MATAYO 28:20 - BUKUIT NE TILIIL Sireet ne Dutero Kanon

²⁰ oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

Bukuit Ne Tilil

²⁰ oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

BUKUIT NE TILIL

²⁰ onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

MATAYO 28:20 ပူးပေါင်းရင်းမြစ်များ

TAUNET 39:21

Ago ki mi Kamuktaindet ne Toroor kobooto Joseph, ak ki riiregei ineendet ak ki igoochi konyoor chameet eng' pounindetap korgoreet.

1 LAITORINIK 1:36

Ki wolji Benaiah weeriitap Jehoiada laitoryat koleenji, “Sere! Ingomwa agine Kamuktaindet ne Toroor, Kamuktaindetap kiptaiyandennyu laitoryat, ko uu nooto.

1 ATEPTAP PEETUUSYEK 16:36

Iberuurot Kamuktaindet ne Toroor, Kamuktaindetap Israel, kobooch koigeny agoi koigeny! Ki mwa piik tugul kole, “Amen, ilasunoot Kamuktaindet ne Toroor!”

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

KOMONG'U 3:12

Ak ki le Kamuktaindet ne Toroor, “Ami kobooten iman ak egu ni kaboorunet ne inae ile kayookten: ye kaimoong'u piik eng' Misiri, oboisyechi Kamuktaindet eng' tulwooni.”

KOMONG'U 8:27

Nyolu keebe panda ne po peetuusyek somok eng' surkwen, si kegoochi tiseiywot Kamuktaindet ne Toroor, Kamuktaindennyo, ko uu ye kong'atech.”

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

JEREMIA 26:2

Kamwa Kamuktaindet ne Toroor kole: Tonon eng' seremutap kootap Kamuktaindet ne Toroor, ak ing'alaalji nganasook tugul che po Judah, che cham kobwanei kolasu eng' kootap Kamuktaindet ne Toroor, mwachi ng'aleek tugul che ang'atiin; imwachi; ametuuch ng'olyoo.

EZEKIEL 46:10

Ak ye pendi oriit, kowendi pounindet kobooto icheek, ak ye mandoi, komandoi tugul.

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 13:49

Egu ko uu nooto eng' kagesunetap ng'wony. Tuun pwoonei malaikaisyek koobeesyo che yaacheen eng' kwenutap che po imanda,

MATAYO 18:20

Amu ole katuiyechi aeng'u anan somok eng' kainennyu, ami kwenunnywa eng' olooto.”

MATAYO 24:3

Ye kitebyei ng'wony eng' tulweetap Mseituni, kobwonji ineendet kasubik komi ineegei, ak kole, “Mwaiwech, egu au tuguuchu? Ak tuun uu nee kaboorunetap nyonuneng'ung' ak kagesunetap ng'wony?”

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

MARIKO 16:20

Ak ki pa anyun, koamdaat eng' oldo tugul, kobois Kiptaiyat kobooto icheek, ak kogimit ng'olyoot eng' kaboorunoik che ki isuboti.

POISYONIGAP CHE KIYOKTOI 2:42

Ki igiiljingei icheek tugul kaneetisyetap che kiyooktoi ak yamdaet, eng' putuletap magatyat ak saautik.

POISYONIGAP CHE KIYOKTOI 20:27

Amu ma ariiny amwaiwok maguutik tugul che po Kamuktaindet.

1 KORINTOEK 11:2

Aloswok anyun nguno amu obwaata eng' tuguuk tugul, ak oriibe kaneetisyosyek ko uu ye ki arorwok.

1 KORINTOEK 11:23

Amu ki ataach eng' Kiptaiyat nooto ki agoonok agane, ko uu ye ki nam magatyat Kiptaiyat Jeso eng' kemounooto ki king'wektoe ineendet;

1 KORINTOEK 14:37

Ngo pwaati chii age tugul kole maotyot, anan ko chii ne mi eng' atebeetap Kabuuset, ko ingonai tuguuk che asirwok, kole chooto ko ng'atuutyetap Kiptaiyat.

NG'ATUTIK 12:32

“Oriip kiy age tugul ne ang'atook oyai. Amat otes anan ichuchuch.

NG'ATUTIK 5:32

“Oriip anyun si oyai ko uu ye king'ataak Kamuktaindet ne Toroor Kamuktaindeng'wong'; amomaste obe tai anan kaataam.

KOLOSAIK 1:28

ineendet ne kimwaitoi, ak kiteechini chii age tugul ak kineeti chii age tugul eng' utaatyet tugul, si kobiit kimut chii age tugul kogesunotkei eng' Kristo;

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

2 PETERO 3:2

si obwaat ng'aleek che ki mwa maotik che tiliileen eng' tai, ak ng'atuutyetap Kiptaiyat ak ko Yetindet eng' piikwok che kiyooktoi:

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

NG'ANG'UTYET 22:14

Poiboen icheek che mwetei ngoroikwak, si kobiit komuuch kosich chamjinet koit ole mi keetitap saboondo ak kobun kurgotik kobendi nganaseet oriit.