MATAYO 25:34 - BUKUIT NE TILIIL Sireet ne Dutero Kanon

³⁴ “Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

Bukuit Ne Tilil

³⁴ “Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

BUKUIT NE TILIL

³⁴ Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

MATAYO 25:34 ပူးပေါင်းရင်းမြစ်များ

TIENWOGIKAL 2:6

“Kande laitoryandennyu `Zion tulweennyu ne tiliil.”

KALEWANAIK 11:17

Chiito ne tinyei rireenetapkei koyachin ne myee saboondanyi, ago chiito ne kolgol konyalili poortanyi.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 6:5

Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

SEPANIA 3:15

Kagoisto Kamuktaindet ne Toroor kirwoogutiguk, ki koon punyondeng'ung'. Mi kwenung'ung' laitoryatap Israel, ineendet Kamuktaindet ne Toroor; ma iywei yaityet agoi.

MATAYO 13:35

si kosulda ne ki kamwa maotyot kole: “Ayaate kutinnyu eng' kalewenaik; amwae tuguuk che ki kiuny kobooch koga kelumda ng'wony.”

MATAYO 19:29

Ak age tugul ne ki kobagakta kooriik, anan ng'eetap kametwagik, anan chepkametwagik, anan kwanda, anan kamet, anan lagok, anan mbareenik, agobo kainennyu, kotaachei konyil pogol, ak koboor eng' saboondap koigeny.

MATAYO 20:23

Koleenji `Jeso icheek, “Oee iman kigombennyu, ago ketebee eunnyu ne po tai ak eunnyu ne po kaataam koma nenyu agoito, ago po icheek chooto Ki kochopchi kotabaanji Abba.”

MATAYO 21:5

“Omwachi cheptap Zion, Keero, nyoonjinin Laitoryandeng'ung', tala, ak kobunu sigiryet, ak moitap sigiryet, parnotyot.”

MATAYO 25:21

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

MATAYO 25:23

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

MATAYO 25:40

Ak kowolji Laitoryat koleenji, ‘Amwaiwok iman ale, ko uu ye ki oyachi agot agenge eng' chu mengeech, eng' tupchosyechuchuk, ko ki oyaiywo.’

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

MATAYO 27:37

Ki inde paragutap metinnyi kataamset ne ki kisir keele, “Ni ko Jeso Laitoryatap Yahudik.”

MATAYO 3:2

koleen, “Osigu, amu kagoriik pounatetap kipsengwet.”

MATAYO 5:19

Nooto anyun, chii age tugul ne putei ng'atuutyet agenge ne ming'in kot, eng' ng'atuutichu, ak koneeti piik ko uu nooto, keguure ineendet ne ming'in eng' tugul eng' pounatetap kipsengwet: ago chii tugul ne yaei ak koneeti chooto, keguure ineendet ne oo eng' pounatetap kipsengwet.

MARIKO 10:17

Ak ye kiwendi eng' ooreet, kolabatyi chiito age ineendet ak kogutung'ji, ak koteebe kole, “Kaneetindoni myee, ayai nee si anyoor saboondo ne po koigeny?”

MARIKO 10:40

ago ma anee ne igoitoi kotebee chii eunnyu ne po tai anan eunnyu ne po kaataam: ago po icheeget che kigechopchi.”

LUKA 11:28

Ago ki le ineendet, “Iberuurotin kosiir che kasei ng'olyootap Kamuktaindet, ak koriip.”

LUKA 11:50

si kobiit komage ibini, korotiigap maotik tugul, che ki kitumda kobooch ko kagilumda ng'wony;

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

LUKA 19:38

koleen, Iberuurot Laitoryat ne nyoonei eng' kainetap Kiptaiyat: kaalyeet eng' kipsengwet, ak liilindo eng' ole toroor miising'.

JOHANA 1:49

Kowolji Nathanael kole, “Rabbi, ii Weeriitap Kamuktaindet; ii Laitoryatap Israel!”

JOHANA 12:13

Ki nam anyun mooriik che po sosik, ak koba kotorookta ineendet ak komwa eng' kutit ne oo kole, “Hosanna! Iberuurot ineendet ne nyoonei eng' kainetap Kiptaiyat, nooto Laitoryatap Israel.”

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

JOHANA 19:15

Kobolyo pichooto kole, “Iste ineendet! Iste ineendet! Igartaat ineendet!” Koleenji Pilato anyun icheek, agartaat laitoryandeng'wong'? Kowol tisiik che eecheen, kole, ma kitinye laitorya kobatee Caesarea.

POISYONIGAP CHE KIYOKTOI 15:18

Mwaei Kiptaiyat, ne yaei tuguuchu si konaak kobooch taunetap ng'wony.’

POISYONIGAP CHE KIYOKTOI 3:26

Ak ye kingo kagong'eet Kamuktaindet kiboityondennyi, koyokwok okweek korook si koberuurok, ak koistoe chii age tugul eng' okweek tengekwogikyik.”

ROMANIK 8:17

ak ngo ki lagok, ko ki che punjinech tuguuk; che punjinech tuguugap Kamuktaindet, ak che punjinech tuguuk kobooto Kristo; ngot kenyalildosi kobooto ineendet, si kitoroorech kobooto ineendet.

1 KORINTOEK 15:50

Amwae ni anyun, tupchosyechu, ale ma imuuchi panyeek ak korotiik konyoor laitornatetap Kamuktaindet; amaimuuchi ne nunei konyoor ne manunei.

1 KORINTOEK 2:9

ago ko uu ye ki kisir keele, “Ma mi kong' ne ki kogeer, anan it ne ki kogas, anan muguleldap chii ne kigoguiyo, tuguuk tugul che kichopchi `Kamuktaindet icheeget che chamei ineendet.”

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

GALATYEK 5:21

kong' ne ya, pogitatosyek, keiyandisyek, ak alak che uu chooto: kasip ateiywok agobo chu, ko uu ye kisip ateiywok, ale icheeget che yaei tuguuk che uu chuuto koma nyooru laitornatetap Kamuktaindet.

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

2 TIMOTEO 2:12

ngemuite, ko tuun ki pou kobooto ineendet: ngot keeesye ineendet, ko tuun eesyoech agine:

2 TIMOTEO 4:8

kobooch nguno ko kagegonorwo kuutweet ne po imanda, ne tuun koono Kiptaiyat, kirwoogindet ne po imanda, eng' peetuunooto: ago ma aneege, ago icheeget tugul ak icheek che ki kocham tagunennyi.

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

HEBRANIK 11:16

Ago machei kot nguno emet ne karaaran kosiir nooto, nooto ko, ne po kipsengwet: nooto anyun ma keerei Kamuktaindet kalilanet agobo icheek keguure Kamuktaindet nenywa: amu Ki kochopchi icheek nganaseet.

HEBRANIK 4:3

Amu acheek che ki kiyan keite kamuung'onooto; ko uu ye ki komwa ineendet kole, Ko uu ye ki ayosye eng' nereegekyuk ale, Maitei icheek kamuung'ennyu: agot nganda kiga kogeskei poisyonichooto kobooch ngap kelumda ng'wony.

HEBRANIK 9:26

amu nda ki uu nooto anyun ta kinyooljin konyalil konyil che chaang' kobooch ngelumda ng'wony; ago kagong'ang'ak nguno konyil agenge eng' kagesunetap kenyiisyek si kobiit koisto tengekto eng' tiseiywot ne ki ineendet.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

1 PETERO 1:9

ye tuun onyooru kasuldaetap kayaneng'wong', yetunetap saboonwekwok.

1 PETERO 3:9

che mayaaktoi yaityo eng' yaityo, anan ko ng'emetap kuut eng' ng'emetap kuut; ago oegu che iberuurisyei; amu ki kiguurchok niito, si onam kaberuret.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 17:8

Tyonyi kegeere komi, ama komi; ak ko neegit komong' eng' keriinget ne ma igoksei, ak kwo luseet. Ak kwong'dos icheek che menyei ng'wony, che ki ma kisirchi kainaikwak bukuitap saboondo kobooch ngap kelumda ng'wony, ye keer tyondo, amu ki mi, ama komi, ak kota konyonei.

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”