NG'ATUTIK 31:20 - BUKUIT NE TILIIL Sireet ne Dutero Kanon

²⁰ Amu ye kaamut koit emet ne ki ayosyechi kwanisyekwak, nooto nyiitaat cheego ak komi kumyat eng' chaang'indo ak ye kagoamis kobiyong'so ak koneryo, koweektagei anyun ole mi kanamonik koba koot, kosasa ak kobut kayomisennyu.

Bukuit Ne Tilil

²⁰ Amu ye kaamut koit emet ne ki ayosyechi kwanisyekwak, nooto nyiitaat cheego ak komi kumyat eng' chaang'indo ak ye kagoamis kobiyong'so ak koneryo, koweektagei anyun ole mi kanamonik koba koot, kosasa ak kobut kayomisennyu.

BUKUIT NE TILIL

²⁰ Amu ye kaamut koit emet ne kiayosiechi kwanisiekwak, noto nyiitat chego ak kumik; ak ye kagoamis kobiyong’so, ak konerio; koweektagei anyun ole mi kanamonik koba koot, ak kosasa, ak kobut kayomisennyu.

NG'ATUTIK 31:20 ပူးပေါင်းရင်းမြစ်များ

NEEMIA 9:35

Amu ma otin eng' laitornatennywa ak eng' myeeindong'ung' ne oo ne ki igoochi ak eng' emet ne paraa ak ko akwai ne ki igoochi eng' tainnywa ama meto poisyonikwak che yaacheen.

TIENWOGIKAL 119:70

Katimogis mugulelwekwak eng' akwaindo; ago abaibaitune ng'atuutyeng'ung',

TIENWOGIKAL 17:10

Kager icheeget mugulelwekwak agobo riirge; ng'alaale menoteet kutusweekwak.

TIENWOGIKAL 73:7

Ibwanotin konyekwak eng' nerateet: tinyei tuguuk che siirei che machei mugulelwekwak.

KOMONG'U 3:17

Ak kaatil ale, Amutwok otogosu omang'une nyalildap Misiri, agoi oit emetap Kanaanik, Hitik, Amorik, Perisik, Hibik, ak Jebusik, emet ne nyiitaat cheego ak komi kumyat eng' chaang'indo.”

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

KALEWANAIK 30:9

si ma piye ak aeesyen, ak ale, “Ng'oo Kamuktaindet ne Toroor?” Anan si ma egu kibanania, ak achoorse, si ma mwa kainetap Kamuktaindennyu eng' tangoi.

ISAIAH 6:10

Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.

JEREMIA 31:32

ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

JEREMIA 5:28

ki koneryo miising' ak iluu. Siirtootin icheek eng' poisyonigap sogornateet; ma irwoochi si kobesyechi eng' imanit ne ma tinyei sigiik, ama irwooksechin komyee che ponondos.

JEREMIA 50:11

Amu ogasigei, amu oboiboi, ee okweek che opookyini porotennyu, amu ourerendosi ko uu rooryat ne tyechei peek, ak oteei ko uu paraisisyek che kiimeen;

EZEKIEL 34:16

Acheeng'e ne ki pet, ak amutu kogeny ne ki kioon, ak arop ne ki il, ak agimiit ne kimyani: ak abar ne neraat kobooto ne kiim: abae icheek kirwooget.

EZEKIEL 34:20

Mwachin anyun Kiptaiyat `Kamuktaindet ne Toroor icheek ko uu ni koleenji: Ogeero, arwookyini aneendet artet ne neraat eng' artet ne sagitat.

HOSEA 13:6

Kibiyong'so ko uu kiit ne ki uu ole ki agete; kibiyong'so, ak kiitoroorgei eng' mugulelwekwak: kigoutyeno anyun.

HOSEA 6:7

Ago ki kobistoe icheek kayomiset ko uu Adam: ki koberbera eng' olooto.

NG'ATUTIK 11:16

Oriipkei anyun si ma kiberber mugulelwekwok, ak omaste oot kanamonik ak ogutung'ji.

NG'ATUTIK 11:17

Ngo yai ko uu nooto, kolaldos nereegegap Kamuktaindet ne Toroor eng' okweek ak koger kipsengwet, si mogoroboni, si ma koiyei emet, ak osip obegu eng' emet ne karaaran ne koonok Kamuktaindet ne Toroor.

NG'ATUTIK 6:3

Ogas anyun ee Israel, oriip ogeer ole koyai si komyeeityin ak otesage eng' emet ne nyiitaat cheego ak komi kumyat eng' chaang'indo ko uu ye ki iarorun `Kamuktaindet ne Toroor, Kamuktaindetap kwanisyeguk.

NG'ATUTIK 7:1

Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,

NG'ATUTIK 8:19

Ngot iutye Kamuktaindet ne Toroor Kamuktaindeng'ung', ak isup kanamonik ioot ak igutung'ji, abaoryani agobo okweek rani ale olustosi ne matiny.

NG'ATUTIK 8:7

Imutin `Kamuktaindet ne Toroor Kamuktaindeng'ung' iit emet ne karaaran, emetap kereruusyek che mi peek ak komi kong'igap peek ak keriingonik che kutune peek eng' atebwosyek ak eng' tuloonook.