POISYONIGAP CHE KIYOKTOI 11:23 - BUKUIT NE TILIIL Sireet ne Dutero Kanon

²³ Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

Bukuit Ne Tilil

²³ Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

BUKUIT NE TILIL

²³ ak kingoit inendet, ak kogeer mieindab Jehovah, kobaibait; ak kogiil ichek tugul konamgei ak Kiptaiyat eng’ mugulelwek che bekyinotin:

POISYONIGAP CHE KIYOKTOI 11:23 ပူးပေါင်းရင်းမြစ်များ

2 LAITORINIK 18:6

Amu ki namgei ak Kamuktaindet ne Toroor, ma masta eng' kasubetap Kamuktaindet ne Toroor, ago ki riip ng'atuutikyik, che ki ng'at `Kamuktaindet ne Toroor Musa.

TIENWOGIKAL 17:3

Ki ityem muguleldanyu; ki inyoonjo kemoi, ki isyacha, ama inyoorcha kiy; ki abekyi ale ma mwaei kutinnyu pistoet.

KALEWANAIK 23:15

Weeriinnyu, ngo utaat muguleldang'ung', ko paibai agine muguleldanyu.

KALEWANAIK 23:28

Ee saptoi ko uu rebindet, ak kotesei kaberberik eng' piik.

MATAYO 16:24

Kingo pata koleenji Jeso kasubikyik, “Ngo machei chii kosubwo, ko nyolu koeesyogei, ak kosut koip kimurtoiyondennyi, ak kosubwo.

MARIKO 2:5

Kingo keer Jeso kayanennywa, koleenji chiichooto kimeat poorto,“Weeri, kagenyoun kaat tengekwogiguk.”

JOHANA 15:4

Omenya, ak amenyok. Ko uu ye ma imuuchi temeet koi logoek ineegei, ngot koma menyei keetit; ko momuuchi ak okweek, ngot ko momenya.

POISYONIGAP CHE KIYOKTOI 13:43

Kingo kagomanda tuiyet eng' sinagogit, koosup Paulo ak Barnaba `che chaang' che po Yahudik ak `che konyiti Kamuktaindet che kiwalak kobunji Yahudik. Ye kingo ng'alaaljin icheek, kogiil kole koba tai eng' myeeindap Kamuktaindet.

POISYONIGAP CHE KIYOKTOI 14:22

Ki igimitoti saboonwegap kasubik, ko ki ili koba tai eng' kayaneet ak koleenji, “Kanyool keit laitornatetap Kamuktaindet eng' nyalilwogik che chaang'.”

POISYONIGAP CHE KIYOKTOI 14:26

Kotaune olooto ko ki pun moinget agoi Antiok, ole ki kindae icheek myeeindap Kamuktaindet agobo poisyet ne kiga koyai kosulda.

POISYONIGAP CHE KIYOKTOI 15:40

Ago ki lewen `Paulo Sila ak koba, ko kagonde tupchosyek icheek myeeindap Kiptaiyat.

POISYONIGAP CHE KIYOKTOI 20:24

Ago ma iiti saboondanyu ale kiy ne achame kot, si kobiit agees pandanyu, ak poisyet ne ki ataach eng' Kiptaiyat Jeso, abaoryanji logoiywek che myach che po myeeindap Kamuktaindet.

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

POISYONIGAP CHE KIYOKTOI 4:36

Ki mi Lawindet, chiito ne kisalu Cyprus, nooto Joseph, ne kitoochi che kiyooktoi kainet ne po aeng' koguure Barnaba (ne ye kiweech ko “Weeriitap kagaigaet”), ne ki alda mbareet ne ki tinyei,

ROMANIK 12:8

anan ineendet ne iteitoi, kochuljige kateitaennyi: ineendet ne igoitoi, kogoito eng' aiyebindo; ineendet ne pou, koboi kochuljigei; ineendet ne rireegei, koriiregei eng' poiboiyet.

1 KORINTOEK 15:58

Nooto anyun, che kitupche che achame, ogimegitu, among' king'eak, oyae otese kotugul poisyetap Kiptaiyat, amu ongen ole ma po puch poisyeng'wong' ne uui eng' Kiptaiyat.

2 KORINTOEK 1:17

Ye kinga pwaat ko uu nooto, ko tos ki aurereni? Anan tuguuk che aa pegechini ale ayae, ko tos abegechini ko uu atebeetap poorto, si kobiit koek eng' anee ee, ee, ak achicha, achicha?

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

NG'ATUTIK 10:20

Iywei anyun Kamuktaindet ne Toroor Kamuktaindeng'ung' ak iboisyechi ineendet. Onamgei ak ineendet ak iyasye eng' kainennyi.

NG'ATUTIK 30:20

Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”

KOLOSAIK 1:6

ne kigoityok; ko uu ole teptoi agine eng' ng'wony komugul koiyiei logoek ak ko tesoksei, ko uu eng' okweek, kobooch peetuut ne ki ogas ak onai myeeindap Kamuktaindet eng' iman;

2 TIMOTEO 3:10

Ago ki isup inyee kaneetisyennyu, atebeet, kiit ne atokyinige, kayaneet, mutyonet, chamyet, muitaet,

JOSHUA 22:5

Ago oriipkei miising' oyai kayomisutyet ak ng'atuutyet che king'ataak Musa otwogindetap Kamuktaindet ne Toroor, ocham Kamuktaindet ne Toroor Kamuktaindeng'wong' ak obendate ortinwekyik tugul ak oriip ng'atuutikyik onamge ak ineendet ak oot eng' mugulelwekwok tugul ak saboonwekwok tugul.”

JOSHUA 23:8

Ago onamge ak Kamuktaindet ne Toroor Kamuktaindeng'wong' ko uu ye ki oyai agoi ra.

1 PETERO 5:12

Kasirwak eng' ng'aleek tutigin, eng' eutap Silvano, tupchennyo ne kiyani, ko uu ye abwaati, amwaiwok inne, ak abaoryani ale myeeindap iman ni ne po Kamuktaindet: otononse olumdegei.

1 JOHANA 2:28

Ak nguno anyun, lagochu mengech, omeny ineendet; si ye tuun kaging'aany ineendet, kesich nyiganateet, ama kililani eng' tainnyi eng' nyonunennyi.

3 JOHANA 1:4

Ma tinyei poiboiyet age ne siirei ni, ye agase keele pendoti lagokyuk eng' imanit.

JUDA 1:4

Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.