POISYONIGAP CHE KIYOKTOI 1:14 - BUKUIT NE TILIIL Sireet ne Dutero Kanon

¹⁴ Ki tebi chu tugul eng' kabwaatet agenge eng' kagiiletapkei ne po saaet, kobooto kobogorisyek ak Maria kametap Jeso, ak tupchosyegap Jeso.

Bukuit Ne Tilil

¹⁴ Ki tebi chu tugul eng' kabwaatet agenge eng' kagiiletapkei ne po saaet, kobooto kobogorisyek ak Maria kametap Jeso, ak tupchosyegap Jeso.

BUKUIT NE TILIL

¹⁴ Kitebi chu tugul eng’ kabwatet agenge eng’ kagiiletab ge ne bo saet, koboto kobogorisiek, ak Maria kametab Jesu, ak tupchosiekab Jesu.

POISYONIGAP CHE KIYOKTOI 1:14 ပူးပေါင်းရင်းမြစ်များ

MATAYO 12:46

Kingo ta kong'alaaljin tuiyosyek, ko kitonondos eng' saang' kamet ak che tupcho, kocheeng'ei kong'alaalji ineendet.

MATAYO 21:22

Tuguuk alak tugul che osoome eng' saaet, oyani, otaache.”

MATAYO 27:55

Ki mi eng' olooto kobogorisyek che chaang' che kigeerei eng' ye loo, che kiga isubot Jeso kobooch Galilaya koboisyechinoti ineendet.

MARIKO 15:40

Ak ki mi ak icheek kobogorisyek che kigeerei eng' ye loo: ki mi eng' icheeget Maria Magdalene, ak Maria kametap Jakobo ne ming'in ak ne po Joses, ak Salome;

MARIKO 16:1

Ak kingo kagosiirto sabato koal Maria Magdalene, ak Maria kametap Jakobo, ak Salome, nyamdutik, si kobwa koiil ineendet.

LUKA 11:13

Ngo ngen okweek che oo yaach ogoochi lagokwok tuguuk che myach, siirei anyun ne tya kagoitoet ne igoochin Kwandang'wong' ne mi kipsengwet Kabuuset ne Tiliil icheek che soomei ineendet!”

LUKA 18:1

Ki mwachi anyun kalewenet kole, Kanyool kosa peetuusyek tugul, amat chorirenso;

LUKA 23:49

Ak kitonondos eng' ye loo tugul che ki ingengei, ak kobogorisyek che ki isubu ineendet kobunu Galilaya, kole si kogeer tuguuchuuto.

LUKA 23:55

Ak ki isubu kobogorisyek, che kigabwa kobooto ineendet kobunu Galilaya, ak kogeer kererit, ak ole ki kindoitoi poortanyi.

LUKA 24:10

Ki Maria Magdalene, ak Joana, ak Maria kametap Jakobo, ak kobogorisyek alak che ki mi kobooto icheek, che ki mwachi che kiyooktoi tuguuchooto.

LUKA 24:33

Ak ki ng'eetyo eng' sainooto, koweektagei Jerusalem, ak ki nyoor taman ak agenge ko katuiyo, ak che ki mi kobooto icheek,

LUKA 24:53

ak ki mi kotugul Hekaluut, kolasu Kamuktaindet.

LUKA 8:20

Ak ki kimwachi keleenji, Tonondos kamenng'ung' ak che otupche eng' saang', machei kogeerin.

POISYONIGAP CHE KIYOKTOI 2:1

Kingo it peetuutap Pentekoste, ko ki mi tugul komosta agenge.

POISYONIGAP CHE KIYOKTOI 2:42

Ki igiiljingei icheek tugul kaneetisyetap che kiyooktoi ak yamdaet, eng' putuletap magatyat ak saautik.

POISYONIGAP CHE KIYOKTOI 2:46

Ki mi Hekaluut peetuut age tugul kotebyei eng' kabwaatet agenge, ak eng' putuletap magatyat eng' kaa ak ki amisyei eng' kaagaasetapkei, ak eng' muguleldo agenge,

POISYONIGAP CHE KIYOKTOI 6:4

Ago si ki kiiljige acheek saaet, ak kaneetisyetap ng'olyoot.”

ROMANIK 12:12

oboiboitu eng' kamang'unet; omuitoi eng' nyalilda; ogiiljigei saaet kotugul;

1 KORINTOEK 14:13

Nooto anyun, ineendet ne ng'alaali eng' kutit, ingosa si koweech ng'aleek.

EPESOEK 6:18

Osaa peetuusyek tugul eng' Kabuuset ne Tiliil kobooto saaet tugul ak kagaigaet, ak oriipsei eng' nooto eng' kagiiletapkei tugul ak kagaigaet, agobo tugul che tiliileen.

KOLOSAIK 4:2

Ogiiligei kotugul eng' saaet, oriipsei eng' nooto kobooto kongoi;