NG'ATUTIK 1:17 - BUKUIT NE TILIIL Sireet ne Dutero Kanon

¹⁷ Amotiytiy piik eng' kirwooget; ago ogasyi ne ming'in ak ne oo kogergeit. Amoiywei togoch ne po chii amu po kirwooget Kamuktaindet. Ng'olyoot ne katemenak oibwa si agas.’

Bukuit Ne Tilil

¹⁷ Amotiytiy piik eng' kirwooget; ago ogasyi ne ming'in ak ne oo kogergeit. Amoiywei togoch ne po chii amu po kirwooget Kamuktaindet. Ng'olyoot ne katemenak oibwa si agas.’

BUKUIT NE TILIL

¹⁷ Amotiytii bik eng’ kiruoget; ogasyi ne ming’in ak ne o kogergeit; amoiywei togoch ne bo chi; amu bo kiruoget Kamuktaindet: ak ng’olyot ne katemenak, oibwa, si agas.

NG'ATUTIK 1:17 ပူးပေါင်းရင်းမြစ်များ

TAUNET 18:25

Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

2 SAMUEL 14:14

Amu nyoljinech kebegu ne matiny ak ki uu peek che kagitumji ng'wony, che ma kimuuchi keram kogeny. Ama istoi `Kamuktaindet saboondo, ago chobei ooreet si mata koigei ne ki kioon ne ki king'eeto.

2 ATEPTAP PEETUUSYEK 19:5

Ki inde kirwoogik emet, eng' nganaseet age tugul eng' nganasook tugul che ng'ootaatiin che po Judah.

2 ATEPTAP PEETUUSYEK 19:6

Ki leenji kirwoogichooto, “Obwaat kiit ne oyae, amu morwoochi agobo chii ago orwoochi agobo Kamuktaindet ne Toroor, mi ineendet kobootok ye oyae kirwooget.

Kitabuutap JOB 31:34

amu ki aiywei tuiyet ne oo, ak ki imua sasisyetap piik eng' kooriikwak, kot asiis, amawe saang'-

TIENWOGIKAL 82:2

Orwoochi kirwooget ne ma po iman kot kotyanit, ak ogonyiti kiptengeginik?

KOMONG'U 18:18

Iwong'ugei kimnateng'ung' inyee ak ne po pichu omiitei tugul. Amu siirei kimnateng'ung' niito ago memuuchi iyai inyegei.

KOMONG'U 18:22

Ingoek icheek kirwoogik che irwookyin piik eng' peetuusyek tugul ak koibun ng'olyoot age tugul ne uui. Ago ingobesyechi icheek ng'olyoo age tugul ne ming'in, si kobiit konyamnyumun amu kogesen tugul.

KOMONG'U 18:26

Ki irwookyin `icheek piik eng' peetuusyek tugul. Ki ipchi Musa ng'aleek che uueen ago ki ibesyechi icheek ng'olyoo age tugul ne ming'in.

KALEWANAIK 18:5

Ma myee ketiytiy kiptengekyot, anan kimaas ne po iman eng' kirwooget.

KALEWANAIK 24:23

Chuuto ak icheek ko ng'aleegap che utaatiin. ma myee ketiytiy piik eng' kirwooget.

KALEWANAIK 28:21

Ma myee ketiytiy piik; anan kobistoe chii kole si konyoor kererutyet.

KALEWANAIK 29:25

Ibu mesteet kaiyweisyet ne kiywei chii, ago nyooru chametapkei age tugul ne imang'u Kamuktaindet ne Toroor.

JEREMIA 1:17

Kermenge anyun, yetyo ing'eet ak imwachi icheek tuguuk tugul che ang'atiin. Ametoptoben amu icheek, si ma koonin itoptoben eng' tainnywa.

ATEPTAP LAWIK 19:15

“Amat oyai ne ma po iman eng' kirwooget; ametiytiy kibananook anan igonyit che eecheen; ago irwookyi chiitap kokweng'ung' eng' imanda.

MALAKI 2:9

Ki ayaak anyun oegu che kisasei ak ko nyerootiin eng' taitap piik tugul, ko uu ye ki ma oriip ortinwekyuk, ago ki otiytiy piik eng' ng'atuutik.

MATAYO 22:16

Ki iyookto kasubikwak kobooto che po Herodik koba ole mi ineendet, koleenji, “Kaneetindoni, kingen keele ii po iman, ak ineeti ooreetap Kamuktaindet eng' iman, ameiti chii tugul; amu megeere togoochigap piik.

MARIKO 12:14

Ak kingo pwa, koleenji ineendet, Kaneetindoni, kingen keele ii po iman, ameiti chii age tugul: amu megeere itoondap chii, ago ineeti iman ooreetap Kamuktaindet: Tos chamdoi ng'atuutik kigoochi kodi Caesarea, anan ma chamdoi?

LUKA 20:21

Ak kiteebe ineendet kole, “Kaneetindoni, kingen keele imwae ak ineetisyei eng' iman, ago metiytiy chii, ak ineeti iman ooreetap Kamuktaindet:

ROMANIK 2:11

amu ma tiytiy `Kamuktaindet piik.

EPESOEK 6:9

Ak okweek kiptainichu, oyachi icheek ak okweek ko uu nooto, amorasyini: ongen ole mi kipsengwet Kiptaiyannywa ak ko neng'wong', ama mi eng' ineendet tiytiyet ne po piik.

NG'ATUTIK 10:17

Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

NG'ATUTIK 16:19

Amemaas kirwooget. Ametiytiy piik anan itaach che po kagaigaet, amu kerei konyegap che tinyei utaatyet tuguuk che po kagaigaet, ak kogunuuri ng'aleegap che po imanda.

NG'ATUTIK 24:17

Amemaas kirwoogetap toondet anan ne ma tinyei sigiik anan iname pesendo ngoryeetap mosoget.

NG'ATUTIK 25:1

“Ngopiit tiyet eng' piik ak kobwa kapkirwook korwookyi kirwoogik; ko ngo iityi imanda anyun ne po imanda ak kogikyi ne ya;

KOLOSAIK 3:25

Amu ineendet ne yaei ne ya, ko tuun taachei agine ne po yaityonooto ki yai: ama mi tiytiyet.

1 THESSALONIKEK 2:4

ago ko uu ye ki koyanwech Kamuktaindet keegu che tononjin logoiywek che myach, keng'alaali ko uu nooto; ma ko uu che iboiboiti piik, ago Kamuktaindet ne tyemei mugulelwekyok.

JAKOBO 2:9

ago ngot otiytiy piik, ko kaoyai tengekto ak korwokwok Ng'atuutyet kole oo pistoik.

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek:

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”

1 SAMUEL 2:25

Ngot koyachi chii chiito age tengek, korwookyin Kamuktaindet. Ago ngot koyachi chii tengek Kamuktaindet ne Toroor, ko ng'oo ne saaei agobo ineendet?” Ago ki ma kas ng'aleegap kwandanywa, amu kimachei Kamuktaindet ne Toroor kobar icheek.