MATAYO 26:63 - BUKUIT NE TILIIL Sireet ne Dutero Kanon

⁶³ Ago ki siis Jeso. Ki leenji tisiindet ne oo, “Ayosyeun eng' Kamuktaindet ne sabei ale, mwaiwech ngo ii Kristo, Weeriitap Kamuktaindet.”

Bukuit Ne Tilil

⁶³ Ago ki siis Jeso. Ki leenji tisiindet ne oo, “Ayosyeun eng' Kamuktaindet ne sabei ale, mwaiwech ngo ii Kristo, Weeriitap Kamuktaindet.”

BUKUIT NE TILIL

⁶³ Ago kisis Jesu. Ak kilenji tisiindet ne o, Ayosieun eng’ Jehovah ne sobei, ale, mwawech ngo i Kristo, Weritab Jehovah.

MATAYO 26:63 ပူးပေါင်းရင်းမြစ်များ

1 LAITORINIK 22:16

Ki leenji laitoryat, “Ayosyeun konyil ata ale, amat imwaiwo kiy age kobatee imanit eng' kainetap Kamuktaindet ne Toroor?”

2 ATEPTAP PEETUUSYEK 18:15

Ki leenji `laitoryat ineendet, “Ayosyeun konyil ata ale, amat imwaiwo kiy age kobatee imanda eng' kainetap Kamuktaindet ne Toroor?”

TIENWOGIKAL 42:2

Amei saboondanyu melelda agobo Kamuktaindet, Kamuktaindet ne sabei. Auiyo ye anyoone tainnyi si ageer togeetap Kamuktaindet?

KALEWANAIK 29:24

Wechei saboondanyi ineendet ne tinyei yamdaet ak choriindet; kasei chubisyet ama twegu.

ISAIAH 53:7

Ki kinyalil, ago ki iming'ingei, ma twek; ki igei ineendet aarwetap keechiir ne ki kweryei kwo ole kieng'e, ko uu keechiiryet ne siisei eng' taitap piik che tilei koroorikyik; ee, ma twek.

ATEPTAP LAWIK 5:1

“Ngo yai chii age tugul tengek, amu kagas ng'olyootap kayasyoet ak koek paoryat; ngo ki keer anan konai ama kong'aany, koibei anyun tengektanyi.

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 26:62

Ki tonon tisiindet ne oo ak koleenji, “Mewolu kiy? Nee niito ne paoryanjinin pichu?”

MATAYO 27:12

Ago ye kingo taam ineendet tisiik che eecheen ak poisyek, ko mawol kiy.

MATAYO 27:14

Ago mawolji kiy, agot ng'olyoo agenge kot kokwong' miising' pounindet.

MATAYO 27:40

koleen, “Inyee ne ing'eme Hekaluut ak iteech eng' peetuusyek somok, sarugei! Ngo ii Weeriitap Kamuktaindet, ichoorugei eng' kimurtoiyot.”

MATAYO 27:43

Imang'u Kamuktaindet; ingosar ineendet nguno ngot komachei amu ki le, ‘Aa Weeriitap Kamuktaindet.’ ”

MATAYO 27:54

Ye kingo keer chemogetap kiplugotinik pogol ak icheeget che ki mi kobooto ineendet koriibei Jeso potaneetap ng'wony, ak tuguuk che kayaagiis, koywei miising' ak kole, “Iman Weeriitap Kamuktaindet chiichi.”

MATAYO 4:3

Ak ki nyo yoomindet ak koleenji, “Ngo ii Weeriitap Kamuktaindet, ing'at koichu koek magatiinik.”

MARIKO 14:61

Ago ki siis, ama wol kiy. ki teebee kogeny tisiindet ne oo, kole, “Tos ii Kristo inyee, Weeriitap Ne Iberuurot?”

JOHANA 1:34

Ak ki ageer, ak ki abaoryan ale niito ko Weeriitap Kamuktaindet.”

JOHANA 1:49

Kowolji Nathanael kole, “Rabbi, ii Weeriitap Kamuktaindet; ii Laitoryatap Israel!”

JOHANA 10:24

Ki pwa anyun Yahudik koyiem ineendet, koleenji, “Igoonech kigenisye eng' saget kot kotyanit? Ngo ii Kristo, imwaiwech komyee.”

JOHANA 10:30

Anee ak Kwanda, ko ki agenge.”

JOHANA 10:36

tos omwae agobo ineendet, ne kiitabaan Kwanda ak koyookto kwo ng'wony, oleenjini, ichotisyei; amu ki ale, ‘Aa Weeriitap Kamuktaindet?’

JOHANA 18:37

Koleenji anyun Pilato ineendet, “Ara, ii laitoryat so?” Kowol Jeso kole, “Imwae ile aa laitoryat. Ki kisicha amu niito, ak ki anyoo ng'wony amu niito, si kobiit abaoryanji imanit. Kasei kutinnyu chii age tugul ne po imanit.”

JOHANA 19:7

Kowolji Yahudik koleenji, “Ki tinyei ng'atuutyet, ak kanyool kome amu ng'atuutyonooto, amu ki yaigei koek Weeriitap Kamuktaindet.”

JOHANA 19:9

ak ki wo Praitorium oriit kogeny, ak koleenji Jeso, Ibunu ano? Ago ma wolji `Jeso ineendet.

JOHANA 20:31

ago ki kisir chu, si kobiit oyan ole Jeso ko Kristo, Weeriitap Kamuktaindet; ak si kobiit ye oyani onyooru saboondo eng' kainennyi.

JOHANA 6:69

Ak ki kiyan ak kingen keele ii Ne Tiliil ne po Kamuktaindet.”

JOHANA 8:25

Ki leenji anyun icheek ineendet, “Ii ng'oo?” Koleenji Jeso, “Nooto ki amwaiwok kobooch taunet.

2 KORINTOEK 1:19

Amu Weeriitap Kamuktaindet, Jeso Kristo, ne ki kiamde eng' kwenung'wong', anee ak Silvano ak Timoteo, ne ki ma ko “ee” ak “achicha”, ago eng' ineendet ko “wei” kipchulyo.

1 PETERO 2:23

ne ye ki ngeng'emji kuut, koma ng'em kuut; ye kingo nyalil, koma imuiso; ago ki igoochigei ineendet ne irwoochi eng' imanda:

1 SAMUEL 14:24

Ki iimak kiplugotinigap Israel eng' peetuunooto. Ko uu ye kiga konde Saulo kotebee kayasyoet kiplugotinik kole, “Chuboot chiito ne amei amit age tugul kotom koit koskoleny, si asich ayooktochigei mugetuut eng' puunikyuk.” Ma chamcham anyun chii age tugul amit eng' pichooto.

1 SAMUEL 14:26

Ye kingo it piik timiin, kooro kosou kumyat, ago ma inde chii kuut eng' eunnyi; amu ki iywei icheek kayasyoet.

1 SAMUEL 14:28

Kowol anyun age eng' piik kole, “Ki ng'at kwandang'ung' piik eng' kayasyoet ak eng' kimnateet kole, ‘Chuboot chiito ne amei amitwogik eng' peetuuni.’ ” Ak kiga kong'etyo piik kot.