NG'ATUTIK 6:5 - BUKUIT NE TILIIL Sireet ne Dutero Kanon

⁵ ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.

Bukuit Ne Tilil

⁵ ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.

BUKUIT NE TILIL

⁵ ak kanyol icham Jehovah Kamuktaindeng’ung’ eng’ muguleldang’ung’ tugul, ak eng’ sobondang’ung’ tugul, ak eng’ kimnateng’ung’ tugul.

NG'ATUTIK 6:5 ပူးပေါင်းရင်းမြစ်များ

1 LAITORINIK 3:3

Ki cham `Solomon Kamuktaindet ne Toroor, kowendote ng'atuutigap Daudi kwandanyi; ago kienyei tiseiywek ak kobeelei nyamdutik eng' komoswek che torooreen.

2 LAITORINIK 23:25

Ki ma piit eng' tai anan eng' let laitoryat ne kergei ak ineendet, ne ki isup Kamuktaindet ne Toroor eng' muguleldanyi tugul, eng' saboondanyi tugul ak eng' kamugennyi tugul, ko uu Ng'atuutik tugul che po Musa.

2 ATEPTAP PEETUUSYEK 15:12

Ki yai arorutyet kocheeng' Kamuktaindet ne Toroor, Kamuktaindetap kwanisyekwak, eng' mugulelwekwak tugul ak eng' saboonwekwak tugul,

2 ATEPTAP PEETUUSYEK 34:31

Ak ki tonon laitoryat eng' komostanyi, ak koyai arorutyet eng' taitap Kamuktaindet ne Toroor, koosup Kamuktaindet ne Toroor, ak koriip ng'atuutikyik, ak paornatosyekyik, ak kayomisutikyik, eng' muguleldanyi tugul, ak eng' saboondanyi tugul, koosup ng'aleegap arorutyet che ki kisirchi bukuini.

TIENWOGIKAL 119:2

Poiboen icheek che riibei paornatosyekyik, che cheeng'ei ineendet eng' muguleldo komugul,

TIENWOGIKAL 31:24

Ogimegitu, ak ingonyiganitu mugulelwekwok, okweek tugul che ogeni Kamuktaindet ne Toroor!

MATAYO 10:37

Ineendet ne chamei kwanda anan kamet kosiiro koma nyoljino; ak ineendet ne chamei weeriit anan cheptonyi kosiiro koma nyoljino.

MATAYO 22:37

Ak ki wolji koleenji, “Cham Kiptaiyat Kamuktaindet ne Toroor neng'ung' eng' muguleldang'ung' komugul, eng' saboondang'ung' komugul ak eng' ng'omnateng'ung' komugul.

MARIKO 12:30

Ak cham Kiptaiyat Kamuktaindet ne Toroor neng'ung' eng' muguleldang'ung' komugul, ak eng' saboondang'ung' komugul, ak eng' ng'omnateng'ung' komugul, ak eng' kimnateng'ung' komugul.’

MARIKO 12:33

ak ngo cham ineendet eng' muguleldo komugul, ak eng' kaguiyet komugul, ak eng' kimnateet komugul, ak ngo cham chiitap kokwet ko uu ole chamdogei, kosiirei nooto kagoochinoik tugul che kibeelei ak tiseiywek.

LUKA 10:27

Ak ki wolji ineendet koleenji, “Cham Kiptaiyat Kamuktaindet ne Toroor neng'ung' eng' muguleldang'ung' komugul, ak eng' saboondang'ung' komugul, ak eng' kimnateng'ung' komugul, ak eng' ng'omnateng'ung' komugul; ak icham chiitap kokweng'ung' ko uu ye ichamdoige.”

NG'ATUTIK 10:12

“Ara anyun Israel, nee ne magenen Kamuktaindet ne Toroor Kamuktaindeng'ung', kobatee iywei ineendet kamuktaindeng'ung', iwendote ortinwekyik tugul, icham ineendet ak ioot Kamuktaindeng'ung' eng' muguleldang'ung' tugul ak eng' saboondang'ung' tugul,

NG'ATUTIK 11:1

Cham anyun Kamuktaindet ne Toroor Kamuktaindeng'ung' ak iriip kotigonennyi, kaneetisyosyekyik, kirwoogutikyik ak ng'atuutikyik kotugul.

NG'ATUTIK 11:13

Ngot ogas iit eng' kagiiletapkei ng'atuutikyuk che kang'atak rani ak ngo cham Kamuktaindet ne Toroor Kamuktaindeng'wong' oboisyechi ineendet eng' mugulelwekwok tugul ak eng' saboonwekwok tugul,

NG'ATUTIK 13:3

ko meepchi iit ng'aleegap maotyondonooto anan karwotitoindonooto. Amu tyemok Kamuktaindet ne Toroor Kamuktaindeng'wong' si konai ngo chame Kamuktaindet ne Toroor Kamuktaindeng'wong' eng' mugulelwekwok ak eng' saboonwekwok.

NG'ATUTIK 13:4

Obendate osup Kamuktaindet ne Toroor Kamuktaindeng'wong', oiywei ineendet ak oriip ng'atuutikyik ogas iit kutinnyi ak oboisyechi ak onamge ak ineendet.

NG'ATUTIK 19:9

Ngiriip ng'atuutyoni komugul ne kang'atiin rani ak iyai icham Kamuktaindet ne Toroor Kamuktaindeng'ung', ak iwendote ortinwekyik kotugul, ites anyun nganasook alak somok, kobooto chooto somok.

NG'ATUTIK 30:10

ngigas iit kutitap Kamuktaindet ne Toroor Kamuktaindeng'ung', iriip ng'atuutikyik ak kaneetisyosyekyik che siraatiin eng' bukuini po Ng'atuutyet. Pabaitunenen ngiweekyigei Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul.

NG'ATUTIK 30:16

Amu kaang'atiin rani ale icham Kamuktaindet ne Toroor Kamuktaindeng'ung' iwendote ortinwekyik, iriip ng'atuutikyik ak kaneetisyosyekyik ak kirwoogutikyik si isap itesage, si koberuurin Kamuktaindet ne Toroor Kamuktaindeng'ung' eng' emet ne iwendi iname.

NG'ATUTIK 30:20

Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

NG'ATUTIK 4:29

Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

JOSHUA 22:5

Ago oriipkei miising' oyai kayomisutyet ak ng'atuutyet che king'ataak Musa otwogindetap Kamuktaindet ne Toroor, ocham Kamuktaindet ne Toroor Kamuktaindeng'wong' ak obendate ortinwekyik tugul ak oriip ng'atuutikyik onamge ak ineendet ak oot eng' mugulelwekwok tugul ak saboonwekwok tugul.”

1 JOHANA 5:3

Amu ni chamyetap Kamuktaindet, ale keriip ng'atuutikyik: ama nyigiisen ng'atuutikyik.