POISYONIGAP CHE KIYOKTOI 1:24 - BUKUIT NE TILIIL Sireet ne Dutero Kanon

²⁴ Ak ki sa kole, “Ee Kiptaiyat, inyee ne ingen mugulelwegap piik tugul, iboorwech eng' pichu aeng', ne kailewen,

Bukuit Ne Tilil

²⁴ Ak ki sa kole, “Ee Kiptaiyat, inyee ne ingen mugulelwegap piik tugul, iboorwech eng' pichu aeng', ne kailewen,

BUKUIT NE TILIL

²⁴ Ak kisa, kole, Inye, Kiptaiyat, ne ingen mugulelwekab bik tugul, iboruech eng’ bichu aeng’, ne kailewen,

POISYONIGAP CHE KIYOKTOI 1:24 ပူးပေါင်းရင်းမြစ်များ

1 LAITORINIK 8:39

igas anyun eng' kipsengwet oldang'ung' ole imenye, ak inyochi kaat, iyai ak iyaakyi chii age tugul ko uu ortinwekyik tugul, ne ineegei muguleldanyi (amu inyee inyegei ne ingen mugulelwegap weeriigap piik);

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:17

Angen, ee Kamuktaindennyu ale, ityeme muguleldo, ak ibaibai eng' ne po iman. Ki agoonin tuguuchuuto tugul eng' chamyet ak lititindap muguleldanyu. Ak kaageer nguno eng' poiboiyet piiguk che mi yu kogoonin eng' chamyet.

TIENWOGIKAL 44:21

ko tos ma cheeng'ei konai Kamuktaindet niito? Amu ingen inee ung'ootigap muguleldo.

TIENWOGIKAL 7:9

Ingowong'kei tengektap kiptengeginik, ago igimit ne po imanda. Ee Kamuktaindet ne po imanda, inyee ne isyachi kabwaatutik ak mugulelwek.

KALEWANAIK 15:11

Mi taitap Kamuktaindet ne Toroor ye mi che ki kobek ak ng'emisyet, siirei ne tya anyun mugulelwegap piik!

JEREMIA 11:20

Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 20:12

Ago, ee Kamuktaindet ne Toroor ne po lugoosyek, ne ityeme chii ne po iman, ne igeere kabwaatutik ak muguleldo, koono ageer ye iyaakyini mugetuut icheek; amu ki ang'ang'un ng'olyoondennyu.

KAITOSYEK 27:16

“Ingolewen Kamuktaindet ne Toroor, Kamuktaindetap saboonwegap piik tugul, chiito ne imuuchi koboi tuiyet,

LUKA 16:15

Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

JOHANA 21:17

Koleenji ne po somok, “Simion, weeriitap Johana, ichama?” Koaragen Petero amu kamwachi ne po somok, koleenji, “Ichama?” Ak koleenji, “Kiptaiyat, ingen tuguuk tugul; ingen ile achamin.” Koleenji `Jeso ineendet, “Pai keechiirekyuk.

POISYONIGAP CHE KIYOKTOI 14:23

Ak kingo kagolewenji icheek `poisyek eng' kaniset age tugul, kosa eng' karugutetapkei, konde icheek eutap Kiptaiyat ne kiga koyan.

POISYONIGAP CHE KIYOKTOI 15:8

Ak kibaoryanji icheek `Kamuktaindet ne ingen mugulelwegap piik, kogoochi icheek `Kabuuset ne Tiliil, ko uu ye ki koonech;

POISYONIGAP CHE KIYOKTOI 6:6

Ki inde chooto anyun taitap che kiyooktoi, che ki imuuch kosachi ak kogonoor icheek eunekwak.

ROMANIK 8:27

ak ineendet ne isyachi mugulelwek kongen kiit ne ibwaati Kabuuset ne Tiliil, amu saaei agobo piik che tiliileen ko uu mageetap Kamuktaindet.

HEBRANIK 4:13

Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

1 SAMUEL 14:41

Ki le anyun Saulo “Ee Kamuktaindet ne Toroor, Kamuktaindetap Israel, lyon si kotom iwolji kiboityong'ung' ra? Ngot komi anee lelutyoni anan komi weeriinnyun Jonathan, ee Kamuktaindet ne Toroor Kamuktaindetap Israel, ibooru eng' Urim, ago ngot komi lelutyoni piiguk Israel, ibooru eng' Thummim.” Ak ki kinam Jonathan ak Saulo eng' parbaryat ago kichililso piik.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”