MATAYO 28:19 - BUKUIT NE TILIIL Sireet ne Dutero Kanon

¹⁹ Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

Bukuit Ne Tilil

¹⁹ Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

BUKUIT NE TILIL

¹⁹ Noto anyun oba, ak oyai bikab bororiosiek tugul koek alamalaik, obatisan ichek eng’ kainetab Kwanda ak ne bo Werit ak ne bo Tamirmiriet ne Tilil;

MATAYO 28:19 ပူးပေါင်းရင်းမြစ်များ

TAUNET 1:26

Yeityo komwa Kamuktaindet kole, “Ongeyai chiito eng' itoondanyo, ko uu kergeindanyo. Ingoboi icheek njireenik che mi nyanjosyek, toriitik che mi soet parak, kiyagiik, ng'wony komugul ak tyong'ik tugul che ichuutegei ng'wony.”

ISAIAH 48:16

Oriikyo, ogas ni; tomo amwa kiy eng' ung'oot kobooch keny; ki ami kobooch agoi; kagoyookta anyun Kiptaiyat Kamuktaindet ne Toroor, ak Kabuusennyi.

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 52:10

Amu ki kobarta Kamuktaindet ne Toroor eunnyi ne tiliil eng' taitap pororyosyek tugul; ak keerei tabanwek tugul che po ng'wony yetunetap Kamuktaindennyo.

MATAYO 13:52

Koleenji anyun, “Ko uu nooto anyun, siriindet age tugul ne ki kineet komyee ng'aleegap pounatetap kipsengwet, ko kergei ak chiito ne po koot, ne inemu tuguuk che leelach ak che po keny eng' ole konoree tuguukyik che po kamanuut.”

MATAYO 25:32

Tuun kiyumji tainnyi pororyosyek tugul, ak kokwei icheek koobeesyo ko uu ye ibestos mestowot keechiirek ak ng'oroorek,

POISYONIGAP CHE KIYOKTOI 1:2

Ki atet anyun chooto tugul agoi peetuut ne ki kimuti kwo parak, ye kingo kagong'at `inee eng' Kabuuset ne Tiliil che kiyooktoi, chooto kiga kolewen.

POISYONIGAP CHE KIYOKTOI 1:8

Ago otaache kamuktaet ye tuun kanyonjok Kabuuset ne Tiliil; ak oegu paorinikyuk eng' Jerusalem, eng' Judea komugul ak Samaria, ak agoi tabandap ng'wony.”

POISYONIGAP CHE KIYOKTOI 14:21

Ye kingo kagoamji logoiywek che myach nganasanooto, ak ko kagoyai che chaang' koek kasubik, koweektagei koba Lystra, ak Ikonia, agoi Antiok.

POISYONIGAP CHE KIYOKTOI 2:41

Ki kibatisan anyun icheeget che kitaach ng'olyoondennyi, ak ki kitesyi icheek peetuunooto piik olo po eliphuusyek somok.

POISYONIGAP CHE KIYOKTOI 28:28

Ingonaak anyun eng' okweek, ole, kiyookyin yetunoni po Kamuktaindet pororyosyek; kasei ak icheek.”

POISYONIGAP CHE KIYOKTOI 9:18

Ak eng' sainooto kobutyo eng' konyekyik tuguuk che uu peerik, ak kigeerto. Ki ng'eet anyun ak ki kibatisan;

ROMANIK 10:18

Ago ateebee ale, tos ki ma kas? Ee, iman, “Ki wo tweguunennywa koyom emet komugul, ak ki pa ng'aleekwak agoi ole poochin ng'wony.”

1 KORINTOEK 15:29

Anan yaei nee anyun che ki kibatisanji che ki kobek? Ngot ko kaagaa ma king'eeti iman che pegu, ko kalya anyun si kibatisan chooto agobo icheek?

2 KORINTOEK 13:14

Ingotebi ak okweek tugul myeeindap Kiptaiyat Jeso Kristo, ak chamyetap Kamuktaindet, ak yamdaetap Kabuuset ne Tiliil.

GALATYEK 3:27

Amu che tee eng' okweek che ki kibatisanjok Kristo ko ki olaach Kristo.

EPESOEK 2:18

amu kinyooru acheek tuwai eng' ineendet ooreennyo eng' Kabuuset ne Tiliil agenge, ne ki itee ole mi Kwanda.

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

1 PETERO 3:21

kergeindap tuguuchuuto ko kabatisanet, ne sarwok agine eng' peetuusyechu, ma keele istoetap simdap poorto, ago waluunetap kabwaatet ne myee ne tokyingei Kamuktaindet, eng' ng'eetyeetap Jeso Kristo;

1 JOHANA 5:7

Amu mi somogu che paoryani: