MIKAH 7:19 - BUKUIT NE TILIIL Sireet ne Dutero Kanon

¹⁹ Tuun weeksei kogeny ak korirenech; tuun istoiwech tengekwogikyok: tuun iwiirchini tugul rirosyegap nyanjet.

Bukuit Ne Tilil

¹⁹ Tuun weeksei kogeny ak korirenech; tuun istoiwech tengekwogikyok: tuun iwiirchini tugul rirosyegap nyanjet.

BUKUIT NE TILIL

¹⁹ Tun weeksei kogeny ak korirenech; tun tiekyin ng’ony tengekwogikyok: ak iwirji tengekwogikwak tugul rirosiekab nyanjet.

MIKAH 7:19 ပူးပေါင်းရင်းမြစ်များ

2 SAMUEL 24:14

Ki leenji `Daudi Gad, “Ami eng' pichiindo ne oo, ngabutyi eutap Kamuktaindet ne Toroor, amu chaang' rireenosyekyik, ago ameng' abutyi eutap chii.”

TIENWOGIKAL 103:12

Ko uu ye loochin kong'asiis ak cherongo, ko uu nooto kigoistoenech chalwogikyok kolooegitu.

TIENWOGIKAL 130:8

Ak kityaachi ineendet Israel eng' tengekwogikyik tugul.

TIENWOGIKAL 85:3

Ki iste nereegeguk tugul: Ki ituktoochi patai koroomnatetap nereegeguk.

ISAIAH 33:24

Ak ma tuun mwaei ne meng'iisyei kole, “Amyani”; kinyochin kaat tengekwogigap piik che menyei olooto.

ISAIAH 38:17

Keero, ki anyooru ng'wanindo ne oo agobo kalyennyu; ago ki isaru saboondanyu komang'une keriingetap ng'emisyet, amu ki iwiirte tengekwogikyuk koba let.

ISAIAH 43:25

Anee, ee aneendet ne aistoi pistaosyeguk, amu kainennyu; amabwaati tengekwogiguk.

JEREMIA 31:20

Tos weeriitnnyu ne achame, Ephraim? Tos ineendet ko lakweet ne kiboiboitune? Amu ye ang'alaali kotugul areenye ineendet, abwaati ineendet miising' kora: iima moennyu amu ineendet; ariiree ineendet iman, mwaei Kamuktaindet ne Toroor.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

JEREMIA 33:8

Ak aun icheek eng' tengektonywa tugul, che ki koyaiywo; ak anyochi kaat amu tengekwogikwak tugul, che ki koyaiywo, ak che ki kongeleljinena.

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

RIREKAB JEREMIA 3:22

Ki rireenosyegap Kamuktaindet ne Toroor kityo si ma kigeswech, amu mararu rireenosyekyik.

RIREKAB JEREMIA 3:32

Agot nga kon arageneet, kota koriiree ko uu chaang'indap rireenosyekyik.

EZEKIEL 18:22

Ma kiityin ineendet agot agenge eng' pistaosyekyik che ki koyai: sabei ineendet eng' imandanyi ne ki koyai.

EZEKIEL 39:29

ama aung'e icheek togeennyu kogeny; amu kaaroong'ji Kabuusennyu kootap Israel, mwaei Kiptaiyat Kamuktaindet ne Toroor.

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

HOSEA 14:4

Asoobi kachuchugeng'wong' pogei, achame icheek miising': amu kogoistoegei ineendet nereegekyuk.

SEKARIA 3:4

Ak ki wol ineendet koleenji icheek che kitonone tainnyi, Oreegune ineendet ngoroikyik che murwonen. Ak ki mwachi ineendet koleenji, Keero, kaistoenen tengektong'ung', ak alaagun ngoroik che korooron.

ROMANIK 6:14

Amu ma tinyei tengek pounateet eng' okweek: amu ma omi eng' Ng'atuutik, ago eng' myeeindo.

ROMANIK 8:13

amu ngo subi poorto, obegu matiny; ago ngo par eng' Kabuuset ne Tiliil poisyonigap poorto, osaptosi.

NG'ATUTIK 30:3

kowal anyun Kamuktaindet ne Toroor Kamuktaindeng'ung' luuleet ne ki kiluulin ak korirenen ak koweek koyumin eng' pororyosyek tugul ole ki iyestoochin Kamuktaindet ne Toroor Kamuktaindeng'ung'.

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

NG'ATUTIK 32:36

Eng' iman ko irwookyinechin `Kamuktaindet ne Toroor piikyik, ak koriir moo agobo otwogikyik, ye keer kole kagowandagei kimnateennywa, Ama mi ne kong'et ne rataat anan ne ma rataat.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 8:12

Amu tuun ariiree icheek amu tengekwogikwak, Ama tuun abwaati tengekwogikwak agoi.”

1 JOHANA 3:8

ineendet ne yaei tengek ko po chesawil; amu ki yai chesawilyet tengek kobooch taunet. Kigeng'aany Weeriitap Kamuktaindet amu nooto, si kobiit kong'em poisyonigap chesawilyet.