POISYONIGAP CHE KIYOKTOI 10:22 - BUKUIT NE TILIIL Sireet ne Dutero Kanon

²² Ak ki le, “Ki iboorchi komyee Kamuktaindet Korneli, eng' malaikaiyat ne tiliil, koyook piik kobwa koguurin iwe koonnyi ne ineendet ko kiptaiyatap pogol, chiito ne po imanda ak koywei Kamuktaindet, ak paoryanjin pororyet tugul ne po Yahudik kole myee ineendet, kole si kogasenen ng'aleek.”

Bukuit Ne Tilil

²² Ak ki le, “Ki iboorchi komyee Kamuktaindet Korneli, eng' malaikaiyat ne tiliil, koyook piik kobwa koguurin iwe koonnyi ne ineendet ko kiptaiyatap pogol, chiito ne po imanda ak koywei Kamuktaindet, ak paoryanjin pororyet tugul ne po Yahudik kole myee ineendet, kole si kogasenen ng'aleek.”

BUKUIT NE TILIL

²² Ak kile, Kiiborji komie Jehovah Kornelio, eng’ malaikaiyat ne tilil, koyok bik kobwa koguurin iwe gonnyi ne inendet ko kiptaiyatab bogol, chito ne bo imanda ak koiywei Jehovah, ak baorianjin bororiet tugul ne bo Yahudik kole mie inendet, kole si kogasenen ng’alek.

POISYONIGAP CHE KIYOKTOI 10:22 ပူးပေါင်းရင်းမြစ်များ

HOSEA 14:9

Ng'oo ne ng'oom, si koguiyo tuguuchuuto? Ng'oo ne utaat, si konai tuguuchooto? Amu lititen ortinwegap Kamuktaindet ne Toroor, ak pendotee che po iman ortinwechooto; ago ibutyin olooto pistoik.

HABAKUK 2:4

Ogeero, kagomen muguleldanyi, ma litit ineendet, ago sabei ne po imanda eng' kayanennyi.

MATAYO 1:19

Amu ki chii ne po imanda Joseph sandennyi, kotet Joseph kobagaakta Maria eng' ung'oot amu ki ma mach koteweer eng' taitap piik.

MATAYO 2:12

Ak ko uu ye kiga kiteechi eng' karwotitoet keleenji amoweekyigei Herod, konam panda koosup ooreet age koba emennywa.

MARIKO 6:20

amu ki iywei `Herod Johana ak ki riip, kongen kole ineendet ko chii ne po imanda ak ko tiliil. Ye kingo kas Herod ng'aleekyik, koiimgei miising'; nganda ki cham koboiboenjin kogas ineendet.

MARIKO 8:38

Amu age tugul ne ililani agobo anee kobooto ng'aleekyuk eng' ibinita po sokseet ak tengek, ko tuun ililanjin agine Weeriitap chii ineendet, ye tuun nyoonei eng' liilindap Kwandanyi kobooto malaikaisyek che tiliileen.”

LUKA 2:25

Ogeero, ki mi chiito age Jerusalem, ne ki kiguure Simion; ak ki chiito ne po iman ak kigonyiti Kamuktaindet, ne ki igeni kagaigaetap Israel: ak ki tebee `Kabuuset ne Tiliil ineendet.

LUKA 23:50

Ak ogeero, chiito ne ki kiguure Joseph, chiitap kapkirwook, chiito ne myee, ak ko po imanda

LUKA 9:26

Amu age tugul ne ililanjino ak ng'aleekyuk ko tuun ililanjin agine Weeriitap chii chiichooto, ye tuun nyoonei eng' toroornatennyi, ak ne po Kwanda, ak ne po malaikaisyek che tiliileen.

JOHANA 13:20

Amwaiwok, iman, iman, ale, Ineendet ne taachei age tugul ne ayoogu ko kataacha; ak ineendet ne taacha ko kataach kineendet ne ki iyookwo.”

JOHANA 17:20

Amasaae agobo chu kityo, ago asaae agobo icheek che tuun iyana amu ng'olyoonnywa;

JOHANA 17:8

amu ki agoochi icheek ng'aleek che ki igoono ak ki kotaach, ak ki konai iman kole ki abunu ole imi, ak ki koyan kole ki iyookwo.

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

JOHANA 6:63

Kabuuset ne igoitoi saboondo; ma tilei kiy poorto: ng'aleek che kaamwawok ko kabuuset ak saboondo.

JOHANA 6:68

Kowolji anyun Simion Petero, koleenji, “Kiptaiyat, kibendi ole mi ng'oo? Itinye ng'aleek che po saboondap koigeny.

POISYONIGAP CHE KIYOKTOI 10:2

Ki chiito ne kigonyiti ak koywei Kamuktaindet kobooto koonnyi tugul; ki igoochin piik kagoochinoik che chaang' ak kosaaei Kamuktaindet kotugul.

POISYONIGAP CHE KIYOKTOI 10:21

Ara kichoortagei anyun Petero kwo ole mi pichooto ak kole, “Aa ineendet ne ocheeng'e. Nee ne kagoonok obwa?”

POISYONIGAP CHE KIYOKTOI 10:30

Kole anyun Korneli, “Peetuusyek ang'wan rani kobooch yooto agoi saini, ye ki asaae eng' sait sogool eng' koonnyu; ak keero, ki tonon eng' tainnyu mureno ne ilaachi ngoroik che liilei piich,

POISYONIGAP CHE KIYOKTOI 10:33

Ki ayoogu anyun piik eng' sainooto kobwa ole imi; ak kaiyai ne myee amu kainyo. Ki mi anyun yu nguno acheek tugul eng' taitap Kamuktaindet, si kegas tuguuk tugul che king'atin Kiptaiyat.”

POISYONIGAP CHE KIYOKTOI 10:6

ineendet ko toondetap Simion ne teiteindetap muiywek, ne mi koonnyi ngeguutap araraita.”

POISYONIGAP CHE KIYOKTOI 11:14

konyo komwaun ng'aleek che kisaruunenen, inyee ak koong'ung' tugul.’

POISYONIGAP CHE KIYOKTOI 22:12

“Ak ki nyo ole ami, chiito age ne keguure Anania, chiito ne po iman eng' riibetap Ng'atuutyet, ne kibaoryanjin Yahudik tugul che ki menyei olooto kole myee.

POISYONIGAP CHE KIYOKTOI 24:15

atinye kamang'unet eng' Kamuktaindet, ne cheeng'ei pichu ak icheek, ale, tatun komi ng'eetyeetap che po imanda ak che ma po imanda.

POISYONIGAP CHE KIYOKTOI 6:3

Ko uu nooto anyun, che kitupche, ocheeng' piik tisap eng' okweek che taagunotiin keele myachen, che nyiitootiin Kabuuset ne Tiliil ak utaatyet, che kimuuchi kinde poisyoni.

ROMANIK 1:17

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

2 KORINTOEK 5:18

Ago po tuguuk tugul Kamuktaindet ne kiituiyenechkei eng' Kristo, ak ki koonech acheek poisyet ne po katuiyet;

NG'ATUTIK 30:13

Ama mi nyanjet pitoniin ne tos imwa ile, ‘Ng'oo ne landoi eng' nyanjet si koibwech ak kogoonech kegas si kobiit keyai?’

1 TIMOTEO 3:7

Ak kogeny konyaaljin kotinyei paornateet ne myee eng' icheeget che mi saang'; si ma ibutyi teweernateet ak mesteetap chesawilyet.

HEBRANIK 10:38

Ago sabei nenyu ne po imanda eng' kayaneet, Ak ngot kochuchuigei koma paibaitu muguleldanyu eng' ineendet.

HEBRANIK 11:2

Amu ki kibaoryanjine nooto poisyek.

HEBRANIK 12:23

ak tuiyetap piik tugul ak kaniset ne po che po tai eng' sigeet che kigesir eng' kipsengwet, ak Kamuktaindet kirwoogindetap tugul, ak saboonwek che po piigap imanda che ki kiyai koek che ititaatiin,

2 PETERO 3:2

si obwaat ng'aleek che ki mwa maotik che tiliileen eng' tai, ak ng'atuutyetap Kiptaiyat ak ko Yetindet eng' piikwok che kiyooktoi:

3 JOHANA 1:12

Kigobaoryan piik tugul agobo Demetrios, ak kobaoryani imanit agine. Ee, kibaoryani agacheek; ak ingen ile po iman paornatennyo.

NG'ANG'UTYET 14:10

koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet: