Sarah koleen, ‘Tos ta amuuchi iman anee asich lakwa ko kaaositu?’

TAUNET 26:9

Ki kuur anyun `Abimelek Isak, nyo koleenji, “Osotyondeng'ung' ni iman. Kilya si imwa ile, ‘Ineendet ko chepkamennyu?’ ” Ak ki leenji `Isak ineendet, “Ki amwae ko uu nooto ale, si ma mei agobo ineendet.”

2 SAMUEL 22:1

Kityenji `Daudi Kamuktaindet ne Toroor ng'aleegap tyeni eng' peetuut ne kigasar `Kamuktaindet ne Toroor ineendet eng' eunegap puunikyik tugul ak eng' eutap Saulo.

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

Kitabuutap JOB 31:31

Ngot koma mwa piigap emainnyu kole ng'oo ne imuuchi konyoor chii ne ma piyonyi panyeegap Job?

Kitabuutap JOB 5:19

Saruun eng' nyalilwogik lo; ee, matwain yaityet agot eng' tisap.

TIENWOGIKAL 109:31

Amu tonone eutap tai ne po ineendet ne panani, si kosar ineendet eng' icheek che irwookyin saboondanyi.

TIENWOGIKAL 33:18

Ogeero, keerei konyegap `Kamuktaindet ne Toroor icheek che iywei ineendet, icheeget che igeni rireenennyi,

TIENWOGIKAL 33:19

si kosar saboonwekwak eng' meet, ak koriip kosapcho eng' rubeet.

TIENWOGIKAL 34:22

Ityachi Kamuktaindet ne Toroor saboonwegap kiboitiinikyik; ak ma kirwookyin agot agenge ne imang'u ineendet.

TIENWOGIKAL 34:7

Menyei malaikaiyatap Kamuktaindet ne Toroor komoswek tugul che po icheeget che iywei Kamuktaindet ne Toroor, ak kosaru icheek.

TIENWOGIKAL 41:2

Riibei `Kamuktaindet ne Toroor ineendet ak kogoochin kosap, ak kobaibait eng' emet; Ak amegoochi puunikyik koboi ineendet.

TIENWOGIKAL 97:10

Ee okweek che ochame Kamuktaindet ne Toroor, owech yaityet; riibei saboonwegap chechiik che tiliileen; saru icheek eng' eutap kiptengeginik.

LUKA 15:17

Ak kingo pwaat, komwa kole, ‘Tya otwogik che po abba che tinyei amitwogik che yamei kot kosiir, ago anee, ko kabara rubo eng' yu!

POISYONIGAP CHE KIYOKTOI 12:7

Ak ogeero, ki tonon malaikaiyatap Kiptaiyat eng' ye neegitee ineendet ak ki ikweny lapkeiyet koot. Ki irabaach karaastap Petero ak kong'eet koleenji, “Ng'eet chokyi.” Ak ki ibutyo nyororosyek che ki mi eunekyik.

POISYONIGAP CHE KIYOKTOI 24:27

Ago kingo keskei kenyiisyek aeng'u, konam Porkio Pesto poisyetap Felix; ak amu kimachei Felix kobaibai Yahudik, kobagaakta Paulo ko rataat.

POISYONIGAP CHE KIYOKTOI 25:9

Ago ye kimachei Pesto kobaibai Yahudik, kowolji Paulo, koleenji, “Tos imache itogoste Jerusalem, si kirwoogun eng' olooto agobo tuguuchu eng' tainnyu?

POISYONIGAP CHE KIYOKTOI 5:19

Ago ki yaat malaikaiyatap Kiptaiyat kurgotigap korgoreet kemoi ak komut icheek komong' saang', ak koleenji,

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.